Hosea 5:1-15
-
Abaakojo Efraim kɛ Yuda (1-15)
5 “Nyɛ osɔfoi,+ nyɛboa enɛ toi,Israel shĩa, nyɛfea toi,Maŋtsɛ shĩa, nyɛboa toi,Ejaakɛ kojomɔ lɛ kɔɔ nyɛhe;Ejaakɛ nyɛfee nyɛhe akpa ni atsɔ nyɛhã Mizpa,Kɛ yaa ni akɛlɛɛ shi yɛ Tabor+ nɔ.
2 Ni mɛi ni egbá afã* lɛ kɛ amɛhe ewo gbɔmɔgbee* mli vii,Ni miibɔ amɛ fɛɛ kɔkɔ.*
3 Mile Efraim,Ni akɛ Israel hu eteko mi.
Ejaakɛ, agbɛnɛ Efraim, okɛ ohe ewo jeŋba sha mli;*Israel ebule ehe.+
4 Amɛnifeemɔi lɛ hãaa amɛnyɛ amɛku amɛsɛɛ kɛba amɛ-Nyɔŋmɔ lɛ ŋɔɔ,Ejaakɛ ashawofeemɔ* mumɔ yɛ amɛmli;+Ni amɛbuuu Yehowa akɛ amɛ-Nyɔŋmɔ.
5 Shwã ni Israel shwãa lɛ yeɔ odase eshiɔ lɛ diɛŋtsɛ;*+Israel kɛ Efraim fɛɛ egbeegbee shi yɛ amɛtɔmɔ lɛ mli,Ni Yuda kɛ amɛ egbee shi.+
6 Amɛkɛ amɛtoi kɛ amɛtsinai lɛ tee koni amɛyatao Yehowa,Shi amɛnaaa lɛ.
Egbala ehe shi kɛje amɛŋɔɔ.+
7 Amɛkwa Yehowa,+Ejaakɛ amɛfɔ maŋsɛɛ bii.
Agbɛnɛ, nyɔɔŋ* kome baami amɛ* kɛ amɛgbɛfaŋ nii* lɛ fɛɛ.
8 Nyɛkpãa akolonto+ yɛ Gibea, nyɛkpãa tɛtɛrɛmantɛrɛ yɛ Rama!+
Nyɛbɔa ta oshe yɛ Bet-aven+—kɛnyiɛ osɛɛ, Benyamin!
9 Ao Efraim, obaatsɔ nɔ ko ni hãa mɔ naa kpɛɔ ehe yɛ toigbalamɔ gbi lɛ nɔ.+
Mihã ale nɔ ni baaba kɛ̃ yɛ Israel wekui lɛ amli.
10 Yuda lumɛi lɛ tamɔ mɛi ni tsiɔ husu kɛyaa sɛɛ.+
Mafɔse mimlifu lɛ mashwie amɛnɔ tamɔ nu.
11 Awa Efraim yi, kojomɔ ni akojo lɛ lɛ ehã ekumɔ,Ejaakɛ ekpɛ mli akɛ ebaanyiɛ ehenyɛlɔ lɛ sɛɛ.+
12 No hewɔ lɛ, mitsɔ tamɔ abɛi* mihã EfraimKɛ nii ní ekpɔtɔ mihã Yuda shĩa lɛ.
13 Be ni Efraim na ehela lɛ, ní Yuda hu na efala lɛ,Efraim tee Asiria,+ ni etsu kɛtee maŋtsɛ wulu ko ŋɔɔ.
Shi enyɛɛɛ etsa bo,Ni enyɛɛɛ ehã ofala lɛ agbo.
14 Matsɔ tamɔ jata* mawo Efraim,Kɛ jata ni he wa* mawo Yuda shĩa lɛ.
Mi diɛŋtsɛ matserɛ amɛmli dukuduku, ni maya;+Mawó amɛ kɛya, ni mɔ ko mɔ ko ejieŋ amɛ.+
15 Maya, ni maku misɛɛ kɛya he ni miyɔɔ lɛ kɛyashi amɛbaatere amɛtɔmɔi lɛ ahe sɔ̃ lɛ,Kɛkɛ lɛ, amɛbaatao mihiɛ dromɔ.*+
Kɛ́ amɛyaje haomɔ mli lɛ, amɛbaatao mi.”+
Shishigbɛ Niŋmaa
^ Loo “Ni atuatselɔi.”
^ Loo “kooloogbee.”
^ Loo “Ni matsɔse amɛ fɛɛ.”
^ Loo “ojeŋba ekpɔtɔ; okɛ ohe ewo ashawofeemɔ mli.”
^ Loo “jeŋba sha; jeŋba ni ekpɔtɔ.”
^ Hebri sht. ŋm., “yeɔ odase yɛ ehiɛ.”
^ Shishitsɔɔmɔi komɛi kɛɔ akɛ, “Yɛ nyɔɔŋ kome mli lɛ, abaami amɛ.”
^ Loo “amɛshikpɔji.”
^ Ni ji, afi mli nyɔji lɛ ateŋ ekome.
^ Ni ji, abɛi henɔ ko ni fiteɔ mama.
^ Loo “jata oblanyo.”
^ Loo “jatanuu kɛ ekuɛ he tsɔi.”
^ Hebri sht. ŋm., “amɛbaatao mihiɛ.”
