Ezekiel 32:1-32
32 Ni yɛ afi ni ji 12 lɛ mli, yɛ nyɔɔŋ ni ji 12 lɛ mli, yɛ klɛŋklɛŋ gbi yɛ nyɔɔŋ lɛ mli lɛ nɔ lɛ, Yehowa kɛɛ mi ekoŋŋ akɛ:
2 “Gbɔmɔ bi,* lá Ejipt maŋtsɛ Farao he yaafo lala,* ni okɛɛ lɛ akɛ,‘Otamɔ jeŋmaji lɛ ajata* ni he wa,Shi ahã ofee diŋŋ.
Otamɔ ŋshɔŋ loo agbo+ ni sereɔ gidigidi yɛ ofai lɛ amli,Okɛ onaji taa nui lɛ amli ni ohãa fai* lɛ amli woɔ muji.’
3 Nɔ ni Nuŋtsɔ Ofe Yehowa kɛɛ nɛ:
‘Matsɔ jeŋmaji babaoo asafo nɔ mafɔ̃ miyaa lɛ maha onɔ,Ni amɛbaagbala bo kɛba yɛ mitsãani* lɛ mli.
4 Mashi bo yɛ shikpɔŋ lɛ nɔ;Mashɛ bo mafɔ̃ ŋa lɛ nɔ.
Mahã ŋwɛi loofɔji fɛɛ abasɔmɔ onɔ,Ni mahã shikpɔŋ muu lɛ fɛɛ nɔ kooloi lɛ aye bo ni amɛtɔrɔ.+
5 Mashɛ oheloo mafɔ̃ gɔji lɛ anɔNi mahã jɔi lɛ amli ayimɔ obɔbɔ kɛ ogbohii lɛ.+
6 Mikɛ olá ni miiho waa lɛ baawu shikpɔŋ lɛ nɔ kɛyashi gɔji lɛ anɔ,Ni ebaayi fai lɛ amli obɔbɔ.’*
7 ‘Ni kɛ́ migbe bo tamɔ agbeɔ kane lɛ, maha ŋwɛii ahiɛ, ni mahã amɛŋulamii lɛ awo duŋ.
Mikɛ atatui lɛ baaha hulu lɛ hiɛ,Ni nyɔɔŋtsere lɛ hu kpɛŋ.+
8 Mahã ŋwɛi kanei ni kpɛlɛɔ lɛ fɛɛ awo duŋ yɛ ohewɔ,Ni mahã duŋ awo yɛ oshikpɔŋ lɛ nɔ,’ Nuŋtsɔ Ofe Yehowa kɛɛ.
9 ‘Mahã majimaji babaoo atsui aye kɛ́ minyiɛ omɛi ni aŋɔ amɛ nom lɛ ahiɛ kɛtee jeŋmaji krokomɛi amli lɛ,Kɛtee shikpɔji ni oleee lɛ anɔ lɛ.+
10 Mahã majimaji babaoo ahe ajɔ̃ amɛhe,Ni gbeyei baamɔmɔ amɛmaŋtsɛmɛi lɛ yɛ ohewɔ kɛ́ miwó miklante lɛ nɔ yɛ amɛhiɛ lɛ.
Amɛhe baakpokpo aahu, mɔ fɛɛ mɔ baashe gbeyei yɛ ewala hewɔ,Yɛ gbi ni obaagbee shi lɛ nɔ.’
11 Ejaakɛ nɔ ni Nuŋtsɔ Ofe Yehowa kɛɛ nɛ:
‘Babilon maŋtsɛ lɛ klante lɛ baaba onɔ.+
12 Mahã osafo babaoo lɛ anyɔnyɔi yɛ tawulɔi kãkãlɔi aklantei anaa,Jeŋmaji lɛ ateŋ mɛi ni yitseiaŋ wala waa ji amɛ fɛɛ.+
Amɛbaaba shwã ni Ejipt shwãa lɛ shi, ni abaakpãtã esafo babaoo lɛ fɛɛ ahiɛ.+
13 Makpãtã eshĩa kooloi lɛ fɛɛ ahiɛ mafata enui babaoo lɛ ahe,+Ni gbɔmɔ nane ko etaŋ mli dɔŋŋ ni shĩa kooloi anane tokotai* hu etaŋ mli dɔŋŋ.’+
14 ‘Nakai be lɛ mli lɛ, mahã amɛnui lɛ amli atse,Ni mahã amɛfai lɛ aho tamɔ mu,’ Nuŋtsɔ Ofe Yehowa kɛɛ.
