JW LIBRARY
Bɔ ni Obaafee Okadi Hei ni Okane Momo—Kɛhã Android
Afee nɔ ko yɛ JW Library lɛ nɔ bɔ ni afee ni kɛ́ ookane wolo ko loo Biblia lɛ, onyɛ okadi hei ni oshɛ, taakɛ okɛ nɔ ko woɔ wolo mli kɛkadiɔ baafa ko lɛ. Wolo fɛɛ wolo ni yɔɔ JW Library lɛ nɔ lɛ yɛ kadimɔnii 10 ni obaanyɛ okadi hei komɛi yɛ mli.
Nyiɛmɔ gbɛtsɔɔmɔi nɛɛ asɛɛ koni ona bɔ ni obaafee okadi hei ni okane momo:
Bɔ ni Obaafee Okadi he Ko
Obaanyɛ okadi sane ko loo saneyitso ko, loo kuku ko ni yɔɔ Biblia lɛ loo wolo ko mli.
Kɛ́ ootao okadi sane ko loo saneyitso ko lɛ, nyɛɛ okadi nɛɛ, ni ji Bookmark lɛ nɔ. Obaana okadii srɔtoi ni abaanyɛ akɛkadi hei yɛ nakai wolo lɛ mli. Nyɛɛ eko nɔ kɛkadi sane loo saneyitso lɛ.
Kɛ́ ootao okadi kuku pɔtɛɛ ko loo Biblia ŋmalɛ ko lɛ, klɛŋklɛŋ lɛ, nyɛɛ niŋmaa lɛ nɔ, no sɛɛ lɛ nyɛɛ Bookmark okadi lɛ nɔ.
Bɔ ni Obaafee Ona he ni Okadi
Kɛ́ okadi wolo ko mli, ni sɛɛ mli lɛ ootao jɛmɛ lɛ, gbelemɔ nakai wolo, ni onyɛ Bookmark lɛ nɔ. No sɛɛ lɛ, nyɛɛ kadimɔnii lɛ ateŋ nɔ ni otaoɔ ona emli sane lɛ nɔ.
Bɔ ni Obaafee Oto he Gbɛjianɔ
Kɛ́ okadi sane loo saneyitso ko lɛ, sɛɛ mli lɛ obaanyɛ ojie loo otsake.
Kɛ́ ootao ojie sane ko loo saneyitso ko ni okadi lɛ, nyɛɛ Bookmark okadi lɛ nɔ; no sɛɛ lɛ nyɛɛ kpɔbii etɛ, ni ji More ni yɔɔ nɔ ni otaoɔ ojie lɛ he lɛ nɔ. Ni onyɛ Delete.
Kɛ́ okadi sane ko ni ootao otsake lɛ, nyɛɛ Bookmark okadi lɛ nɔ, no sɛɛ lɛ nyɛɛ kpɔbii etɛ ni yɔɔ sane ni otaoɔ otsake lɛ naa lɛ nɔ. Ni onyɛ Replace. Nɔ ni otaoɔ okɛtsake lɛ baaye nɔ ni ojie lɛ najiaŋ. Enɛ baanyɛ aye abua bo waa koni kɛ́ ookane wolo ko lɛ, onyɛ okadi he ni oshɛ. Akɛ nɔkwɛmɔnɔ lɛ, obaanyɛ okɛkadi he ni oshɛ yɛ o-daa gbi Biblia kanemɔ lɛ mli.
Nibii nɛɛ yɛ JW Library 1.2 ni ajie lɛ kpo yɛ May 2014 lɛ mli; etsuɔ ni yɛ Android 2.3 loo nɔ ni yɛ hiɛ fe nakai lɛ nɔ. Kɛ́ onaaa nibii nɛɛ yɛ JW Library ni oyɔɔ amrɔ nɛɛ lɛ nɔ lɛ, ofainɛ ni onyiɛ gbɛtsɔɔmɔi ni atsɔɔ yɛ sane ni ji, Bɔ ni Obaafee Oná JW Library lɛ He Nibii Hei lɛ mli ni jeɔ kpo yɛ vidio ni ji “Okɛ JW Library lɛ Atsu Nii—Kɛhã Android” lɛ mli lɛ sɛɛ.
