Taakɛ eji yɛ wɛbsait krokomɛi agbɛfaŋ lɛ, kɛ́ oba wɛbsait nɛɛ nɔ lɛ, kuki srɔtoi (cookies), wɛb bikɔn srɔtoi (web beacons), kɛ amɛhenɔi lɛ ni wɔkɛtsuɔ nii lɛ hãa saji fioo komɛi, ni ji data, kaa omobail foŋ, tablɛt, loo kɔmpiuta lɛ nitoohe lɛ nɔ. Wiemɔ ni ji kuki (cookie) ni wɔkɛtsu nii yɛ sane nɛɛ mli lɛ shishinumɔ lɛɛ, ni ekɔɔ nibii tamɔ nɔ ni Blɔfo tsɛɔ lɛ lokalStɔrej (localStorage) kɛ amɛhenɔi hu ahe. Kuki srɔtoi lɛ yeɔ ebuaa ni wɛbsait nɛɛ tsuɔ nii jogbaŋŋ, ni ehãa wɔleɔ bɔ ni mɛi baa wɔsait lɛ nɔ kɛ nibii ni amɛfeɔ yɛ nɔ. Saji nɛɛ ni wɔnine shɛɔ nɔ lɛ yeɔ ebuaa wɔ ni wɔfeɔ nibii ni baahã wɔwɛbsait lɛ atsu nii jogbaŋŋ. Wɔtaooo akɛ wɔbaale mɛi pɔtɛi ni baa wɔwɛbsait lɛ nɔ lɛ, ja amɛ diɛŋtsɛ amɛkɛ amɛhe saji ewo wɔwɛbsait lɛ nɔ fɔm srɔtoi lɛ loo nibii ni tamɔ nakai lɛ ateŋ eko nɔ.

Kuki Srɔtoi. Ayɛ kuki srɔtoi, ni eko fɛɛ eko yɛ nɔ ni etsuɔ; amɛyeɔ amɛbuaa ni onáa wɛbsait lɛ kɛnitsumɔ he miishɛɛ. Wɔkɛ kuki srɔtoi lɛ tsuɔ nii koni ehã wɔle kɛji oba sait lɛ nɔ dã, loo ehã sait lɛ akai nibii ni ohala be ni oba wɛbsait lɛ nɔ. Akɛ nɔkwɛmɔnɔ lɛ, kuki lɛ kɛ wiemɔ ni ohala be ni oba sait lɛ nɔ baato koni kɛ́ oba sait lɛ nɔ lɛ, ehala nakai wiemɔ lɛ ehã bo. Wɔkɛ kuki srɔtoi lɛ tsuuu nii kɛtswaaa nibii ahe adafi.

Abaanyɛ ajara kuki srɔtoi ni wɔkɛtsuɔ nii yɛ wɛbsait nɛɛ nɔ lɛ mli awo kui etɛ mli:

1. Kuki Srɔtoi Ni He Hiaa Waa (Strictly Necessary Cookies). Amɛhe hiaa waa diɛŋtsɛ, ejaakɛ nomɛi hãa onyɛɔ oyaa wɛbsait nɛɛ nɔ hei komɛi, tamɔ ni obaataipi ogbɛ́i ni ehã obote sait nɛɛ nɔ hei komɛi, kɛ fɔm srɔtoi ni obaanyɛ ofiili yɛ sait nɛɛ nɔ kɛmaje lɛ nɛkɛ. Kɛ́ kuki srɔtoi nɛɛ bɛ lɛ, anyɛŋ atsu nibii komɛi, tamɔ oniai ni otsɔɔ wɛbsait nɛɛ nɔ otsuɔ lɛ, ahe nii ahã bo. Agbɛnɛ hu, kuki srɔtoi nɛɛ hãa anyɛɔ atsuɔ nibii ni obiɔ akɛ atsu he nii ahã bo be ni obraoziɔ loo okpaa sait nɛɛ nɔ lɛ ahe nii. Kuki srɔtoi nɛɛ buaaa ohe saji anaa koni akɛye jara ko, loo akɛkai hei ni otee yɛ Intanɛt lɛ nɔ.

2. Kuki Srɔtoi Ni Kaiɔ Nibii (Functionality Cookies). Akɛ kuki srɔtoi nɛɛ tsuɔ nii koni ehã wɛbsait lɛ anyɛ akai nibii ni ohalaa be ni obaa sait lɛ nɔ lɛ (tamɔ oyusa nem [user name], wiemɔ, maŋ ni ohala), ni eyeɔ ebuaa koni oná sait lɛ kɛnitsumɔ he miishɛɛ.

