Yɛ March 16, 2019 lɛ, nugbɔ wulu ko nɛ waa yɛ Papua ni yɔɔ Indonesia lɛ bokagbɛ. Nugbɔ lɛ hã maŋ lɛ mli fɛɛ yi kɛ nu ni mɛi ni fa fe 100 gboi, ni shĩai babaoo ahiɛ kpãtã.

Indonesia nitsumɔhe nine lɛ bɔ amaniɛ akɛ, nugbɔ lɛ ehã wɔnyɛmimɛi ni yɔɔ Sentani maŋ lɛ ni yɔɔ Papua kpokpaa lɛ nɔ lɛ mli lɛ miina nɔ waa. Mɔbɔ sane ji akɛ, wɔnyɛmimɛi lɛ ateŋ mɔ kome gbo be ni nu lɛ bɛɛ eshĩa lɛ kɛtee lɛ. Odasefoi wekui etɛ krokomɛi hu ashĩai fite waa. Ajie shiɛlɔi ni fa fe 40 kɛje amɛshĩai lɛ amli, ni amrɔ nɛɛ amɛteŋ mɛi babaoo eyahi Odasefoi krokomɛi aŋɔɔ. Ato Yelikɛbuamɔ Ajinafoi Akui ahe gbɛjianɔ koni amɛkwɛ yelikɛbuamɔ nibii lɛ anɔ. Nitsumɔhe nine lɛ najiaŋdamɔlɔi kɛ kpokpaa nɔkwɛlɔ ni sɔmɔɔ yɛ jɛmɛ niiaŋ lɛ eyasara mɛi ni yɔɔ jɛmɛ lɛ, amɛshɛje amɛmii ni amɛwo amɛ hewalɛ. Kɛfata he lɛ, amɛmiikwɛ yelikɛbuamɔ nibii ni he baahia mɛi ni oshãra lɛ eba amɛnɔ lɛ.

Wɔmiisɔle wɔmiihã nyɛmimɛi fɛɛ ni oshãra lɛ enina amɛ lɛ. Wɔmiikpa be ni kã wɔhiɛ kpaakpa ni Yehowa baami “gbele kɛbaaya naanɔ” ni etsumɔ “mɔ fɛɛ mɔ hiɛ yaafonui” lɛ gbɛ waa.​—Yesaia 25:8.