Hiob 33:1-33
33 “Shi agbɛnɛ, Hiob, ofainɛ bo miwiemɔi lɛ toi;Bo nɔ fɛɛ nɔ ni mawie lɛ toi.
2 Ofainɛ, bo mi toi! Magbele minaa;Mililɛi* baawie.
3 Miwiemɔi lɛ tsɔɔ bɔ ni mitsui ja hã,+Ni minaabu wieɔ nɔ ni mile lɛ krɔŋŋ.
4 Nyɔŋmɔ mumɔ lɛ fee mi,+Ni mumɔ ni Ofe lɛ muɔ lɛ hã miba wala mli.+
5 Kɛ́ obaanyɛ lɛ, hã mi hetoo;Jajemɔ osane lɛ otsɔɔ mi; saamɔ ohe jogbaŋŋ.
6 Naa! Mitamɔ bo nɔŋŋ yɛ anɔkwa Nyɔŋmɔ lɛ hiɛ;Mi hu sũ nɔŋŋ akɛshɔ̃ mi.+
7 No hewɔ lɛ, mihe ŋmiŋmi ko akawo ohe gbeyei,Ni minyɛŋ onɔ hu, ní no akakumɔ bo kwraa.
8 Shi owie ni minu,Hɛɛ, minu wiemɔi nɛɛ shii abɔ akɛ,
9 ‘Miyɛ krɔŋŋ, ni mitɔ̃ko mla ko;+Mihe tse, ni tɔmɔ ko bɛ mihe.+
10 Shi Nyɔŋmɔ taoɔ nibii ni eeedamɔ nɔ ete shi ewo mi;Enaa mi akɛ ehenyɛlɔ.+
11 Ebɔɔ minaji apã;Epɛiɔ migbɛi fɛɛ amli fitsofitso.’+
12 Shi nɔ ni owie nɛɛ, ejaaa, no hewɔ lɛ, majie bo naa:
Nyɔŋmɔ da kwraa fe gbɔmɔ adesa.*+
13 Mɛni hewɔ owieɔ oshiɔ lɛ?+
Ani owiemɔi lɛ fɛɛ ní ehãaa hetoo lɛ hewɔ?+
14 Ejaakɛ Nyɔŋmɔ wieɔ shi kome, ni esaa ewieɔ ekoŋŋ,Shi mɔ ko mɔ ko booo toi,
15 Yɛ lamɔ mli, yɛ nyɔɔŋ ninaa mli,+Be ni wɔ ni tsii enyɔ gbɔmɛi anɔNí amɛwɔ yɛ amɛsai anɔ lɛ.
16 Nakai beiaŋ egbeleɔ amɛtoii+Ni enyɛmɔɔ egbɛtsɔɔmɔi lɛ anɔ* ewoɔ amɛmli,
17 Koni ekɛhã gbɔmɔ aje efɔŋfeemɔ he,+Ní ekɛbu gbɔmɔ he koni ekawó ehe nɔ.+
18 Nyɔŋmɔ hãaa esusuma* aya bu* lɛ mli,+Ehãaa ewala hiɛ akpãtã yɛ klante naa.*
19 Atsɔɔ piŋmɔ ni gbɔmɔ nuɔ he yɛ esaa nɔ,Kɛ amanehulu ni enaa yɛ ewui amli lɛ hu nɔ ajajeɔ lɛ,
20 Ni no hewɔ lɛ, enyaŋeɔ niyenii,*Ni ekpoɔ* niyenii kpakpa po.+
21 Eheloo hiɛ kpãtãa ní ehiii kwɛmɔ,Ni ewui ni tsutsu lɛ anaaa lɛ, jeɔ kpo.*
22 Esusuma* bɛŋkɛɔ bu* lɛ;Ni ewala bɛŋkɛɔ mɛi ni kɛ gbele baa lɛ.
23 Kɛji tsulɔ* ko yɛ hã lɛ,Sɛɛfilɔ kome yɛ mɛi akpe mliNí baatsɔɔ gbɔmɔ nɔ ni ja lɛ,
24 No lɛ, Nyɔŋmɔ naa lɛ mɔbɔ, ni ekɛɔ akɛ,‘Kaahã ekpeleke shi kɛtee bu* lɛ mli!+
Miná kpɔmɔnɔ!+
25 Eheloo lɛ afee frɔŋ* fe gbekɛ nɔ;+Eku sɛɛ ená eblahiiaŋ hewalɛ lɛ ekoŋŋ.’+
26 Ebaakpa Nyɔŋmɔ fai,+ ni ebaabo lɛ toi,Ni ebaana Nyɔŋmɔ hiɛ, ni ebaanya waa,Ni Nyɔŋmɔ kɛ ejalɛ lɛ baahã gbɔmɔ adesa* ekoŋŋ.
27 Nakai mɔ lɛ baajaje* atsɔɔ mɛi akɛ,‘Mifee esha,+ ni mikɔ̃dɔ̃ nɔ ni ja lɛ,Shi mináaa nɔ ni sa mi.*
28 Ekpɔ̃ misusuma* koni ekaya bu* lɛ mli,+Ni miwala baana la lɛ.’
29 Hɛɛ, Nyɔŋmɔ feɔ nibii nɛɛ fɛɛShii enyɔ, kɛ shii etɛ ehãa gbɔmɔ,
30 Koni ekɛjie lɛ* kɛje bu* lɛ mli,Bɔ ni afee ni wala la lɛ akpɛ ahã lɛ.+
31 Feemɔ toi, Hiob! Bo mi toi!
Feemɔ diŋŋ, ni matsa miwiemɔ lɛ nɔ.
32 Kɛji oyɛ nɔ ko ni obaawie lɛ, jiemɔ mi naa.
Wiemɔ, ejaakɛ miitao mahã ona akɛ osane ja.
33 Kɛji obɛ nɔ ko ni obaawie lɛ, no lɛ, bo mi toi;Feemɔ diŋŋ, ni matsɔɔ bo nɔ ni hiɛshikamɔ ji.”
Shishigbɛ Niŋmaa
^ Hebri sht. ŋm., “Mililɛi kɛ midaa.”
^ Loo “gbɔmɔ ni gboɔ.”
^ Hebri sht. ŋm., “esɔoɔ etsɔɔmɔi lɛ anaa.”
^ Loo “ewala.”
^ Loo “gbonyobu.”
^ Loo “Ehãaa tawuu nii akpãtã ewala hiɛ.”
^ Loo “esusuma kpoɔ.”
^ Hebri sht. ŋm., “ewala nyaŋeɔ blodo.”
^ Loo “bajwereɔ shi faŋŋ.”
^ Loo “Ewala.”
^ Loo “gbonyobu.”
^ Loo “ŋwɛibɔfo.”
^ Loo “gbonyobu.”
^ Loo “Eheloo lɛ aná hewalɛ.”
^ Loo “gbɔmɔ ni gboɔ.”
^ Hebri sht. ŋm., “baalá.”
^ Shishitsɔɔmɔi komɛi kɛɔ akɛ, “Ni mináaa he sɛɛ ko.”
^ Loo “miwala.”
^ Loo “gbonyobu.”
^ Loo “esusuma.”
^ Loo “gbonyobu.”
