Klɛŋklɛŋ Wolo Ni Akɛmaje Korintobii Lɛ 13:1-13
-
Suɔmɔ—gbɛ ni nɔ bɛ (1-13)
13 Kɛ́ miwieɔ gbɔmɛi kɛ ŋwɛibɔfoi awiemɔi shi mibɛ suɔmɔ lɛ, no lɛ, mitsɔ ŋoŋo ni jijeɔ loo tsɛŋtsɛŋ ni gbɛɔ.
2 Ni kɛ́ miyɛ gbalɛ nikeenii, ni minuɔ teemɔŋ saji krɔŋkrɔŋi lɛ fɛɛ kɛ nilee fɛɛ hu shishi,+ ni kɛ́ miyɛ hemɔkɛyeli fɛɛ bɔ ni manyɛ gɔji mafamɔ,* shi mibɛ suɔmɔ lɛ, mijeee nɔ ko.*+
3 Ni kɛ́ mikɛ minibii fɛɛ hã kɛkwɛ mɛi krokomɛi,+ ni kɛ́ mikɛ migbɔmɔtso hã koni mashwã, shi mibɛ suɔmɔ lɛ,+ mináaa he sɛɛ ko kwraa.
4 Suɔmɔ+ toɔ etsui shi*+ ni emli hi.+ Suɔmɔ yeee awuŋa.+ Eshwãaa, enaaa ehe tsɔ,+
5 efeee nii ni bulɛ bɛ he,*+ epeleee ehãaa lɛ pɛ ehe,+ emli wooo la.+ Ekɛ efɔŋ* etooo emli.+
6 Enáaa miishɛɛ yɛ nii ni ejaaa he,+ shi moŋ enáa miishɛɛ yɛ anɔkwale he.
7 Edamɔɔ nibii fɛɛ naa,+ eheɔ nibii fɛɛ eyeɔ,+ ehiɛ kãa nibii fɛɛ nɔ,+ efiɔ shi yɛ nibii fɛɛ mli.+
8 Suɔmɔ sɛɛ efooo kɔkɔɔkɔ.* Shi kɛ́ gbalɛ nikeenii ni lɛ, amɛsɛɛ baafo; kɛ́ wiemɔi srɔtoi* ni lɛ, amɛsɛɛ baafo; kɛ́ nilee ni lɛ, esɛɛ baafo.
9 Ejaakɛ nilee ni wɔyɔɔ lɛ, fã kɛ fã ni,+ ni gbalɛ ni wɔgbaa lɛ, fã kɛ fã ni,
10 shi kɛ́ nɔ ni eye emuu lɛ ba lɛ, nɔ ni ji fã kɛ fã lɛ sɛɛ baafo.
11 Be ni miji gbekɛ lɛ, miwieɔ tamɔ gbekɛ, mijwɛŋɔ tamɔ gbekɛ, misusuɔ nii ahe tamɔ gbekɛ; shi amrɔ nɛɛ ni mitsɔ onukpa lɛ, mishɛrɛ gbekɛbii asui lɛ mishwie.
12 Ejaakɛ amrɔ nɛɛ, wɔkwɛɔ dade ashwishwɛ mli ni wɔnaa nii tuutuu,* shi yɛ nakai beiaŋ lɛ, ebaafee hiɛ kɛ hiɛ. Amrɔ nɛɛ, mile nii fã kɛ fã, shi nakai beiaŋ lɛ, male nii jogbaŋŋ,* tamɔ bɔ ni ale mi jogbaŋŋ lɛ.
13 Shi agbɛnɛ, nibii etɛ nɛɛ baahi shi: hemɔkɛyeli, kɛ hiɛnɔkamɔ, kɛ suɔmɔ; shi suɔmɔ ji amɛteŋ nɔ ni he hiaa fe fɛɛ.+
Shishigbɛ Niŋmaa
^ Loo “matsirɛ.”
^ Loo “mihe bɛ sɛɛnamɔ ko.”
^ Loo “miɔ ŋɔɔ.”
^ Loo “tɔmɔi.”
^ Loo “nii ni esaaa.”
^ Loo “Suɔmɔ gbooo kɔkɔɔkɔ.”
^ Ni ji, wiemɔi krokomɛi ní awieɔ yɛ naakpɛɛ gbɛ nɔ.
^ Loo “wɔnaaa nii jogbaŋŋ.”
^ Loo “male nii kɛmɔ shi.”
