Hiob 34:1-37
34 No hewɔ lɛ, Elihu tee nɔ ewie akɛ:
2 “Nyɛboa miwiemɔi lɛ toi, nyɛ mɛi ni nyɛhiɛ kã shi;Nyɛfea toi nyɛhãa mi, nyɛ mɛi ni nyɛle nii waa.
3 Ejaakɛ toi kaa wiemɔi ekwɛɔTamɔ bɔ ni lilɛi* hu saa niyenii anaa lɛ.
4 Nyɛhãa wɔpɛia nɔ ni ja mli wɔhãa wɔhe;Nyɛhãa wɔkpɛa wɔyiŋ yɛ nɔ ni ja he wɔhãa wɔhe.
5 Ejaakɛ Hiob kɛɛ akɛ, ‘Misane ja,+Shi Nyɔŋmɔ yeee mi jalɛ sane.+
6 Ani mamale yɛ bɔ ni esa akɛ akojo mi ahã lɛ he?
Anyɛɛɛ mipilamɔ lɛ atsa, tsɛbelɛ mitɔ̃ko mla ko.’+
7 Namɔ po tamɔ Hiob,Ni nuɔ mɔjɛmɔ wiemɔi tamɔ anuɔ nu lɛ?
8 Efɔŋfeelɔi ekɛbɔɔNi mɛi fɔji ji enanemɛi.+
9 Ejaakɛ ekɛɛ akɛ, ‘Gbɔmɔ náaa he sɛɛ koKɛ́ eebɔ mɔdɛŋ ní efee nɔ ni sa Nyɔŋmɔ hiɛ.’+
10 No hewɔ lɛ, nyɛboa mi toi, nyɛ mɛi ni nyɛyɔɔ jwɛŋmɔ:*
Ebaŋ lɛ kɔkɔɔkɔ akɛ anɔkwa Nyɔŋmɔ lɛ baafee nɔ fɔŋ,+Aloo akɛ, Ofe lɛ baafee nɔ ni ejaaa!+
11 Ejaakɛ ewoɔ gbɔmɔ nyɔmɔ yɛ enifeemɔi anaa+Ni ehãa nɔ ni jɛɔ mɔ lɛ gbɛi amli kɛbaa lɛ baa mɔ lɛ nɔ.
12 Anɔkwa, Nyɔŋmɔ efeee nifɔjianii;+Ofe lɛ tsɔɔɔ jalɛ sane hiɛ ebuuu shi.+
13 Namɔ kɛ shikpɔŋ lɛ wo edɛŋ,Ni namɔ ŋɔ lɛ eto jeŋ muu* lɛ fɛɛ nɔ?
14 Kɛ́ ekɛ ejwɛŋmɔ ma* gbɔmɛi anɔ,Ni ebua amɛmumɔ kɛ mumɔ ni amɛmuɔ lɛ naa kɛba eŋɔɔ lɛ,+
15 Gbɔmɛi* fɛɛ ahiɛ baakpãtã shi kome,Ni adesai baaku sɛɛ aya sũ* lɛ mli.+
16 No hewɔ lɛ, kɛ́ oyɛ niiashishinumɔ lɛ, bo enɛ toi;Bo nɔ ni mawie lɛ toi jogbaŋŋ.
17 Ani esa akɛ mɔ ni sumɔɔɔ jalɛ sane aye mɛi anɔ,Aloo obaawie oshi hewalɔ ni ja lɛ?
18 Ani obaakɛɛ maŋtsɛ akɛ, ‘Yaka gbɔmɔ ji bo,’
Aloo obaakɛɛ abladei akɛ, ‘Mɛi fɔji ji nyɛ’?+
19 Mɔ ko yɛ ni kwɛɛɛ lumɛi ahiɛiaŋNí ebuuu niiatsɛ fe ohiafo,*+Ejaakɛ eninenaa nitsumɔ ji amɛ fɛɛ.+
20 Amɛgboiɔ trukaa+ nyɔɔŋteŋ;+Amɛkpokpoɔ bliblibli, kɛkɛ lɛ amɛgboi;Ajieɔ hewalɔi po kɛyaa, shi jeee adesa nine akɛjieɔ amɛ.+