15 ‘Kɛ́ Ejipt shikpɔŋ lɛ tsɔ amaŋfɔ kɛ shikpɔŋ ni akɛfeee nɔ ko, shikpɔŋ ni abɛɛ nɔ fɛɛ nɔ ni yɔɔ nɔ,+Kɛ́ migbe mɛi fɛɛ ni yɔɔ nɔ lɛ,Amɛbaaná amɛle akɛ, miji Yehowa.+
16 Yaafo lala nɛ, ni bɔ fɛɛ bɔ ni fee lɛ mɛi baalá;Jeŋmaji lɛ abiyei lɛ baalá.
Amɛbaalá yɛ Ejipt kɛ esafo babaoo lɛ ahewɔ,’ Nuŋtsɔ Ofe Yehowa kɛɛ.”
17 Kɛkɛ ni yɛ afi ni ji 12 lɛ mli, yɛ gbi ni ji 15 yɛ nyɔɔŋ lɛ mli lɛ nɔ lɛ, Yehowa kɛɛ mi akɛ:
18 “Gbɔmɔ bi,* wo yara yɛ Ejipt asafo babaoo lɛ ahewɔ, ni oba lɛ shi kɛya shikpɔŋ ni yɔɔ shishi lɛ nɔ, lɛ kɛ jeŋmaji ni he wala lɛ abiyei lɛ, ofata mɛi ni kpelekeɔ shi kɛyaa bu* lɛ mli lɛ ahe.
19 “‘Namɔ ohe yɔɔ fɛo fe lɛ? Kpelekemɔ shi ni oyakã mɛi ni afoko amɛ ketia lɛ amasɛi!’
20 “‘Amɛbaanyɔnyɔi yɛ mɛi ni klante lɛ gbe amɛ lɛ ateŋ.+ Akɛ lɛ ehã klante lɛ; nyɛgbalaa lɛ kɛ esafo babaoo lɛ fɛɛ kɛyaa.
21 “‘Tawulɔi kãkãlɔi ni he wala fe fɛɛ lɛ baajɛ Gbonyobu* lɛ shishi tɔ̃ɔ amɛkɛ lɛ kɛ eyelikɛbualɔi lɛ awie. Bɔ fɛɛ bɔ ni fee lɛ, amɛbaakpeleke shi, akɛ klante lɛ baagbe amɛ ni amɛbaayakamɔ shi tamɔ mɛi ni afoko amɛ ketia lɛ.
22 Asiria kɛ esafo lɛ fɛɛ yɛ jɛmɛ. Amɛgbohii abui lɛ ebɔle ehe fɛɛ, amɛ fɛɛ amɛnyɔnyɔi yɛ klante lɛ naa.+
23 Egbohii abui lɛ yɛ bu* lɛ mli tɔ̃ɔ, ni esafo lɛ fɛɛ ebɔle egbonyobu lɛ he fɛɛ, amɛ fɛɛ amɛnyɔnyɔi yɛ klante lɛ naa ejaakɛ amɛhã gbeyei mɔmɔ mɛi yɛ hiɛkãalɔi ashikpɔŋ lɛ nɔ.
24 “‘Elam+ kɛ esafo babaoo lɛ fɛɛ yɛ jɛmɛ, amɛbɔle egbonyobu lɛ he fɛɛ, amɛ fɛɛ amɛnyɔnyɔi yɛ klante lɛ naa. Mɛi ni afoko amɛ ketia ni hã gbeyei mɔmɔ mɛi yɛ hiɛkãalɔi ashikpɔŋ lɛ nɔ lɛ ekpeleke shi kɛtee shikpɔŋ ni yɔɔ shishi lɛ nɔ. Amrɔ nɛɛ amɛkɛ mɛi ni kpelekeɔ shi kɛyaa bu* lɛ mli lɛ baatere amɛhiɛgbele lɛ.
25 Amɛŋmɛ saa amɛhã lɛ yɛ mɛi ni agbe lɛ ateŋ, ni esafo babaoo lɛ fɛɛ ebɔle egbohii abui lɛ ahe fɛɛ. Amɛ fɛɛ lɛ, afoko amɛ ketia ni akɛ klante lɛ gbe amɛ, ejaakɛ amɛhã gbeyei mɔmɔ mɛi yɛ hiɛkãalɔi ashikpɔŋ lɛ nɔ; ni amɛkɛ mɛi ni kpelekeɔ shi kɛyaa bu* lɛ mli lɛ baatere amɛhiɛgbele lɛ. Akɛ lɛ efɔ̃ mɛi ni agbe lɛ ateŋ.
26 “‘Meshek kɛ Tubal+ kɛ amɛsafo* babaoo lɛ fɛɛ yɛ jɛmɛ. Amɛgbohii* abui lɛ ebɔle ehe fɛɛ. Amɛ fɛɛ lɛ, afoko amɛ ketia, ni akɛ klante lɛ tsu amɛmli, ejaakɛ amɛhã gbeyei mɔmɔ mɛi yɛ hiɛkãalɔi ashikpɔŋ lɛ nɔ.
