Kɛ́ Ponografi Kwɛmɔ Ebatsɔ Misu Hu?
Nɔ ni obaanyɛ ofee
Esa akɛ ole nɔ ni ponografi tsuɔ lɛ jogbaŋŋ. Yiŋtoo pɛ ni hɔ ponografi sɛɛ ji koni akɛfite nɔ ko ni Nyɔŋmɔ ebɔ ni yɔɔ nyam lɛ. Kɛ́ onu ponografi shishi yɛ nɛkɛ gbɛ nɔ lɛ, ebaaye ebua bo koni ‘ohi efɔŋ.’—Lala 97:10.
Susumɔ nibii ni baajɛ mli kɛbaa lɛ ahe. Ponografi hãaa aná bulɛ ahã mɛi ni yɔɔ mli lɛ. Nakai nɔŋŋ hu ehãaa aná bulɛ ahã mɔ ni kwɛɔ lɛ. Yiŋtoo kpakpa ko hewɔ ni Biblia lɛ kɛɔ akɛ: “Hiɛtɛ̃lɔ naa efɔŋ ní baa, ni eteɔ ehe” lɛ.—Abɛi 22:3.
Kã ohe kitã. “Mikã mihiŋmɛi kitã ni no hewɔ lɛ te aaafee tɛŋŋ mahã oblayoo fro he afee mi akɔnɔ hu.” (Hiob 31:1, Ga Biblia hee) ‘Kitãi ni obaanyɛ okã’ ohe lɛ ekomɛi nɛ:
Miyaŋ Intanɛt lɛ nɔ be ni mikome pɛ miyɔɔ.
Kɛ́ trukaa ni ponografi henɔ ko jie ehiɛ kpo nɔŋŋ lɛ, mashi saiti lɛ oya nɔŋŋ.
Kɛ́ miyanyɛɛɛ mihe nɔ maye lɛ, mikɛ minaanyo ni sumɔɔ Nyɔŋmɔ waa baasusu he.
Nibii gbohii pii jɛɔ ponografi kwɛmɔ mli kɛbaa—kɛ́ otee nɔ okwɛ lɛ, ebaawa akɛ obaajo naa foi
Sɔlemɔ yɛ he. Lalatsɛ lɛ kpa Yehowa Nyɔŋmɔ fai akɛ: “Jiemɔ mihiɛ kɛjɛ yaka nii akwɛmɔ nɔ.” (Lala 119:37) Nyɔŋmɔ miisumɔ ni oye su nɛɛ nɔ, ni kɛ́ osɔle ohã lɛ lɛ, ebaawaje bo koni ofee nɔ ni ja!—Filipibii 4:13.
Okɛ mɔ ko asusu he. Kɛ́ oná mɔ ko ni okɛgbaa oboŋ sane lɛ, bei pii lɛ no yeɔ ebuaa bo ni okpaa su ni ehiii nɛɛ.—Abɛi 17:17.
Kaimɔ enɛ: Be fɛɛ be ni obaakpoo ponografi lɛ, oye kunim kpele ji no. Okɛ Yehowa agba nakai kunim lɛ he sane, ni oda lɛ shi yɛ bɔ ni ewaje bo kɛkpee naa lɛ hewɔ. Kɛ́ otsi ohe kɛje ponografi he lɛ, ohãa etsui nyɔɔ emli naakpa!—Abɛi 27:11.
Ekolɛ Obaasumɔ Enɛ Hu
SAJI NI OBLAHII KƐ OBLAYEI BIƆ
Mɛni Hewɔ Esa Akɛ Okpoo Ponografi?
Mɛɛ tsakpaa yɔɔ ponografi kɛ tawa shɛremɔ teŋ?
NIFEEMƆ WOJI
Bɔ ni Obaafee Okpoo Ponografi
Mɛni hewɔ nɔ ni akɛtsiɔ hei ni esaaa akɛ ayaa ni yɔɔ Intanɛt lɛ nɔ lɛ pɛ kɛkɛ faa lɛ?
BIBLIA TSƆƆMƆI NI HE HIAA WAA
Ani Ponografi Ji Esha Ni Afeɔ Ashiɔ Nyɔŋmɔ?
Ani wiemɔ “ponografi” lɛ yɛ Biblia lɛ mli po? Te wɔbaafee tɛŋŋ wɔle Nyɔŋmɔ susumɔ yɛ ponografi he?
BUU-MƆƆ
Ponografi
Te ponografi náa aŋkroaŋkroi kɛ wekui anɔ hewalɛ ehaa tɛŋŋ?
