Hosea 8:1-14
8 “Okɛ tɛtɛrɛmantɛrɛ* ama onaa!+
Mɔ ko miiba Yehowa shĩa lɛ nɔ tamɔ okropɔŋ,+Ejaakɛ amɛku mikpaŋmɔ lɛ mli,+ ni amɛtɔ̃ mimla lɛ nɔ.+
2 Amɛbolɔɔ amɛtsɛɔ mi akɛ, ‘Mi-Nyɔŋmɔ, wɔ, Israel lɛ, wɔle bo!’+
3 Israel ekpoo nɔ kpakpa.+
Hã henyɛlɔ ko atiu lɛ.
4 Amɛhole maŋtsɛmɛi, shi jeee mi minɔ amɛtsɔ.
Amɛhole lumɛi, shi mileee amɛ.
Amɛkɛ amɛjwiɛtɛi kɛ amɛshika tsuru lɛ efee amagai,+Koni amɛkɛkpãtã amɛ diɛŋtsɛ amɛhiɛ.+
5 Samaria, akpoo otsinabi lɛ.+
Mimli ewo la ewo amɛ.+
Amɛnyɛɛɛ amɛhi shi akɛ mɛi ni sane ko bɛ amɛhe;* mɛɛ beyinɔ nɔŋŋ amɛaafee nakai kɛyashi?
6 Ejaakɛ enɛ jɛ Israel ŋɔɔ.
Ŋaalɔ ji mɔ ni fee, ni jeee Nyɔŋmɔ ni;Abaakumɔ Samaria tsinabi lɛ dukuduku.
7 Ejaakɛ kɔɔyɔɔ amɛduɔ lɛ,Ni amɛbaakpa ahum.+
Tso ko wooo ŋmaa* ni esa;*+Nɔ fɛɛ nɔ ni kwɛ̃ɔ lɛ hãaa aná ashikishaŋ.
Kɛ́ aná eko po lɛ, maŋsɛɛbii* baami.+
8 Abaami Israel.+
Agbɛnɛ, amɛbaahi jeŋmaji lɛ ateŋ,+Tamɔ tsɛnsi* ko ní asumɔɔɔ.
9 Ejaakɛ amɛkwɔ kɛtee Asiria,+ tamɔ ŋa mli teji ko ni ekome too etse ehe.
Efraim ebɔ suɔlɔi apaa.+
10 Amɛbɔɔ amɛ apaa kɛjɛɔ jeŋmaji lɛ ateŋ moŋ,Shi agbɛnɛ, mabua amɛnaa;Amɛbaana nɔ+ yɛ jatsu ni maŋtsɛ kɛ lumɛi kɛfɔ̃ amɛnɔ lɛ hewɔ.
11 Ejaakɛ Efraim emamɔ afɔleshaa latɛi babaoo koni efee esha.+
Amɛtsɔmɔ efɔleshaa latɛi ní ekɛfeɔ esha.+
12 Miŋmala nibii pii ni yɔɔ mimla* lɛ mli lɛ mihã lɛ,Shi ebu nibii nɛɛ tamɔ mɛikpɔji anɔ ko.+
13 Amɛkɛ nikeenii bahãa mi akɛ afɔlei, ni amɛyeɔ loo lɛ,Shi Yehowa nyaaa he.+
Agbɛnɛ, ebaakai amɛtɔmɔ lɛ, ni ebaagbala amɛtoi yɛ amɛhe eshai lɛ ahewɔ.+
Amɛku amɛsɛɛ kɛtee* Ejipt.+
14 Israel hiɛ ekpa e-Feelɔ lɛ nɔ,+ ni emamɔ jamɔhei,+Ni Yuda hu emamɔ maji babaoo ni atswa gbogboi awo amɛhe.+
Shi matsu la kɛya emaji lɛ amli,Ni ebaashã mɔji ni yɔɔ eko fɛɛ eko mli lɛ.”+
Shishigbɛ Niŋmaa
^ Hebri sht. ŋm., “akolonto.”
^ Loo “mɛi ni he tse.”
^ Loo “mɛikpɔji.”
^ Loo “ŋmaa ni ma shi.”
^ Ŋmaa ní awieɔ he yɛ biɛ lɛ ji wiiti, abele, omɔ, kɛ amɛhenɔi lɛ eko.
^ Loo “gbɛ́.”
^ Loo “migbɛtsɔɔmɔ.”
^ Shishitsɔɔmɔi komɛi kɛɔ akɛ, “Amɛbaaku amɛsɛɛ kɛya.”
