Hiob 30:1-31
30 “Shi amrɔ nɛɛ, amɛŋmɔɔ mi+—Hii ni miye amɛ onukpa,Mɛi ni mihãŋ amɛtsɛmɛiAfata gbei ni kwɛɔ mitooku lɛ anɔ lɛ po ahe.
2 Mɛɛ sɛɛ miná yɛ amɛdɛŋ hewalɛ lɛ mli?
Amɛhewalɛ lɛ hiɛ ekpãtã.
3 Ohia kɛ hɔmɔ ehã amɛtãra loo;Amɛkɔ̃mɔɔ shikpɔŋ gbiŋNí hiɛ ekpãtã momo, ní etsɔ amaŋfɔ lɛ.
4 Amɛbuaa ŋoo bai anaa kɛjɛɔ jwɛiaŋ;Rotem tsei* ashishifãi ji amɛniyenii.
5 Ashwieɔ amɛ kɛjeɔ akutso mli;+Mɛi wɔɔ amɛyi tamɔ awɔɔ julɔ yi lɛ.
6 Amɛhiɔ jɔi voovoi* amli,Amɛhiɔ bui ni yɔɔ shikpɔŋ kɛ tɛsai amli lɛ amli.
7 Amɛbolɔɔ kɛjɛɔ jwɛiaŋNi amɛbuaa amɛhe naa yɛ jwɛi ni ŋmei yɔɔ he ateŋ.
8 Ashwieɔ* amɛ kɛjeɔ shikpɔŋ lɛ nɔTamɔ ashwieɔ mɛi ni bɛ jwɛŋmɔ kɛ mɛi ni bɛ gbɛ́i lɛ abii lɛ nɔŋŋ.
9 Shi amrɔ nɛɛ, amɛyeɔ mihe fɛo yɛ amɛlalai amli po;+Mitsɔ nyaŋemɔ nii* mihã amɛ.+
10 Amɛnyaŋeɔ mi, ni amɛtsiɔ amɛhe yɛ mihe kɛyaa sɛɛ shɔŋŋ;+Ewaaa hãaa amɛ akɛ amɛaafɛ̃ lajɔ̃ amɛshwie mihiɛ.+
11 Akɛni Nyɔŋmɔ efɛne migãi kpãa lɛ, ni eba mi shi hewɔ lɛ,Amɛshɛɔ nɔ fɛɛ nɔ ni tsĩɔ amɛ gbɛ amɛfɔ̃ɔ* yɛ mihiɛ.
12 Amɛteɔ shi yɛ mininejurɔ nɔ tamɔ kuu ni feɔ basabasa;Amɛwoɔ mi foiNi amɛkɛ nibii ni kpãtãa mɔ hiɛ tsĩɔ migbɛ lɛ.
13 Amɛfiteɔ gbɛi ni minyiɛ nɔ lɛNi amɛhãa mimanehulu lɛ mli woɔ wu,+Ni mɔ ko bɛ ni baahã amɛkpa.*
14 Amɛbaa tamɔ nɔ ni amɛtsɔɔ gbogbo he fɔlɔ lɛkɛtɛɛ mli;Amɛtsɛ̃ɔ kɛbaa yɛ hiɛkpatamɔ lɛ mli.
15 Ŋmiŋmi mɔɔ mi waa;Atswaa minunyam lɛ kɛyaa tamɔ kɔɔyɔɔ tswaa nii kɛyaa lɛ,Ni miyiwalaheremɔ lɛ laajeɔ tamɔ atatu.
