WATCHTOWER LIBRARY
Bɔ Ni Obaafee O-Update Watchtower Library
Obaanyɛ ohã Watchtower Library lɛ diɛŋtsɛ akwɛ kɛji update eba lo, aloo bo diɛŋtsɛ obaanyɛ o-update woji kɛ nibii ni yɔɔ Watchtower Library lɛ nɔ lɛ kɛtsɔ update faili nɔ.
Kɛ́ Ootao Program Lɛ Diɛŋtsɛ Adaunlodi Updates
Kɛ́ ootao Watchtower Library lɛ diɛŋtsɛ akwɛ Intanɛt lɛ nɔ kɛji update ko eba lo lɛ, naa bɔ ni obaafee lɛ ohã:
Kɛ́ ogbele Watchtower Library lɛ, yaa Wojiatoohe ni okliki Ehe Nibii. Enɛ baagbele akrabatsa ko ni atsɛɔ lɛ Library Lɛ He Nibii lɛ ehã bo.
Yɛ Library Lɛ He Nibii akrabatsa lɛ mli lɛ, klikimɔ Updates ni ohala Program lɛ diɛŋtsɛ adaunlodi updates.
Kɛ́ ofee enɛ lɛ, be fɛɛ be ni update ko baaba lɛ, program lɛ diɛŋtsɛ baakɛɛ bo ni ebaabi bo kɛji oosumɔ ni odaunlodi. Kɛ́ oosumɔ ni odaunlodi owo nɔ lɛ, klikimɔ Yes.
Kɛ́ Bo Diɛŋtsɛ Ootao Ofee Updates
Bo diɛŋtsɛ obaanyɛ o-update woji kɛ nibii ni yɔɔ Watchtower Library lɛ nɔ lɛ kɛtsɔ update faili nɔ. Kɛ́ ootao oná update faili hee lɛ, obaanyɛ ofee eko yɛ Watchtower Library ko ni akɛ update ewo nɔ momo lɛ nɔ, aloo obaanyɛ okliki adeka bibioo ni aŋma Daunlodimɔ yɛ nɔ ni yɔɔ sane ni okaneɔ nɛɛ shishigbɛ lɛ.
Kɛ́ Ootao Ofee Update Faili
Kɛ́ ootao ofee update faili lɛ:
Kɛ́ ogbele Watchtower Library lɛ ni otee Yelikɛbuamɔ lɛ, klikimɔ he ni kɛɛ Kɛ́ Ootao Ofee Update lɛ, ni ohala Feemɔ Update Faili.
Halamɔ he ni obaasumɔ ni okɛ update faili lɛ ato yɛ okɔmpiuta lɛ nɔ, ni okliki Save. Watchtower Library lɛ baafee update faili lɛ ehã bo, ni obaana akɛ faili lɛ gbɛ́i gbeɔ naa kɛ “.updatepkg”.
Kɛ́ Ootao Odaunlodi Update Faili
Kɛ́ ootao ona kɛji afee Watchtower Library update kɛhã owiemɔ lɛ, klikimɔ adeka bibioo ni aŋma Daunlodimɔ yɛ nɔ ni yɔɔ sane ni okaneɔ nɛɛ shishigbɛ lɛ. Kɛ́ afee eko lɛ, obaanyɛ okɛto okɔmpiuta lɛ nɔ kɛ́ onyiɛ gbɛtsɔɔmɔi ni baaba lɛ asɛɛ.
Bɔ Ni Obaafee Okɛ Update Faili Atsu Nii
Kɛ́ oyɛ update faili lɛ eko momo ni ootao okɛwo nɔ lɛ, naa bɔ ni obaafee lɛ:
Kɛ́ ogbele Watchtower Library lɛ ni otee Yelikɛbuamɔ lɛ, klikimɔ he ni kɛɛ Kɛ́ Ootao Ofee Update lɛ, ni ohala Okɛ Faili Ni Miyɔɔ Lɛ Afee Update.
Yɛ akrabatsa ni baagbele lɛ mli lɛ, yaa he ni okɛ update faili lɛ, ni ji faili ni gbeɔ naa kɛ “.updatepkg” lɛ to lɛ. Halamɔ faili lɛ, ni okliki Open koni ekɛ updates lɛ awo Watchtower Library lɛ nɔ.
