2 Mose 15:1-27
15 Nakai be lɛ mli lɛ, Mose kɛ Israelbii lɛ lá lala nɛɛ amɛhã Yehowa akɛ:+
“Malá mahã Yehowa, ejaakɛ ewo ehiɛ nyam waa diɛŋtsɛ.+
Eshɛrɛ okpɔŋɔ kɛ enɔtalɔ lɛ eshwie ŋshɔ lɛ mli.+
2 Mihewalɛ kɛ minyɛmɔ ji Yah,* ejaakɛ etsɔ miyiwalaheremɔ.+
Lɛ ji mi-Nyɔŋmɔ, ni majie eyi;+ mitsɛ Nyɔŋmɔ ni,+ ni makãfo lɛ.+
3 Yehowa ji tawulɔ ni he wa waa.+ Egbɛ́i ji Yehowa.+
4 Eshɛrɛ Farao shwiilii lɛ kɛ esraafoi lɛ eshwie ŋshɔ lɛ mli,+Ni etawulɔi kpanakpanai lɛ eshiu yɛ Ŋshɔ Tsuru lɛ mli.+
5 Nui ni efee hamahama lɛ ha amɛnɔ; amɛshiu kɛtee nu lɛ shishi tɔ̃ɔ tamɔ tɛ.+
6 Yehowa, oninejurɔ lɛ yɛ hewalɛ waa;+Yehowa, oninejurɔ lɛ nyɛɔ ekumɔɔ henyɛlɔ dukuduku.
7 Oje agbo aahu akɛ, onyɛɔ otsirɛɔ mɛi ni teɔ shi woɔ bo lɛ otswiaa shi;+Otsuɔ omlifu ni naa wa lɛ kɛbaa, ni eshãa amɛ tamɔ ŋmaa* tsei.
8 Mumɔ ni jɛ ogugɔ mli lɛ hã nui bua amɛhe naa;Amɛwa amɛdamɔ shi, ni nui lɛ kpa hoo;Nui ni efee hamahama lɛ shɔ̃ yɛ ŋshɔ lɛ teŋ.
9 Henyɛlɔ lɛ kɛɛ: ‘Matiu amɛ! Mayanina amɛ!
Maja ta mli nii lɛ kɛyashi mitsui baanyɔ mimli!*
Magbala miklante! Minine baakpãtã amɛhiɛ!’*+
10 Otswa okɔɔyɔɔ lɛ, ni ŋshɔ lɛ ha amɛnɔ;+Amɛshiu tamɔ sumui yɛ nui babaoo mli.
11 Yehowa, namɔ tamɔ bo yɛ nyɔŋmɔi lɛ ateŋ?+
Namɔ tamɔ bo, bo ni oyɔɔ krɔŋkrɔŋ fe fɛɛ?+
Bo mɔ ni sa akɛ ashe bo gbeyei ni akɛ lalai ajie oyi, bo mɔ ni ofeɔ naakpɛɛ nii.+
12 Okpã oninejurɔ mli, ni shikpɔŋ lɛ mi amɛ.+
13 Onyiɛ maŋ ni okpɔ̃ lɛ hiɛ yɛ osuɔmɔ ni tsakeee lɛ naa;+Obaatsɔɔ amɛ gbɛ kɛya oshihilɛhe krɔŋkrɔŋ lɛ yɛ ohewalɛ lɛ naa.
14 Maji baanu;+ amɛhe baakpokpo;Filistiabii lɛ baana nɔ.*
15 Nakai be lɛ mli lɛ, Edom sheikii* lɛ atsui baafã,Ni Moab nɔyelɔi ni he wala* lɛ ahe baakpokpo.+
Kanaanbii lɛ fɛɛ atsui baakumɔ.+
16 Gbeyei kɛ ŋmiŋmi baamɔmɔ amɛ.+
Bɔ ni onine je agbo lɛ sɔŋŋ hewɔ lɛ, amɛtsiŋ amɛhe, tamɔ bɔ ni tɛ tsiii ehe lɛKɛyashi be ni bo, Yehowa, omaŋ lɛ baaho,Hɛɛ, kɛyashi be ni omaŋ+ ni oná lɛ baaho.+
17 Okɛ amɛ baaba ni obaabadu* amɛ yɛ gɔŋ ni ji ogboshinii lɛ nɔ,+He ni bo, Yehowa, osaa oto ohã ohe akɛ obaahi lɛ,He krɔŋkrɔŋ ni bo, Yehowa, oniji esaa eto lɛ.
