Biblia lɛ kɛɔ akɛ, “Yehowa hãaa nɔ kpakpa ko nɔ kpakpa ko ahia mɛi ni nyiɛɔ yɛ anɔkwayeli mli lɛ.” (Lala 84:11) Kɛ́ akɛɛ mɔ ko “nyiɛɔ yɛ anɔkwayeli mli lɛ,” mɛni no tsɔɔ? Etsɔɔ akɛ mɔ lɛ hiɔ shi yɛ shi ni ewo Yehowa be ni ejɔɔ ehe nɔ ehã lɛ lɛ naa. (Jajelɔ 5:4, 5) Te obaafee tɛŋŋ onyiɛ yɛ anɔkwayeli mli yɛ obaptisimɔ lɛ sɛɛ?

Nɔ ni wɔbaasusu he yɛ sane nɛɛ mli

•  Yaa nɔ ofi shi kɛ́ okɛ naagbai miikpe

•  Yaa nɔ ofee nibii ni baahã oye kai anɔ

•  Yaa nɔ owaje ekãa ni oyɔɔ lɛ

 Ŋmalɛ titri: “Esa akɛ wɔtsɔmɔ amanehului pii amli kɛbote Nyɔŋmɔ Maŋtsɛyeli lɛ mli.”​—Bɔfoi 14:22.

 Nɔ ni etsɔɔ: Anɔkwa sane ji akɛ, Kristofoi fɛɛ kɛ kai baakpe yɛ amɛshihilɛ mli. Naagbai ni okɛbaakpe lɛ ekomɛi ji, abaaye ohe fɛo loo abaate shi awo bo, ni enɛ baa akɛni oji Kristofonyo lɛ hewɔ. Ekrokomɛi hu ji, shika he naagbai kɛ hela, ni enɛɛmɛi lɛ, ebaa adesai fɛɛ anɔ.

 Nɔ ni esa akɛ okpa gbɛ: Yɛ be kɛ beiaŋ lɛ, oshihilɛ baanyɛ atsake, ni tsakemɔi nɛɛ ekomɛi jeee nɔ ni osumɔɔ. Biblia lɛ kɛɛ nibii fɔji baanyɛ aba mɔ fɛɛ mɔ nɔ​—Kristofoi kɛ mɛi ni jeee Kristofoi fɛɛ.​—Jajelɔ 9:11.

 Nɔ ni obaanyɛ ofee: Akɛni ole momo akɛ okɛ naagbai nɛɛ baakpe hewɔ lɛ, obaanyɛ osaa ohe oto naagbai nɛɛ. Naa naagbai lɛ akɛ hegbɛ ni oná ni okɛbaawaje hemɔkɛyeli ni oyɔɔ yɛ Yehowa mli lɛ, kɛ hegbɛ hu ni okɛbaatsɔɔ akɛ okɛ ohiɛ fɔ̃ɔ Yehowa nɔ kwraa. (Yakobo 1:2, 3) Ni be baashɛ ni bo hu obaanyɛ okɛɛ tamɔ bɔ ni bɔfo Paulo kɛɛ lɛ, akɛ: “Yɛ nɔ fɛɛ nɔ mli lɛ, mitsɔɔ mɔ ni wajeɔ mi lɛ nɔ mináa hewalɛ.”​—Filipibii 4:13.

 Ŋaawoo: Kasemɔ Yosef he nii. Obaanyɛ okane Yosef shihilɛ he sane yɛ 1 Mose yitso 37 kɛ yitso 39 kɛyashi 41 lɛ. Susumɔ sane nɛɛ he: Mɛɛ shihilɛi ni mli wala ni ekpaaa gbɛ ekɛkpe, ni te etsu he nii ehã tɛŋŋ? Mɛɛ gbɛ nɔ Yehowa ye ebua Yosef?

 Naa nibii krokomɛi hu ni baawa bo

•   Kanemɔ:

   “How Can I Deal With Tragedy?”

   “Ani Minyɛɔ Mifiɔ Shi?”

   “How to Deal With Change”

•   Daunlodimɔ:

   “Kɛ́ Omami Loo Opapa Bɛ Hewalɛ”

 Ŋmalɛ titri: “Mɔ fɛɛ mɔ lɛ, nɔ ni lɛ diɛŋtsɛ eshweɔ lɛ, no gbalaa lɛ ni elakaa lɛ, ni enɛ ji nɔ ni kaa lɛ.”​—Yakobo 1:14.

 Nɔ ni etsɔɔ: Wɔteŋ mɔ fɛɛ mɔ lɛ, bei komɛi lɛ, nibii ni wɔshweɔ lɛ kaa wɔ bɔ ni kɛ́ wɔyanyɛɛɛ wɔhe nɔ wɔye lɛ, ebaahã wɔfee efɔŋ.

 Nɔ ni esa akɛ okpa gbɛ: Kɛ́ abaptisi bo sɛɛ po lɛ, loloolo lɛ, obaanu he akɛ okɛ ohe awo “nibii ni heloo lɛ shweɔ” lɛ amli. (2 Petro 2:18) Ekolɛ, obaanu he po akɛ, esa akɛ oná bɔlɛ dani obote gbalashihilɛ mli.