3. Kuki Srɔtoi Ni Akɛbuaa Saji Anaa Atoɔ (Analytical Cookies). Akɛ kukis nɛɛ tsuɔ nii kɛbuaa saji ni hãa aleɔ nɔ ni mɛi ni baa wɛbsait nɛɛ nɔ feɔ yɛ nɔ lɛ anaa, akɛ nɔkwɛmɔnɔ lɛ, shii abɔ ni mɛi baa sait nɛɛ nɔ loo bei abɔ ni mɛi yeɔ yɛ sait nɛɛ nɔ. Nɔ pɛ ni akɛ saji ni nine shɛɔ nɔ nɛɛ feɔ ji, ni akɛhã wɛbsait nɛɛ atsu nii jogbaŋŋ.

Kuki srɔtoi nɛɛ ekomɛi yɛ ni wɔwɛbsait lɛ diɛŋtsɛ toɔ he gbɛjianɔ, ni atsɛɔ enɛ yɛ Blɔfo mli akɛ first-party cookies. Ekrokomɛi hu yɛ ni wɛbsait krokomɛi ji mɛi ni toɔ he gbɛjianɔ, ni atsɛɔ enɛ yɛ Blɔfo mli akɛ third-party cookies. Wɔkɛ first-party cookies lɛ pɛ tsuɔ nii, ja hei ni ebiɔ ni wɔkɛ third-party cookies ni kɛ Google reCAPTCHA lɛ yɔɔ tsakpãa lɛ atsu nii lɛ kɛkɛ. Akɛ Google reCAPTCHA lɛ tsuɔ nii koni akɛna kɛji mɔ ni eba wɛbsait lɛ nɔ lɛ ji gbɔmɔ diɛŋtsɛ loo kɔmpiuta program, ni enɛ tsĩɔ nibii gbohii afeemɔ loo nibii ni he ehiaaa ni mɔ nine baanyɛ ashɛ nɔ lɛ anaa. Ofainɛ, kwɛmɔ Google lɛ nɔ fã ni ji mɔ he saji ahe mlai (ni ji privacy policy) ni yɔɔ https://www.google.com/intl/en/policies/privacy/.

Wɛb Bikɔn Srɔtoi (Web Beacons). Hei komɛi yɛ wɔwɛbsait lɛ nɔ ni hiɛ ilɛtrɔnik faili ni Blɔfo tsɛɔ lɛ web beacons; no hãa wɔnyɛɔ wɔleɔ nibii ni yaa nɔ yɛ wɛbsait lɛ nɔ, tamɔ kɛ́ otee wɛbsait lɛ nɔ fã ko nɔ nɛkɛ. Akɛ wɛb bikɔn srɔtoi lɛ tsuɔ nii kɛnaa bɔ ni mɛi baa wɛbsait nɛɛ nɔ kɛ bɔ ni wɛbsait lɛ tsuɔ nii ehãa.

IP Adrɛs Kɛnitsumɔ. IP adrɛs ji nɔmbai komɛi ni hãa ayɔseɔ okɔmpiuta lɛ yɛ intanɛt lɛ nɔ. Wɔkɛ o-IP adrɛs kɛ braoza ni okɛtsuɔ nii kɛyaa Intanɛt lɛ nɔ lɛ tsuɔ nii kɛnaa nɔ ni ofeɔ yɛ wɛbsait nɛɛ nɔ, kɛ naagbai komɛi hu ni onáa yɛ wɛbsait nɛɛ nɔ koni wɔle nɔ ni esa akɛ wɔfee ni wɛbsait nɛɛ atsu nii jogbaŋŋ ahã bo. Shi kɛ́ oba wɛbsait nɛɛ nɔ ni okɛ ohe saji wooo nɔ lɛ, o-IP adrɛs lɛ etsɔɔɔ mɔ tuuntu ni oji.

Oyiŋkpɛɛ. Braoza srɔtoi ni akɛyaa intanɛt lɛ nɔ ateŋ babaoo ŋmɛɔ bo gbɛ koni ogbe kuki srɔtoi lɛ loo okahã amɛtsu nii, loo amɛbaahã bo sane ko kɛbɔ bo kɔkɔ dani amɛkɛ kuki ko ato omashiŋ lɛ nɔ. Ofainɛ, yaa he ni obraoza lɛ he gbɛtsɔɔmɔi yɔɔ lɛ koni ona bɔ ni afeɔ enɛ ahãa. Shi ofainɛ kadimɔ akɛ, kɛ́ ohala akɛ ohãŋ kuki srɔtoi lɛ eko ko kwraa atsu nii yɛ omashiŋ lɛ nɔ lɛ, onyɛŋ oná nibii ni yɔɔ wɔwɛbsait lɛ nɔ lɛ fɛɛ ahe sɛɛ kɛmɔ shi. Braoza fɛɛ braoza kɛ gbɛ nɔ ni atsɔɔ ajieɔ kuki srɔtoi lɛ yɛ nɔ. Obaanyɛ okwɛ obraoza Hɛlp mɛnu (Help menu) nɔ kɛhã enɛ he gbɛtsɔɔmɔ fitsofitso.