Abɛi 20:1-30
20 Wain lɛ, hefɛoyelɔ ni,+ ni dãa ni wa lɛ, basabasafeelɔ ni;+Mɔ fɛɛ mɔ ni enɛɛmɛi hãa eduɔ gbɛ lɛ, ehiɛ kãaa shi.+
2 Maŋtsɛ he yɛ gbeyei tamɔ jata* ni miihũu;+Mɔ fɛɛ mɔ ni woɔ emli la lɛ, ekɛ lɛ diɛŋtsɛ ewala miiwo oshãra mli.+
3 Kɛ́ gbɔmɔ tsi ehe kɛje béi he lɛ, ehiɛnyam ni,+Shi buulu fɛɛ buulu kɛ ehe baawo mli.+
4 Anihaolɔ huuu yɛ fɛ̃i be mli,No hewɔ lɛ, kɛ́ shɛ nikpamɔ beiaŋ be ni ebɛ nɔ ko lɛ, ebaayaba nii.*+
5 Gbɔmɔ tsui mli susumɔi* tamɔ nui ni mli kwɔlɔ,Shi mɔ ni kɔɔ sane sɛɛ lɛ gbalaa kɛjeɔ kpo.
6 Mɛi babaoo kɛɔ akɛ amɛyɛ suɔmɔ ni tsakeee,Shi ewa akɛ abaana mɔ ni ji anɔkwafo.
7 Jalɔ nyiɛɔ yɛ enɔkwayeli mli.+
Ebii* ni baa yɛ esɛɛ lɛ yɛ miishɛɛ.+
8 Kɛ́ maŋtsɛ ta esɛi nɔ koni ekojo lɛ,+Ekɛ ehiŋmɛii naa efɔŋ fɛɛ efɔŋ.*+
9 Namɔ baanyɛ akɛɛ akɛ: “Mitsui mli tse;+Esha bɛ mihe”?+
10 Nsɛni tɛi ni ejaaa kɛ susumɔnii ni ejaaa lɛ*—Yehowa miihi enyɔ lɛ fɛɛ.+
11 Gbekɛ* po, enifeemɔi akɛyoɔ lɛ,Akɛ ejeŋba he tse, ni efeɔ nɔ ni ja lo?+
12 Toi ni nuɔ nii kɛ hiŋmɛi ni naa nii lɛ—Yehowa ji mɔ ni fee enyɔ lɛ fɛɛ.+
13 Kaahã wɔ ŋɔɔ onaa, kɛjeee nakai lɛ, obaaye ohia.+
Gbelemɔ ohiŋmɛii, ni obaatɔ kɛ niyenii.+
14 Mɔ ni héɔ nii lɛ kɛɔ akɛ: “Ehiii, ehiii!”;No sɛɛ lɛ, eyaa ni eyashwãa.+
15 Shika tsuru yɛ, ni ojarawatɛi* babaoo hu yɛ,Shi nilee naabu lɛ, nii ni jara wa ni.+
16 Hemɔ mɔ atade yɛ edɛŋ kɛ́ eyadamɔ mli ehã mɔkpɔŋ;+Hemɔ nɔ ni ekɛba ni ekɛbaato awaba lɛ yɛ edɛŋ kɛ́ edamɔ mli ehã yoo mɔkpɔŋ.*+
17 Niyenii ni atsɔ malemɔ nɔ aná lɛ, eŋɔɔ gbɔmɔ naa,Shi kɛ́ fee sɛɛ lɛ, edaaŋ baayi obɔ kɛ ŋmlitsa.+
18 Kɛ́ ato ajina lɛ, yiŋtoi* damɔɔ shi,*+Ni okɛ ŋaawoo* kpakpa awu ota lɛ.+
19 Mɔ ni wieɔ mɔ he efɔŋ lɛ, egbɛɔ saji ni mɛi kɛ lɛ pɛ wie lɛ eshwãa;+Okɛ mɔ ni sumɔɔ mɛi ahe wiemɔ lɛ akabɔ.*
20 Mɔ fɛɛ mɔ ni lomɔɔ epapa kɛ emami lɛ,Kɛ́ duŋ wo lɛ, abaagbe ekane.+
21 Gboshinii ni atsɔɔ amimyeli nɔ anáa lɛ,Naagbee lɛ, jɔɔmɔ baŋ nɔ.+
22 Kaakɛɛ akɛ: “Mato efɔŋ najiaŋ!”+
Okɛ ohiɛ afɔ̃ Yehowa nɔ,+ ni lɛ ebaahere bo.+
23 Nsɛni tɛi ni ejaaa* lɛ, Yehowa miihi,Ni shishiumɔ nsɛnii lɛ, ejeee nii kpakpa.
24 Yehowa ji mɔ ni kudɔɔ gbɔmɔ najifaamɔi;+Te gbɔmɔ aaafee tɛŋŋ enu gbɛ ni lɛ diɛŋtsɛ enyiɛ nɔ lɛ shishi lɛ?*
25 Eji tsɔne hã gbɔmɔ akɛ eeeye ehe oyai ni ekɛɛ akɛ, “Nɔ Krɔŋkrɔŋ Ni!”+
Dani sɛɛ mli lɛ ejwɛŋ shi ni ewo lɛ he.+
26 Maŋtsɛ ni hiɛ kã shi lɛ, egbɛɔ mɛi fɔji eshwãa+Ni ekɛ ŋmaagbeemɔ shwiili nyiɛɔ amɛnɔ.+
27 Mumɔ ni gbɔmɔ muɔ lɛ, eji Yehowa kaneNi taoɔ gbɔmɔ mli ekwɛɔ.
28 Suɔmɔ ni tsakeee kɛ anɔkwayeli buɔ maŋtsɛ he;+Suɔmɔ ni tsakeee ekɛhãa emaŋtsɛ sɛi lɛ maa shi shiŋŋ.+
29 Oblahii anunyam ji amɛhewalɛ lɛ,+Ni hiimeji ahefɛo ji amɛwaji lɛ.+
30 Pilamɔi kɛ faji tsumɔɔ efɔŋ,+Ni yii hãa gbɔmɔ mli tseɔ keŋkeŋ.
Shishigbɛ Niŋmaa
^ Loo “jata nuu kɛ ekuɛ he tsɔi.”
^ Shishitsɔɔmɔi komɛi kɛɔ akɛ, “Ebaatao yɛ nikpamɔ beiaŋ shi enaŋ.”
^ Loo “yiŋtoi.”
^ Hebri sht. ŋm., “Ebihii.”
^ Loo “Ekɛ ehiŋmɛii shaa sane mli ni ejieɔ efɔŋ fɛɛ eshwieɔ.”
^ Loo “Nsɛni tɛi srɔtoi enyɔ kɛ susumɔnii srɔtoi enyɔ lɛ.”
^ Loo “Gbekɛ nuu.”
^ Loo “koral.” Kwɛmɔ Wiemɔi Titrii Amligbalamɔ lɛ.
^ Loo “mɔ ni jɛ jeŋmaŋ kroko nɔ.”
^ Loo “gbɛjianɔtoi.”
^ Loo “Ŋaawoo hãa yiŋtoi damɔɔ shi.”
^ Loo “kudɔmɔ.”
^ Loo “Okɛ mɔ ni kɛ enaabu lakaa mɛi lɛ akabɔ.”
^ Loo “Nsɛni tɛi srɔtoi enyɔ.”
^ Loo “Te gbɔmɔ aaafee tɛŋŋ ele gbɛ ni ekɔ lɛ?”