 Nɔ ni obaanyɛ ofee: Kpɛɛ oyiŋ bianɛ​—dani okɛ kaa lɛ akpe​—bɔ ni afee ni nibii ni oshweɔ lɛ akakpɛ yiŋ lɛ ehã bo. Kaimɔ akɛ Yesu wie akɛ: “Mɔ ko nyɛŋ etsɔ nyɔŋ ehã nuŋtsɔmɛi enyɔ.” (Mateo 6:24) Obaanyɛ ohala mɔ ni osumɔɔ akɛ etsɔ onuŋtsɔ. Halamɔ Yehowa akɛ onuŋtsɔ. Ekɔɔɔ he eko bɔ ni shwelɛ ni oyɔɔ kɛhã nɔ ko gbonyo lɛ mli wa hã lɛ, obaanyɛ ohala akɛ otsuŋ he nii.​—Galatiabii 5:16.

 Ŋaawoo: Bɔɔ mɔdɛŋ ni oyɔse onyɛmɔi kɛ ogbɔjɔmɔi. Halamɔ nanemɛi ni baaye abua bo ni ojie sui kpakpai lɛ akpo. Tsi ohe kɛje gbɔmɛi, hei, kɛ shihilɛi ni baahã ewa kɛhã bo akɛ obaafee nɔ ni ja lɛ ahe.​—Lala 26:4, 5.

 Naa nibii krokomɛi hu ni baawa bo

•   Kanemɔ:

   “Te Mafee Tɛŋŋ Maye Kaa Nɔ?”

   “Te Mafee Tɛŋŋ Makpa Bɔlɛnamɔ He Susumɔ?”

   “How to Resist Peer Pressure”

   “Ani Ootsake Ojwɛŋmɔ Koni Ekɛ Yehowa Nɔ Lɛ Akpã Gbee?”

 Ŋmalɛ titri: “Mɔ fɛɛ mɔ aya nɔ ajie nɛkɛ mɔdɛŋbɔɔ nɛɛ nɔŋŋ kpo. . . kɛyashi naagbee, koni nyɛkafee anihao.”​—Hebribii 6:11, 12.

 Nɔ ni etsɔɔ: Mɔ ni kɛ ejwɛŋmɔ emaaa enitsumɔ nɔ lɛ, ewaaa kwraa akɛ ebaakpa nitsumɔ lɛ ni etsɔ anihaolɔ.

 Nɔ ni esa akɛ okpa gbɛ: Eeenyɛ efee akɛ be ni abaptisi bo sɛɛ lɛ, omii shɛ ohe waa ni ofee ekãa. Oná suɔmɔ kpele ko ohã Yehowa. Shi ekolɛ, be ni be shwieɔ mli lɛ, onáŋ lɛ mlɛo akɛ obaabo Yehowa toi yɛ nɔ fɛɛ nɔ mli, ni onijiaŋ baaje wui, ni no baahã ekãa ni oyɔɔ lɛ naa aba shi.​—Galatiabii 5:7.

 Nɔ ni obaanyɛ ofee: Yaa nɔ ofee nɔ ni ja, kɛji ekolɛ otsui sumɔɔɔ ni efeɔ po. (1 Korintobii 9:27) Nakai beiaŋ nɔŋŋ lɛ, yaa nɔ okase oŋwɛi Tsɛ lɛ he nii, ni okɛ lɛ afɔ wiemɔ yɛ sɔlemɔ mli, bɔ ni afee ni otsi obɛŋkɛ lɛ kpaakpa. Agbɛnɛ hu, yaa nɔ okɛ mɛi ni sɔmɔɔ Yehowa ni amɛsumɔɔ lɛ lɛ abɔ naanyo kpaakpa.

 Ŋaawoo: Kaimɔ akɛ Yehowa sumɔɔ bo waa diɛŋtsɛ, ni efee klalo akɛ ebaaye ebua bo. Kɛ́ ekãa ni oyɔɔ lɛ naa ba shi be kukuoo ko lɛ, kaamu sane naa akɛ Yehowa mli efu bo. Biblia lɛ kɛɛ: “Ehãa mɔ ni etɔ lɛ lɛ hewalɛ ni ehãa mɛi ni bɛ hewalɛ lɛ náa hewalɛ waa.” (Yesaia 40:29) Yɛ be ni sa mli lɛ, ebaajɔɔ omɔdɛŋbɔi lɛ anɔ ni obaaná ekãa ekoŋŋ.

 Naa nibii krokomɛi hu ni baawa bo

•   Kanemɔ:

   “Oblahii Kɛ Oblayei​​—Nyɛyaa Nɔ Nyɛtsua Nyɛ Diɛŋtsɛ Nyɛyiwalaheremɔ He Nii”

   “How Can I Make Worship of God Enjoyable?”

•   Kwɛmɔ vidio nɛɛ:

   Nɔ Ni Otipɛŋfoi Kɛɔ​—Shihilɛ Ni Nɔ Bɛ

 Sane lɛ nɔŋŋ ji akɛ: Kɛ́ onyiɛ yɛ anɔkwayeli mli lɛ, ohãa Yehowa tsui nyaa! (Abɛi 27:11) Emii baashɛ ehe akɛ ohala akɛ obaahi emasɛi, ni ebaahã bo nɔ fɛɛ ni baaye abua bo kɛte shi owo Satan tutuamɔ lɛ.