21 Ejaakɛ Nyɔŋmɔ hiŋmɛii jwere gbɔmɔ gbɛi anɔ,+Ni enaa enajifaamɔi fɛɛ.
22 Duŋ loo duŋ kpii ko bɛ,He ni efɔŋfeelɔi baanyɛ atee amɛhe yɛ.+
23 Ejaakɛ Nyɔŋmɔ etoko be pɔtɛɛ ko ehãko mɔ ko mɔ koAkɛ ebapue yɛ ehiɛ kɛhã kojomɔ.
24 Ekumɔɔ hewalɔi ní ehe ehiaaa ni etao amɛsaji amliNi ekɛ mɛi krokomɛi toɔ amɛnajiaŋ.+
25 Ejaakɛ ele nibii ni amɛfeɔ;+Ebutuɔ amɛ nyɔɔŋ mli, ni amɛhiɛ kpãtãa kwraa.+
26 Etswiaa amɛ nii yɛ amɛnɔfɔŋfeemɔ lɛ hewɔ,Yɛ he ni mɛi fɛɛ baana,+
27 Ejaakɛ amɛje esɛɛ+Ni amɛbuuu egbɛi lɛ eko kwraa;+
28 Amɛhãa ohiafoi bolɔɔ amɛtsɛɔ lɛ,Ni enuɔ mɛi ni bɛ yelikɛbualɔ lɛ abolɔmɔi.+
29 Kɛji Nyɔŋmɔ fee diŋŋ lɛ, namɔ baanyɛ awie ashi lɛ?
Kɛji eŋɔ ehiɛ etee lɛ, namɔ baanyɛ ana lɛ?
Kɛ́ jeŋmaŋ eŋɔtee jio, gbɔmɔ eŋɔtee jio, fɛɛ lɛ, nɔ kome too lɛ nɔŋŋ ni,
30 Bɔ ni afee ni mɔ ni ebuuu Nyɔŋmɔ* lɛ akaye nɔ+Aloo ekatsɔ maŋ lɛ tsɔne.
31 Ejaakɛ ani mɔ ko baakɛɛ Nyɔŋmɔ akɛ,‘Agbala mitoi, tsɛbelɛ mifeko efɔŋ ko;+
32 Nɔ ni minaaa lɛ, tsɔɔmɔ mi;Ni kɛji mifee nɔ ko ni ejaaa lɛ, mifeŋ dɔŋŋ’?
33 Kɛji okpoo ekojomɔ lɛ, ani esa akɛ ejwere bo yɛ bɔ ni bo osusuɔ naa?
Bo diɛŋtsɛ tsɔɔmɔ, jeee mi.
No hewɔ lɛ, tsɔɔmɔ mi nɔ ni ole jogbaŋŋ lɛ.
34 Mɛi ni yɔɔ jwɛŋmɔ,*Ni ji, hiɛshikalɔ fɛɛ hiɛshikalɔ ni boɔ mi toi lɛ, baakɛɛ mi akɛ,
35 ‘Nɔ ni Hiob wieɔ lɛ, eleee,+Ni ewiemɔi lɛ, nilee* bɛ mli.’
36 Hã aka Hiob* kɛyashi naagbeeEjaakɛ hetoi ni ehãa lɛ tamɔ mɛi fɔji anɔ!
37 Ekɛ atuatsemɔ fataa ehe esha lɛ he;+Ni etswaa edɛ̃ yɛ wɔhiɛ kɛyeɔ wɔhe fɛoNi ewieɔ babaoo eshiɔ anɔkwa Nyɔŋmɔ lɛ!”+
Shishigbɛ Niŋmaa
^ Hebri sht. ŋm., “daa.”
^ Hebri sht. ŋm., “tsui.”
^ Loo “shikpɔŋ ni gbɔmɛi yɔɔ nɔ.”
^ Hebri sht. ŋm., “etsui fɔ̃.”
^ Hebri sht. ŋm., “Heloi.”
^ Hebri sht. ŋm., “mulu.”
^ Loo “ebuuu ablade fe mɔ ni bɛ yelikɛbualɔ.”
^ Loo “mɔ ni ekwa Nyɔŋmɔ.”
^ Hebri sht. ŋm., “tsui.”
^ Loo “sɛɛyoomɔ.”
^ Shishitsɔɔmɔi komɛi kɛɔ akɛ, “Mipapa, hã aka Hiob.”
