AUSTRALIA: Adafitswaa wolo ni ji The Sydney Morning Herald, October 2, 2012 nɔ lɛ bɔ amaniɛ akɛ: “Yɛ anɔkwale mli lɛ, Yehowa Odasefoi ni amɛjamɔŋ hemɔkɛyeli hewɔ lɛ, kɛ́ amɛtee helatsamɔhei lɛ amɛkpɛlɛɛɛ ni ahãa amɛ lá lɛ, ahe waa amɛ oya fe mɛi krokomɛi ni ahãa amɛ lá lɛ.

Adafitswaa wolo lɛ tsɛ Professor James Isbister, ni ebe yɛ helatsamɔ mli, ni etsuɔ nii yɛ Sydney Medical School, yɛ University of Sydney lɛ wiemɔ yisɛɛ kɛma sane nɛɛ nɔ mi. Wolo lɛ bɔ amaniɛ akɛ: ‘Professor Isbister wie akɛ, datrɛfoi lɛ kɛ helatsamɔ gbɛ ni hi jogbaŋŋ tsuɔ nii yɛ Yehowa Odasefoi lɛ akwɛmɔ mli; ni amɛfeɔ enɛ kɛtsɔ mɔdɛŋ ni amɛbɔɔ kɛbaa Odasefoi ni eba helatsamɔ lɛ alá yi lɛ nɔ. Enɛ hewɔ lɛ, Yehowa Odasefoi babaoo nyɛɔ amɛtsɔɔ opireshɛŋ lɛ mli shweshweeshwe, amɛtsɛɛɛ yɛ helatsamɔhei lɛ, ni amɛnáaa helatsamɔ sɛɛ naagbai ni mɛi ni kpɛlɛɔ ni ahãa amɛ lá lɛ náa lɛ eko.’

Jeee Doctor Isbister pɛ hiɛ susumɔi nɛɛ. Wolo ko ni ji Archives of Internal Medicine, August 13-27, 2012 nɔ lɛ wie yɛ Odasefoi ni afeɔ amɛtsui opireshɛŋ lɛ ahe akɛ: “Odasefoi lɛ náaa naagbai tsɔ, ni amɛtsɛɛɛ yɛ helatsamɔhei lɛ tamɔ bɔ ni mɛi ni ahãa amɛ lá lɛ tsɛɔ lɛ.”