NEW YORK​—Yehowa Odasefoi efee klalo akɛ amɛbaaje kpee wuji ni amɛfeɔ daa afi lɛ shishi yɛ Sohaa, May 18, 2018. Saneyitso kɛhã afi nɛɛ kpee lɛ ji “Feemɔ Ekãa!” Dani kpee lɛ baaje shishi lɛ, Yehowa Odasefoi ni yɔɔ je lɛŋ hei srɔtoi lɛ baafã ta krɛdɛɛ ko kɛfɔ̃ maŋbii lɛ anine kɛba kpee lɛ shishi, aheŋ mɛi ni baaba lɛ ateŋ mɔ ko kwraa shika. Abaafee kpee nɛɛ yɛ maji srɔtoi 180 mli.

Yɛ gbii etɛ kpee ni abaafee nɛɛ shishi lɛ, abaahã wiemɔi 54; yɛ wiemɔi nɛɛ amli lɛ, abaabo Biblia dramai atoi, abaabibii mɛi saji, ni abaajie vidioi ni sɛɛ kɛlɛɛɛ hu. Agbɛnɛ hu, yɛ naagbee gbi lɛ nɔ lɛ, abaajie fim ko ni sɛɛ kɛ ni yitso ji Yona Sane Lɛ​—Etsɔɔ Wɔ Akɛ Wɔfee Ekãa Ni Wɔna Mɔbɔ. Gbi fɛɛ gbi lɛ, dani abaaje leebi kpee lɛ kɛ shwane kpee lɛ shishi lɛ, abaajie lala vidioi ni aje gbɛ ato he gbɛjianɔ kɛhã kpee lɛ.

Yehowa Odasefoi lɛ anaa wielɔ ko ni atsɛɔ lɛ David A. Semonian lɛ wie akɛ: “Kɛ́ obo adafitswai atoi loo okwɛ nibii ni abɔɔ he amaniɛ lɛ, ebafeɔ faŋŋ akɛ gbekɛ jio, onukpa jio lɛ, mɔ fɛɛ mɔ kwraa sheɔ gbeyei loo ekɛ haomɔ ko kɛ̃ miikpe fe bei fɛɛ ni eho. Ebiɔ ni mɔ aná ekãa diɛŋtsɛ dani ebaanyɛ ekpee naagbai nɛɛ anaa. Wɔmiikpee mɔ fɛɛ mɔ kɛmiiba afi nɛɛ kpee lɛ shishi koni ebaná ŋai srɔtoi ni Biblia lɛ kɛhãa ni baaye abua wɔ ni wɔná ekãa lɛ ahe sɛɛ.”

Atsɔɔ bei kɛ hei ni abaafee kpee lɛ eko fɛɛ eko yɛ lɛ, yɛ Yehowa Odasefoi a-wɛbsait lɛ ni ji jw.org/gaa lɛ nɔ.

Kɛhã enɛ he saji krokomɛi lɛ, tswaa:

David A. Semonian, Office of Public Information, +1-845-524-3000