27 Ani amɛyakamɔŋ tawulɔi kãkãlɔi ni afoko amɛ ketia ni nyɔnyɔi ni kpeleke shi kɛtee Gbonyobu* lɛ mli kɛ amɛtawuu nibii lɛ amasɛi? Ni amɛkɛ amɛklantei lɛ baawo amɛyitsei ashishi* ni amɛkɛ amɛhe eshai lɛ baashwie amɛwui lɛ anɔ, ejaakɛ tawulɔi kãkãlɔi nɛɛ hã gbeyei mɔmɔ mɛi yɛ hiɛkãalɔi ashikpɔŋ lɛ nɔ.
28 Shi bo lɛ, abaakumɔ bo yɛ mɛi ni afoko amɛ ketia lɛ ateŋ, ni okɛ mɛi ni akɛ klante lɛ gbe amɛ lɛ baakamɔ shi.
29 “‘Edom+ kɛ emaŋtsɛmɛi lɛ kɛ elumɛi lɛ fɛɛ yɛ jɛmɛ, eyɛ mli akɛ amɛji hii kãkãlɔi moŋ, shi akɛ amɛ yashwie mɛi ni klante lɛ gbe amɛ lɛ ateŋ; amɛ hu amɛkɛ mɛi ni afoko amɛ ketia+ lɛ kɛ mɛi ni kpelekeɔ shi kɛyaa bu* lɛ mli lɛ baakamɔ shi.
30 “‘Kooyigbɛ lumɛi* lɛ fɛɛ, kɛ Sidonbii+ lɛ fɛɛ, mɛi ni yɛ bɔ ni amɛhe wala waa ni amɛhãa gbeyei mɔmɔɔ mɛi lɛ fɛɛ sɛɛ lɛ, amɛkɛ hiɛgbele kpeleke shi kɛtee lɛ hu yɛ jɛmɛ. Afoko amɛ ketia, ni amɛkɛ mɛi ni akɛ klante lɛ gbe amɛ lɛ baakamɔ shi, ni amɛkɛ mɛi ni kpelekeɔ shi kɛyaa bu* lɛ mli lɛ baatere amɛhiɛgbele lɛ.
31 “‘Farao baana enɛɛmɛi fɛɛ, ni ebaatsɛ etsui eŋmɛ emli yɛ nibii fɛɛ ni ba esafo babaoo lɛ anɔ lɛ ahewɔ;+ akɛ klante lɛ baagbe Farao kɛ esraafoi lɛ fɛɛ,’ Nuŋtsɔ Ofe Yehowa kɛɛ.
32 “‘Akɛni Farao kɛ esafo babaoo lɛ fɛɛ hã gbeyei mɔmɔ mɛi yɛ hiɛkãalɔi ashikpɔŋ lɛ nɔ hewɔ lɛ, akɛ amɛ baaŋmɛ mɛi ni afoko amɛ ketia lɛ, mɛi ni akɛ klante lɛ gbe amɛ lɛ amasɛi,’ Nuŋtsɔ Ofe Yehowa kɛɛ.”
Shishigbɛ Niŋmaa
^ Hebri sht. ŋm., “amɛfai.”
^ Loo “ajata oblanyo kɛ ekuɛ he tsɔi.”
^ Hebri sht. ŋm., “binuu.”
^ Loo “awerɛhoyeli lala.”
^ Loo “adrã.”
^ Hebri sht. ŋm., “Ni obaayi fai lɛ ashishi obɔbɔ; Ni abaajɛ omli ayi fai lɛ ashishi obɔbɔ.”
^ Loo “koklotoi.”
^ Hebri sht. ŋm., “binuu.”
^ Loo “gbonyobu.”
^ Hebri mli lɛ, “Sheol,” ni ji, mfonirifeemɔŋ gbonyobu kome kɛhã adesai. Kwɛmɔ Wiemɔi Titrii Amligbalamɔ lɛ.
^ Loo “gbonyobu.”
^ Loo “gbonyobu.”
^ Loo “gbonyobu.”
^ Hebri sht. ŋm., “Egbohii.”
^ Hebri sht. ŋm., “esafo.”
^ Hebri mli lɛ, “Sheol,” ni ji, mfonirifeemɔŋ gbonyobu kome kɛhã adesai. Kwɛmɔ Wiemɔi Titrii Amligbalamɔ lɛ.
^ Eeenyɛ efee akɛ, enɛ kɔɔ bɔ ni afuɔ tawulɔi kɛ amɛklantei lɛ kɛwoɔ amɛhiɛ nyam lɛ he.
^ Loo “gbonyobu.”
^ Loo “hiɛnyiɛlɔi.”
^ Loo “gbonyobu.”
