Hiob 36:1-33
36 Elihu tsa ewiemɔ lɛ nɔ akɛ:
2 “Ná tsui ohã mi fioo ni maya nɔ mawie,Ejaakɛ miyɛ wiemɔi lolo ni mawie mahã Nyɔŋmɔ.
3 Mawie nɔ ni mile lɛ he babaoo,Ni mabu mi-Feelɔ lɛ jalɔ.+
4 Anɔkwa, miwiemɔi lɛ, jeee amale wiemɔi ni;Mɔ ni eye emuu yɛ nilee gbɛfaŋ+ lɛ yɛ ohiɛ yɛ biɛ.
5 Anɔkwa, Nyɔŋmɔ je agbo,+ ni ekpooo mɔ ko mɔ ko;Eje agbo yɛ bɔ ni ejwɛŋmɔ* mli kwɔ hã lɛ gbɛfaŋ.
6 Ebaaa mɛi fɔji awala yi,+Shi eyeɔ mɛi ni naa nɔ lɛ asane ehãa amɛ.+
7 Ejieee ehiŋmɛii yɛ jalɔi anɔ;+Ehãa amɛkɛ maŋtsɛmɛi taraa maŋtsɛ sɛii anɔ,*+ ni awóɔ amɛnɔ kɛyaa naanɔ.
8 Shi kɛ́ awo amɛ gboklɛi,Ni adu amɛ yɛ amanehulu kpãi amli lɛ,
9 Ejieɔ nɔ ni amɛfee lɛ etsɔɔ amɛ,Mla ni amɛtɔ̃ yɛ amɛhe nɔ ni amɛwó lɛ hewɔ lɛ.
10 Egbeleɔ amɛtoii kɛhãa jajemɔNi ekɛɔ amɛ ní amɛje efɔŋfeemɔ he.+
11 Kɛji amɛbo toi ni amɛsɔmɔ lɛ lɛ,Amɛbaaye amɛgbii lɛ yɛ shweremɔ mli,Ni amɛfii lɛ baafee miishɛɛ nɔ.+
12 Shi kɛ́ amɛbooo toi lɛ, amɛhiɛ baakpãtã yɛ klante naa*+Ni amɛbaagboi ní amɛleee nii.
13 Mɛi ni ebuuu Nyɔŋmɔ* yɛ amɛtsui mli lɛ kɛ mlifu toɔ amɛmli.
Kɛ́ efimɔ amɛ po lɛ, amɛbolɔɔɔ ní aye abua amɛ.
14 Amɛgboiɔ* yɛ amɛblahiiaŋ,*+Ni amɛyeɔ amɛwala be lɛ* yɛ hii ni hãa hii krokomɛi kɛ amɛ náa bɔlɛ* yɛ jamɔhei lɛ ateŋ.+
15 Shi Nyɔŋmɔ jieɔ* mɛi ni naa nɔ lɛ yɛ amɛnɔnaa lɛ mli;Egbeleɔ amɛtoi kɛ́ aawa amɛ yi.
16 Ebaasha bo kɛje amanehulu naa+Kɛya he ni lɛɛ, he ni nɔ ko nɔ ko etsĩii bo gbɛ,+Ni ekɛ niyenii kpakpa baama okpɔlɔ nɔ kɛshɛje omii.+
