Hosea 4:1-19
4 Ao, Israelbii, nyɛboa Yehowa wiemɔ lɛ toi,Ejaakɛ Yehowa kɛ shikpɔŋ lɛ nɔ bii lɛ yɛ sane,+Ejaakɛ anɔkwale kɛ suɔmɔ ni tsakeee kɛ Nyɔŋmɔ he nilee bɛ shikpɔŋ lɛ nɔ.+
2 Amale kitãkamɔi+ kɛ malemɔ kɛ gbɔmɔgbee+Kɛ juu kɛ gbalafitemɔ+ egbɛ eshwã,Ni lashishwiemɔ nyiɛɔ lashishwiemɔ sɛɛ.+
3 No hewɔ ni shikpɔŋ lɛ baaye awerɛho+Ni enɔ bii lɛ fɛɛ ahiɛ baakpãtã lɛ;Ŋa mli kooloi kɛ ŋwɛi loofɔji,Hɛɛ, ŋshɔŋ loi po ahiɛ baakpãtã.
4 “Shi mɔ ko kɛ mɔ ko akatswa, ni ekajaje mɔ ko hu,+Ejaakɛ omaŋbii lɛ tamɔ mɛi ni kɛ osɔfo tswaa.+
5 No hewɔ lɛ, obaatɛ ogbee shi shwane ketekete,Ni gbalɔ lɛ hu kɛ bo baatɛ agbee shi tamɔ nɔ ni je ena.
Ni mahã omami amua enaa.*
6 Abaahã mimaŋ lɛ amua enaa,* ejaakɛ amɛbɛ nilee.
Akɛni okpoo nilee hewɔ lɛ,+Mi hu makpoo bo ní okaye osɔfo ohã mi;Ni akɛni ohiɛ ekpa o-Nyɔŋmɔ lɛ mla* lɛ nɔ hewɔ lɛ,+Mi hu mihiɛ baakpa obii lɛ anɔ.
7 Babaoo ni amɛyi faa lɛ, babaoo ni amɛfeɔ esha amɛshiɔ mi ji no.+
Mahã amɛnunyam lɛ atsɔ hiɛgbele.*
8 Amɛyeɔ* mimaŋbii lɛ ahe esha lɛ he nii,Ni amɛshweɔ ní amɛtɔ̃ koni amɛná he sɛɛ.*
9 Nɔ kome too baaba maŋbii lɛ kɛ osɔfo lɛ fɛɛ nɔ;Mahã amɛbu amɛgbɛi lɛ ahe akɔntaa amɛhã mi,Ni mahã nɔ ni jɛɔ amɛnifeemɔi amli baa lɛ abua amɛyiteŋ.+
10 Amɛbaaye nii, shi amɛtɔrɔŋ.+
Amɛkɛ amɛhe baawo jeŋba sha mli,* shi amɛyi faŋ,+Ejaakɛ amɛbuuu Yehowa amɛhãaa nɔ ko.
11 Ashawofeemɔ* kɛ wain kɛ wain heeHãaa mɔ afee nɔ ni ja.*+
12 Mimaŋbii lɛ biɔ amɛtsei amagai lɛ nii,Amɛfeɔ nɔ ni amɛdɛhiɛmɔtso* lɛ kɛɔ amɛ lɛ;Ejaakɛ ashawofeemɔ* mumɔ lɛ hãa amɛduɔ gbɛ,Ni amɛshawofeemɔ* lɛ hewɔ lɛ, amɛsumɔɔɔ ni amɛbaa amɛhe shi amɛhãa amɛ-Nyɔŋmɔ lɛ.
13 Amɛshãa afɔle yɛ gɔji lɛ ayiteŋ,+Ni amɛshãa lasu afɔle yɛ gɔŋkpɔi lɛ anɔ,Yɛ ooki tsei kɛ storaks tsei kɛ tso agbo fɛɛ tso agbo shishi,+Ejaakɛ amɛhɔɔŋ lɛ hi.
No hewɔ ni nyɛbiyei lɛ feɔ ashawo*Ni nyɛbihii lɛ aŋamɛi* lɛ hu fiteɔ gbãla lɛ.
