Lalai 106:1-48
106 Nyɛjiea Yah yi!*
Nyɛdaa Yehowa shi, ejaakɛ ehi;*+Esuɔmɔ ni tsakeee lɛ hiɔ shi kɛyaa naanɔ.+
2 Namɔ baanyɛ agba Yehowa hewalɛ nitsumɔi lɛ fɛɛ kɛmɔ shiNi ehã anu enifeemɔi fɛɛ ni sa yijiemɔ lɛ?+
3 Mɛi ni yeɔ jalɛ sane,Ni amɛfeɔ nɔ ni ja be fɛɛ be lɛ yɛ miishɛɛ.+
4 Ao Yehowa, kɛ́ odro omaŋbii lɛ, kaimɔ mi.+
Okɛ oyiwalaheremɔ nitsumɔi lɛ akwɛ minɔ,
5 Koni maná ekpakpa ni ofeɔ mɛi ni ohala lɛ mli gbɛfaŋnɔ,+Koni mafata omaŋ lɛ he kɛnya,Koni mafata ogboshinii lɛ he ni wɔjie oyi kɛ miishɛɛ.*
6 Wɔfee esha tamɔ wɔtsɛmɛi lɛ nɔŋŋ;+Wɔtɔ̃; wɔfee efɔŋ.+
7 Wɔtsɛmɛi ni hi Ejipt lɛ ahiɛ esɔɔɔ onaakpɛɛ nitsumɔi lɛ.*
Amɛkaiii osuɔmɔ ni tsakeee ni fa babaoo lɛ,Shi moŋ amɛtse atua yɛ ŋshɔ lɛ naa, yɛ Ŋshɔ Tsuru lɛ naa.+
8 Shi ehere amɛyiwala yɛ egbɛ́i lɛ hewɔ,+Koni ehã ale ehewalɛ lɛ.+
9 Ekã Ŋshɔ Tsuru lɛ hiɛ, ni egbi;Enyiɛ amɛhiɛ kɛtsɔ ŋshɔ lɛ shishi, tamɔ nɔ ni amɛnyiɛ ŋa kpataa nɔ;*+
10 Ehere amɛyiwala kɛje amɛhenyɛlɔ lɛ dɛŋ,+Ni ekpɔ̃ amɛ kɛje mɔ ni nyɛɔ amɛ lɛ dɛŋ.+
11 Nui lɛ ha amɛhenyɛlɔi lɛ anɔ;Amɛteŋ mɔ kome folo po ejeee mli.*+
12 Kɛkɛ ni amɛhe eshiwoo lɛ amɛye;+Ni amɛlá amɛjie eyi.+
13 Shi etsɛɛɛ ni amɛhiɛ kpa nɔ ni efee lɛ nɔ;+Amɛmɛɛɛ eŋaawoo lɛ.
14 Amɛfó amɛ pɛ amɛnɔ mli ni amɛdi nibii ni amɛshweɔ lɛ asɛɛ yɛ ŋa lɛ nɔ;+Amɛka Nyɔŋmɔ yɛ ŋa kpataa lɛ nɔ.+
15 Ehã amɛ nɔ ni amɛtaoɔ lɛ,Shi ekɛ hela ni hã amɛtãra loo* tswa amɛ.+
16 Amɛye Mose he awuŋa yɛ nsara lɛ mli,Ni amɛye Aaron,+ Yehowa mɔ krɔŋkrɔŋ lɛ hu he awuŋa.+
17 Kɛkɛ ni shikpɔŋ lɛ gbele enaa ni emi DatanNi eha mɛi ni kɛ Abiram ebua amɛhe naa lɛ anɔ.+
18 Ni la je yɛ amɛkuu lɛ mli;Lalilɛi shã mɛi fɔji lɛ.+
19 Amɛfee tsinabi amaga yɛ Horeb,Ni amɛkoto dade amaga;+
20 Amɛkɛ tsinanuu ni kpeɔ jwɛi lɛ he amagaTsake minunyam lɛ.+
21 Amɛhiɛ kpa Nyɔŋmɔ,+ amɛ-Yiwalaherelɔ lɛ,Mɔ ni fee nibii wuji yɛ Ejipt+ lɛ nɔ,
22 Mɔ ni tsu naakpɛɛ nitsumɔi yɛ Ham shikpɔŋ lɛ nɔ lɛ,+Mɔ ni fee nibii ni yɔɔ gbeyei yɛ Ŋshɔ Tsuru lɛ naa lɛ.+
23 Kulɛ eyaafã ni akpãtã amɛhiɛ,Shi Mose, mɔ ni ehala lɛ, damɔ mli ehã amɛ yɛ ehiɛ*Koni egbala emlifu ni kpãtãa nii ahiɛ lɛ sɛɛ.+
24 Kɛkɛ ni amɛnyaŋe shikpɔŋ fɛfɛo lɛ;+Amɛheee eshiwoo lɛ amɛyeee.+
25 Amɛtee nɔ amɛtɔke* yɛ amɛmama tsũi lɛ amli;+Amɛbooo Yehowa gbee toi.+
26 No hewɔ lɛ, ewó enine nɔ ni ekã kitã yɛ amɛhewɔAkɛ ebaahã amɛnyɔnyɔi yɛ ŋa lɛ nɔ;+
27 Ebaahã amɛseshibii lɛ anyɔnyɔi yɛ jeŋmaji lɛ amli,Ni ebaagbɛ amɛ eshwã shikpɔji lɛ fɛɛ anɔ.+
