Hiob 28:1-28
28 “He ko yɛ ni atsaa jwiɛtɛi yɛNi he ko hu yɛ ni atsaa shika tsuru ni atsuɔ he lɛ yɛ;+
2 Atsaa dade yɛ shikpɔŋ,Ni asereɔ* akɔɔble kɛjɛɔ tɛsai amli.+
3 Gbɔmɔ yeɔ duŋ nɔ kunim;Egbuɔ shi kɛyaa duŋ kpii kɛ duŋ shishi tɔ̃ɔNí eetao ojarawatɛ.*
4 Etsaa bu yɛ he ni kɛ gbɔmɛi ashihilɛhe teŋ jekɛ,Yɛ hei ni mɛi ahiɛ ekpa nɔ, ní kɛ hei ni gbɔmɛi nyiɛɔ teŋ jekɛ;Mɛi komɛi kpelekeɔ shi kɛyaa mli, ni amɛyatsotsoroɔ shi amɛyeɔ odiŋ.
5 Niyenii kwɛ̃ɔ yɛ shikpɔŋ lɛ nɔ;Shi shikpɔŋ lɛ shishi lɛ, etsake kwraa oookɛɛ akɛ la fee.*
6 Safiro yɛ tɛi lɛ amli yɛ jɛmɛ,Ni shika tsuru yɛ sũ* lɛ mli.
7 Loofɔlɔ ni mɔɔ kooloo ko kwraa leee gbɛ ni yaa jɛmɛ lɛ;Ni laalɔɔ diŋ ko hiŋmɛi enako dã.
8 Ŋa mli kooloi wuji lɛ eko kwraa enyiɛko nɔ;Ni jata* hu enyiɛko jɛmɛ.
9 Gbɔmɔ kɛ enine tswaa tɛsaa ni wa waa nɔ;Etsɔmɔɔ gɔji ebumɔɔ shi kɛjɛɔ amɛshishi tɔ̃ɔ.
10 Egbálaa nujɔi+ yɛ tɛsaa mli;Ehiŋmɛii naa ojarawa nii fɛɛ.
11 Etsĩmɔɔ hei ni fai tueɔ kɛjɛɔ lɛ anaa;Ni ekɛ nibii ni aŋɔtee baa la hiɛ.
12 Shi nɛgbɛ abaana hiɛshikamɔ yɛ,+Ni nɛgbɛ ji niiashishinumɔ hu jɛɛhe?+
13 Gbɔmɔ ko gbɔmɔ ko leee ejara,+Ni anaŋ yɛ hiɛkãalɔi ashikpɔŋ lɛ nɔ hu.
14 Nui ni mli kwɔlɔ lɛ kɛɔ akɛ, ‘Ebɛ mimli!’
Ni ŋshɔ hu kɛɔ akɛ, ‘Ebɛ miŋɔɔ!’+
15 Anyɛŋ akɛ shika tsuru krɔŋŋ ahé;Ni anyɛŋ aŋmɛ jwiɛtɛi hu akɛtsake.+
16 Anyɛŋ akɛ Ofir shika tsuru ahé+Ni anyɛŋ akɛ onike tɛ ni jara wa kɛ safiro tɛ hu ahé.
17 Anyɛŋ akɛ shika tsuru kɛ glase ato he;Ni anyɛŋ akɛ nɔ ko ni akɛ shika tsuru kpakpa* fee atsake.+
18 Ŋshɔŋ ojarawatɛ* kɛ kristalo lɛ, amɛbaaa he kwraa,+Ejaakɛ hiɛshikamɔ baagi obɔ jara wa kwraa fe adiagbai baagi obɔ.
19 Anyɛŋ akɛ Kush topaz+ ato he;Anyɛŋ akɛ shika tsuru krɔŋŋ po ahé.
20 Shi nɛgbɛ hiɛshikamɔ jɛɔ kɛbaa,Ni nɛgbɛ ji niiashishinumɔ hu jɛɛhe?+
21 Aŋɔtee nɔ fɛɛ nɔ ni hiɛ kã lɛ hiŋmɛii+Ni akɛtee ŋwɛi loofɔji hu.
22 Hiɛkpatamɔ kɛ gbele kɛɔ akɛ,‘Ehe sane kɛkɛ wɔtoii enu.’
23 Nyɔŋmɔ le gbɛ ni atsɔɔ nɔ anáa;Lɛ pɛ ele he ni eyɔɔ,+
24 Ejaakɛ ekwɛɔ nii kɛyaa shikpɔŋ lɛ naagbeehei lɛ,Ni enaa nɔ fɛɛ nɔ ni yɔɔ ŋwɛi shishi lɛ.+
25 Be ni eto kɔɔyɔɔ lɛ hewalɛ lɛ shishi*+Ní esusu nui lɛ afalɛ,+
26 Be ni ewo nugbɔnɛmɔ mla+Ní egbá gbɛ ehã nugbɔ ní woɔ lutulutu kɛ nugbɔshiimɔi lɛ,+
27 Nakai beiaŋ ena hiɛshikamɔ, ni etsɔɔ mli;Ekɛma shi ni eka ekwɛ.
28 Ni ekɛɛ gbɔmɔ akɛ:
‘Naa! Yehowa gbeyeishemɔ lɛ—no ji hiɛshikamɔ,+Ni efɔŋ he ní atsiɔ he kɛjeɔ lɛ ji niiashishinumɔ.’”+
Shishigbɛ Niŋmaa
^ Hebri sht. ŋm., “afɔseɔ.”
^ Hebri sht. ŋm., “Ní eetao tɛ.”
^ Eeenyɛ efee akɛ, enɛ kɔɔ bɔ ni atsaa ojarawatɛi yɛ shikpɔŋ lɛ shishi lɛ he.
^ Hebri sht. ŋm., “mulu.”
^ Loo “jata oblanyo.”
^ Loo “shika tsuru ni atsuu he.”
^ Loo “Koral.” Kwɛmɔ Wiemɔi Titrii Amligbalamɔ lɛ.
^ Hebri sht. ŋm., “Be ni eŋmɛ kɔɔyɔɔ lɛ tsiimɔ ehã lɛ.”