14 Migbalaŋ nyɛbiyei lɛ atoi yɛ amɛshawofeemɔ* lɛ he,Ni migbalaŋ nyɛbihii lɛ aŋamɛi* lɛ atoi yɛ amɛgbalafitemɔ lɛ he.
Ejaakɛ hii lɛ kɛ ashawoi lɛ gbáa kɛyaa he krokoNi amɛfataa jamɔhei ashawoi lɛ ahe kɛshãa afɔle;Maŋ ni tamɔ nɛkɛ ni bɛ jwɛŋmɔ+ lɛ hiɛ baakpãtã.
15 Ao, Israel, okɛ ohe miiwo ashawofeemɔ* mli,+Shi bo Yuda, kaatɔ̃ nakai tɔmɔ lɛ nɔŋŋ.+
Nyɛkabaa Gilgal+ loo Bet-aven,+Ni nyɛkakãa kitã akɛ, ‘Gbii abɔ ni Yehowa hiɛ kã nɛɛ!’+
16 Ejaakɛ Israel kuɛŋ ti,+ tamɔ tsinayoo ni kuɛŋ ti.
Ani Yehowa baakwɛ amɛ agbɛnɛ tamɔ akwɛɔ gwantɛŋnuu yɛ shikpɔŋ ni kooloi yeɔ nii yɛ nɔ, ni kã shi shwaŋŋ nɔ lɛ?*
17 Efraim kɛ ehe eyabɔ amagai ahe.+
Nyɛshia lɛ!
18 Kɛ́ amɛbiɛr* lɛ tã lɛ,Amɛkɛ amɛhe woɔ jeŋba sha mli.*
Ni enɔyelɔi* lɛ sumɔɔ hiɛgbele waa.+
19 Kɔɔyɔɔ lɛ baakota lɛ ewo efijiaŋ,*Ni amɛhiɛ baagboi yɛ amɛfɔleshai lɛ ahewɔ.”
Shishigbɛ Niŋmaa
^ Loo “makpãtã omami hiɛ.”
^ Loo “Abaakpãtã mimaŋ lɛ hiɛ.”
^ Loo “gbɛtsɔɔmɔ.”
^ Shishitsɔɔmɔi komɛi kɛɔ akɛ, “Amɛkɛ minunyam lɛ etsake hiɛgbele.”
^ Ni ji, osɔfoi lɛ.
^ Loo “amɛwóɔ amɛsusuma nɔ amɛhãa amɛtɔmɔ lɛ.” Kwɛmɔ Wiemɔi Titrii Amligbalamɔ lɛ, “Susuma.”
^ Loo “Amɛjeŋba baakpɔtɔ; Amɛkɛ amɛhe baawo ashawofeemɔ mli.”
^ Hebri sht. ŋm., “Ŋɔɔ mɔ tsui kɛyaa.”
^ Loo “Jeŋba sha; Jeŋba ni ekpɔtɔ.”
^ Loo “amɛklamɔfoi atso.”
^ Loo “jeŋba sha; jeŋba ni ekpɔtɔ.”
^ Loo “amɛjeŋba sha; amɛjeŋba ni ekpɔtɔ.”
^ Loo “nyɛbiyei lɛ kɛ amɛhe woɔ jeŋba sha mli; nyɛbiyei lɛ ajeŋba ekpɔtɔ.”
^ Loo “nyɛshaayeimɛi.”
^ Loo “amɛjeŋba sha; amɛjeŋba ni ekpɔtɔ.”
^ Loo “nyɛshaayeimɛi.”
^ Loo “jeŋba sha; jeŋba ni ekpɔtɔ.”
^ Hebri sht. ŋm., “tamɔ akwɛɔ gwantɛŋ oblanyo yɛ he ko ni lɛɛ lɛ?”
^ Loo “amɛwiiti biɛr.”
^ Loo “Amɛjeŋba kpɔtɔɔ; Amɛkɛ amɛhe woɔ ashawofeemɔ mli.”
^ Hebri sht. ŋm., “etsɛŋi.”
^ Loo “Kɔɔyɔɔ lɛ kɛ efiji baabɛɛ lɛ kɛya.”