28 Kɛkɛ ni amɛyafata he kɛjá* Baal ni yɔɔ Peor lɛ,+Ni amɛye afɔlei ni akɛhã gbohii lɛ.*
29 Amɛkɛ amɛnifeemɔi lɛ wo emli la,+Ni gbele hela te shi yɛ amɛteŋ.+
30 Shi be ni Finehas te shi edamɔ shi ni etsu sane lɛ he nii lɛ,Gbele hela lɛ sɛɛ fo.+
31 Ni abu enɛ jalɛ ahã lɛYɛ yinɔi fɛɛ amli kɛmiiya naanɔ.+
32 Amɛwo emli* la yɛ Meriba* nui lɛ ahe,Ni Mose ná sane yɛ amɛhewɔ.+
33 Amɛhã emli fu,*Ni eyawieee jogbaŋŋ.+
34 Amɛkpãtãaa majimaji lɛ ahiɛ,+Tamɔ bɔ ni Yehowa efã amɛ lɛ.+
35 Shi amɛkɛ amɛhe futu jeŋmaji lɛ,+Ni amɛkɔ* amɛgbɛi lɛ.+
36 Amɛtee nɔ amɛjá amɛmagai lɛ,+Ni amagai lɛ tsɔ tsɔne ehã amɛ.+
37 Amɛkɛ amɛbihii kɛ amɛbiyeiShã afɔlei amɛhã daimonioi.+
38 Amɛtee nɔ amɛshwie mɛi ni efeko nɔ ko lɛ alá shi,+Amɛ diɛŋtsɛ amɛbihii kɛ amɛbiyei aláAmɛkɛshã afɔle amɛhã Kanaan amagai lɛ;+Ni amɛkɛ lashishwiemɔ bule shikpɔŋ lɛ.
39 Amɛkɛ amɛnitsumɔi lɛ wo amɛhe muji;Amɛnifeemɔi lɛ hã amɛje Nyɔŋmɔ sɛɛ.*+
40 No hewɔ lɛ, Yehowa mli wo la ewo emaŋ lɛ,Ni enyaŋe lɛ diɛŋtsɛ egboshinii lɛ.
41 Ekɛ amɛ wo jeŋmaji lɛ adɛŋ shii abɔ,+Koni mɛi ni nyɛɔ amɛ lɛ aye amɛnɔ.+
42 Amɛhenyɛlɔi lɛ wa amɛ yi,Ni aba amɛ shi awo amɛhewalɛ* shishi.
43 Ejie amɛ shii abɔ,+Shi amɛtseɔ atua, ni amɛgboɔ toi,+Ni abaa amɛ shi yɛ amɛtɔmɔ lɛ hewɔ.+
44 Shi enaa amɛhaomɔ lɛ,+Ni eboɔ bo ni amɛboɔ kɛhã yelikɛbuamɔ lɛ toi.+
45 Amɛhewɔ lɛ, ekaiɔ ekpaŋmɔ lɛ,Ni esuɔmɔ ni tsakeee ni fa babaoo lɛ hãa amɛnii feɔ lɛ mɔbɔ.*+
46 Ehãa amɛnii feɔMɛi fɛɛ ni ŋɔɔ amɛ nom lɛ mɔbɔ.+
47 Ao Yehowa, wɔ-Nyɔŋmɔ, heremɔ wɔyiwala,+Ni obua wɔnaa kɛje jeŋmaji lɛ amli+Koni wɔda ogbɛ́i krɔŋkrɔŋ lɛ shi,Ni wɔkɛ miishɛɛ ajie oyi.*+
48 Ajie Yehowa, Israel Nyɔŋmɔ lɛ yi,Kɛya naanɔi anaanɔ.
Ni maŋbii lɛ fɛɛ akɛɛ akɛ, “Amen!”*+
Nyɛjiea Yah yi!*
Shishigbɛ Niŋmaa
^ Loo “ejaakɛ mɔ kpakpa ni.”
^ Loo “Haleluya!” “Yah” ji gbɛ́i Yehowa lɛ ní afo lɛ kuku.
^ Loo “ni wɔshwã wɔfɔ̃ onɔ.”
^ Loo “nuuu nɔ ni onaakpɛɛ nitsumɔi lɛ tsɔɔ lɛ shishi.”
^ Loo “ŋa nɔ.”
^ Loo “eshwɛɛɛ.”
^ Loo “amɛsusumai tãra loo.”
^ Hebri sht. ŋm., “badamɔ fɔlɔ ni yɔɔ ehiɛ lɛ naa.”
^ Loo “amɛgbigbili amɛmli.”
^ Loo “amɛkɛ amɛhe yakpɛtɛ.”
^ Ni tsɔɔ akɛ, afɔlei ni akɛhã mɛi ni egboi lɛ loo nyɔŋmɔi ni wala bɛ amɛmli lɛ.
^ Eshishi ji, “Naataamɔ.”
^ Ni ji, Yehowa.
^ Hebri sht. ŋm., “Amɛhã emumɔ joo.”
^ Loo “amɛkase.”
^ Loo “Amɛnifeemɔi lɛ hã amɛbɔ ajwamaŋ.”
^ Hebri sht. ŋm., “amɛnine.”
^ Loo “hãa eshwaa ehe.”
^ Loo “wɔnya yɛ oyijiemɔ lɛ mli.”
^ Loo “Aba mli nakai!”
^ Loo “Haleluya!” “Yah” ji gbɛ́i Yehowa lɛ ní afo lɛ kuku.