17 Kɛkɛ lɛ, otsui baanyɔ omli yɛ mɛi fɔji lɛ akojomɔ hewɔ,+Kɛji akojo ni aye jalɛ sane lɛ.
18 Shi kwɛmɔ jogbaŋŋ ní mlifu ni naa wa akahã ofee nɔ ko gbonyo,*+Ni kaahã nyɔɔŋnii babaoo hã odu gbɛ.
19 Ani bolɔmɔ ní obolɔɔ ní aye abua boAloo omɔdɛŋbɔi lɛ eko baanyɛ abu ohe kɛje haomɔ mli?+
20 Kaashwe akɛ je ana,Be ni mɛi laajeɔ kɛjeɔ he ni amɛyɔɔ lɛ.
21 Kwɛmɔ jogbaŋŋ ní okafee efɔŋ,Ní ohala enɛ moŋ fe nɔnaa.+
22 Naa! Nyɔŋmɔ je agbo yɛ ehewalɛ lɛ mli;Mɛɛ tsɔɔlɔ yɔɔ ni tamɔ lɛ?
23 Namɔ etsɔɔ lɛ gbɛ*+Aloo ekɛɛ lɛ pɛŋ akɛ, ‘Nɔ ni ofee lɛ ejaaa’?+
24 Kaimɔ ní okãfo enitsumɔi lɛ,+Nɔ ni gbɔmɛi láa lala yɛ he lɛ.+
25 Adesai fɛɛ ena,Gbɔmɔ adesa* kwɛɔ kɛjɛɔ shɔŋŋ.
26 Hɛɛ, Nyɔŋmɔ da fe bɔ ni wɔɔnyɛ wɔle;+Wɔjwɛŋmɔ nyɛŋ ashɛ efii lɛ falɛ lɛ he.*+
27 Egbalaa nu kulibii lɛ;+Amɛtsɔɔ nugbɔ yɛ efua lɛ mli;
28 Kɛkɛ lɛ, atatui lɛ efɔse amɛ eshwie shi;+Amɛnɛɔ amɛshwieɔ gbɔmɛi adesai anɔ.
29 Ani mɔ ko baanyɛ anu bɔ ni atatui lɛ eko ta eko nɔKɛ nugbɔshiimɔ ni jɛɔ emama tsũ* lɛ mli kɛbaa lɛ shishi?+
30 Kwɛ bɔ ni ekɛ esarawai* lɛ haa+ emama tsũ lɛ nɔ,Ni ŋshɔ lɛ shishi* lɛ, ehaa nɔ.
31 Etsɔɔ enɛɛmɛi anɔ ehãa gbɔmɛi hiɔ wala mli;*Ehãa amɛ niyenii babaoo.+
32 Ekɛ eniji tsĩɔ sarawa lɛ nɔ,Ni etsɔɔ lɛ he ni egbá kɛyayi.+
33 Enugbɔshiimɔ lɛ gbaa ehe sane,Ni lɛɛ kooloi po tsɔɔ mɔ* ni baa lɛ.
Shishigbɛ Niŋmaa
^ Hebri sht. ŋm., “etsui.”
^ Shishitsɔɔmɔi komɛi kɛɔ akɛ, “Ewóɔ maŋtsɛmɛi.”
^ Loo “tawuu nii baakpãtã amɛhiɛ.”
^ Loo “Mɛi ni ekwa Nyɔŋmɔ.”
^ Loo “Amɛsusuma gboɔ.”
^ Loo “amɛblayeiaŋ.”
^ Shishitsɔɔmɔi komɛi kɛɔ akɛ, “Ni amɛwala be lɛ baa naagbee.”
^ Loo “hii ni kɛ hii krokomɛi náa bɔlɛ.”
^ Hebri sht ŋm., “Shi ejieɔ.”
^ Loo “akahã otswa odɛ̃ kɛnyaŋe mɔ ko.”
^ Shishitsɔɔmɔi komɛi kɛɔ akɛ, “Namɔ ewie eshi egbɛ lɛ?” loo “Namɔ ebi ni ebabu egbɛ lɛ he akɔntaa ehã lɛ?”
^ Loo “Gbɔmɔ ni gboɔ.”
^ Loo “Wɔnyɛŋ wɔna efii lɛ falɛ lɛ naa.”
^ Hebri sht. ŋm., “egba.”
^ Hebri sht. ŋm., “ela.”
^ Hebri sht. ŋm., “shishifãi.”
^ Shishitsɔɔmɔi komɛi kɛɔ akɛ, “eyeɔ gbɔmɛi asane ehãa amɛ.”
^ Shishitsɔɔmɔi komɛi kɛɔ akɛ, “nɔ.”