16 Agbɛnɛ miwala* miiŋmɛɛ mi;+Amanehulu gbii+ hu emɔmɔ mimli.
17 Miwuiaŋ waa mihe waa* nyɔɔŋ;+Bɔ ni emli kpeɔ mi lɛ sɛɛ efooo.+
18 Hewalɛ kpele hãa bɔ ni mitade lɛ yɔɔ lɛ tsakeɔ kwraa;*Ehãaa manyɛ mamu, tamɔ mitade kuɛ ní emɔ misɛ̃.
19 Nyɔŋmɔ eshɛ mi efɔ̃ ŋmɔtɔ mli;Mitsɔ tamɔ sũ* kɛ lamulu.
20 Mibolɔɔ mitsɛɔ bo ni oye obua mi, shi ofooo midaaŋ;+Miteɔ shi midamɔɔ shi, shi okwɛɔ mi gãa.
21 Okɛ yitsoŋwalɛ tsɔɔ ohiɛ owoɔ mi;+Okɛ onineshiwalɛ lɛ fɛɛ tutuaa mi.
22 Owóɔ minɔ, ni okɛ kɔɔyɔɔ lɛ wóɔ mi kɛyaa;Ni ofɔ̃ɔ mi kɛyaa kɛbaa yɛ ahum lɛ mli.*
23 Ejaakɛ mile akɛ obaahã makpeleke shi kɛya gbele mli,Kɛya shĩa ni hiɛkãalɔi fɛɛ baayakpe yɛ mli lɛ mli.
24 Shi mɔ ko mɔ ko kɛ nɔ ko etswaŋ mɔ ni miina nɔ*+Be mli ni ebolɔɔ etsɛɔ yelikɛbuamɔ yɛ emanehulu be mli lɛ.
25 Ani mifóoo mihãaa mɛi ni gbeɔ shi yɛ jaramɔ beiaŋ* lɛ?
Ani miwerɛ hooo mihe* yɛ ohiafoi ahewɔ?+
26 Mikpa nɔ kpakpa gbɛ, shi nɔ fɔŋ moŋ ba;Mikpa la gbɛ, shi duŋ moŋ ba.
27 Bɔ ni mimli lotaa mi lɛ sɛɛ efooo;Amanehulu gbii nina mi.
28 Minyiɛɔ ní minii efee mɔbɔmɔbɔ;+ hulu la ko kwraa bɛ.
Miteɔ shi midamɔɔ shi yɛ asafo mli, ni mibolɔɔ ní aye abua mi.
29 Mitsɔ ŋa mli gbei anyɛmiKɛ duguma biyei hu anaanyo.+
30 Mihewolo edi, ni ekpɔ yɛ mihe;+Dɔlɛ* miishã miwui.
31 Misaŋku lɛ, awerɛho pɛ atswaa kɛyeɔ,Ni mibɛnta* lɛ, fó akpãa kɛfóɔ.
Shishigbɛ Niŋmaa
^ Tso nɛɛ ji tso ko ni kwɛ̃ɔ yɛ ŋa nɔ.
^ Loo “nujɔi.” Kwɛmɔ Wiemɔi Titrii Amligbalamɔ lɛ.
^ Hebri sht. ŋm., “Agwaoɔ.”
^ Hebri sht. ŋm., “abɛbuu nɔ; wiemɔ ni ma mɛi anaa; mɛi adaaŋ kotsa.”
^ Loo “Amɛshɛɔ manyoflɛ amɛfɔ̃ɔ.”
^ Shishitsɔɔmɔi komɛi kɛɔ akɛ, “Ni mɔ ko bɛ ni baaye abua amɛ.”
^ Loo “misusuma.”
^ Hebri sht. ŋm., “Agbulɔɔ miwui amli.”
^ Shishitsɔɔmɔi komɛi kɛɔ akɛ, “Mimanehulu lɛ naawalɛ lɛ hãa migbɔmɔtso tsakeɔ kwraa.”
^ Hebri sht. ŋm., “mulu.”
^ Shishitsɔɔmɔi komɛi kɛɔ akɛ, “Ni okɛ ahum ni naa wa sereɔ mi.”
^ Hebri sht. ŋm., “mɔ ni etsɔ tsũi koikoi ni bua shi.”
^ Loo “mɛi ni kɛ jaramɔ gbi kpeɔ.”
^ Loo “Ani misusuma werɛ hooo ehe.”
^ Shishitsɔɔmɔi komɛi kɛɔ akɛ, “Atridii.”
^ Loo “mibɛlɛ.”