18 Yehowa baaye maŋtsɛ kɛya naanɔi anaanɔ.+
19 Be ni Farao okpɔŋɔi lɛ kɛ etayaa shwiilii lɛ kɛ ekpɔŋɔnɔtaralɔi lɛ bote ŋshɔ lɛ mli lɛ,+Yehowa hã ŋshɔ lɛ mli nui lɛ ku sɛɛ baha amɛnɔ,+Shi Israelbii lɛ nyiɛ shikpɔŋ gbiŋ nɔ kɛtsɔ ŋshɔ lɛ mli.”+
20 Kɛkɛ ni gbalɔ yoo Miriam, ni ji Aaron nyɛmi yoo lɛ kɔ akashaa ehiɛ edɛ̃, ni yei lɛ fɛɛ nyiɛ esɛɛ, ni amɛmiisha akashaa ni amɛmiijo.
21 Miriam lá kɛhere hii lɛ anɔ akɛ:
“Nyɛláa nyɛhãa Yehowa, ejaakɛ ewo ehiɛ nyam waa diɛŋtsɛ.+
Eshɛrɛ okpɔŋɔ kɛ enɔtalɔ lɛ eshwie ŋshɔ lɛ mli.”+
22 Sɛɛ mli lɛ, Mose nyiɛ Israelbii lɛ ahiɛ kɛshi Ŋshɔ Tsuru lɛ naa, ni amɛtee Shur ŋa lɛ nɔ, ni amɛnyiɛ gbii etɛ yɛ ŋa lɛ nɔ, shi amɛnáaa nu.
23 Amɛbashɛ Mara,*+ shi amɛnyɛɛɛ Mara nu lɛ amɛnu, ejaakɛ eejoo. No hewɔ ewo jɛmɛ Mara lɛ.
24 No hewɔ lɛ, gbɔmɛi lɛ wie huhuuhu amɛshi Mose,+ amɛkɛɛ: “Mɛni wɔbaanu?”
25 Mose bo etsɛ Yehowa,+ ni Yehowa tsɔɔ lɛ tso ko. Be ni eshɛ tso lɛ efɔ̃ nu lɛ mli lɛ, nu lɛ baŋɔɔ.
Jɛmɛ Nyɔŋmɔ kɛ taomɔ nii kɛ nɔ ni ebaadamɔ nɔ ekojo amɛ hã amɛ yɛ, ni jɛmɛ eka amɛ ekwɛ yɛ.+
26 Ekɛɛ: “Kɛji obaabo Yehowa, o-Nyɔŋmɔ lɛ gbee toi kɛmɔ shi, ni obaafee nɔ ni ja gbɛ yɛ ehiɛ, ni obaabo ekitãi lɛ toi, ni obaaye etaomɔ nii lɛ fɛɛ anɔ lɛ,+ no lɛ, mihãŋ helai ni mikɛba Ejiptbii lɛ anɔ lɛ eko eko aba onɔ,+ ejaakɛ miji Yehowa, mɔ ni tsaa bo lɛ.”+
27 No sɛɛ lɛ, amɛba Elim, he ni nuhiŋmɛii 12 kɛ tɛŋ tsei 70 yɔɔ lɛ. Ni amɛbɔ nsara yɛ jɛmɛ, yɛ nu lɛ he.
Shishigbɛ Niŋmaa
^ “Yah” ji gbɛ́i Yehowa lɛ ní afo lɛ kuku.
^ Ŋmaa ní awieɔ he yɛ biɛ lɛ ji wiiti, abele, omɔ, kɛ amɛhenɔi lɛ eko.
^ Loo “kɛyashi misusuma baatɔ!”
^ Loo “Minine baaye amɛnɔ!”
^ Loo “baakɔ̃mɔ tamɔ yoohɔlɔ kɔ̃mɔɔ lɛ.”
^ Sheik ji wekunukpa.
^ Loo “Moab kãkãlɔi.”
^ Loo “obaabatɛo.”
^ Eshishi ji, “Joomɔ.”
