Lalai 107:1-43
107 Nyɛdaa Yehowa shi, ejaakɛ ehi;*+Esuɔmɔ ni tsakeee lɛ hiɔ shi kɛyaa naanɔ.+
2 Mɛi ni Yehowa ekpɔ̃ amɛ* lɛ akɛɛ nakai,Mɛi ni ekpɔ̃ kɛje henyɛlɔ lɛ dɛŋ* lɛ,+
3 Mɛi ni ebua amɛnaa kɛjɛ shikpɔji lɛ anɔ lɛ,+Kɛjɛ bokã kɛ anai,*Kɛjɛ kooyi kɛ wuoyi.+
4 Amɛtsomlo yɛ ŋa lɛ nɔ, yɛ ŋa kpataa lɛ nɔ;Amɛnaaa gbɛ ko ni kɛ amɛ baaya maŋ ko ni amɛbaanyɛ amɛyahi nɔ lɛ nɔ.
5 Hɔmɔ kɛ kumai ye amɛ;Tɔlɛ sɔŋŋ hã amɛgbede.*
6 Amɛtee nɔ amɛbo amɛtsɛ Yehowa yɛ amɛhaomɔ lɛ mli;+Ejie amɛ kɛje amɛpiŋmɔ lɛ mli.+
7 Ehã amɛnyiɛ gbɛ ni ja lɛ nɔ+Koni amɛba maŋ ni amɛbaanyɛ amɛhi nɔ lɛ nɔ.+
8 Ada Yehowa shi+ yɛ esuɔmɔ ni tsakeee lɛ hewɔKɛ naakpɛɛ nitsumɔi ni etsuɔ ehãa gbɔmɛi abii lɛ hewɔ.+
9 Ejaakɛ ehã mɔ ni kumai yeɔ lɛ lɛ nu*Ni ehã mɔ ni hɔmɔ yeɔ lɛ* lɛ etɔ kɛ nibii kpakpai.+
10 No mli lɛ, mɛi komɛi yɛ duŋ kpii mli,Gboklɛfoi ni miina nɔ, ni awo amɛ dadei.
11 Ejaakɛ amɛtse Nyɔŋmɔ wiemɔ lɛ hiɛ atua;Amɛbuuu Mɔ Ni Nɔ Kwɔ Fe Fɛɛ lɛ ŋaawoo lɛ.+
12 No hewɔ lɛ, ekɛ jaramɔ shihilɛ ba amɛnɔ, ni ekɛba amɛtsuii ashi;+Amɛtɛrɛ, ni amɛnáaa mɔ ko ni baaye abua amɛ.
13 Amɛbo amɛtsɛ Yehowa koni eye ebua amɛ yɛ amɛhaomɔ lɛ mli;Ehere amɛ kɛje amɛpiŋmɔ lɛ mli.
14 Ejie amɛ kɛje duŋ kpii lɛ mli,Ni etserɛ amɛgboklɛi lɛ kɛje amɛhe.+
15 Ada Yehowa shi yɛ esuɔmɔ ni tsakeee lɛ hewɔ+Kɛ naakpɛɛ nitsumɔi ni etsuɔ ehãa gbɔmɛi abii lɛ hewɔ.
16 Ejaakɛ ekumɔ akɔɔble shinai lɛNi efolɔ dade adabaŋi* lɛ amli.+
17 Amɛfee buulu ni amɛna nɔ+Yɛ amɛhe eshai kɛ amɛtɔmɔi lɛ ahewɔ.+
18 Niyenii ko niyenii ko baaa amɛtsine;*Amɛbɛŋkɛ gbele agbói lɛ anaa.
19 Amɛboɔ amɛtsɛɔ Yehowa koni eye ebua amɛ yɛ amɛhaomɔ lɛ mli;Ehereɔ amɛ kɛjeɔ amɛpiŋmɔ lɛ mli.
20 Etsuɔ ewiemɔ lɛ kɛbaa ni etsaa amɛ,+Ni ejieɔ amɛ kɛjeɔ bui ni amɛka mli lɛ amli.
21 Ada Yehowa shi yɛ esuɔmɔ ni tsakeee lɛ hewɔ,Kɛ naakpɛɛ nitsumɔi ni etsuɔ ehãa gbɔmɛi abii lɛ hewɔ.
22 Amɛkɛ shidaa afɔlei aba,+Ni amɛnya kɛjaje enitsumɔi lɛ.
23 Mɛi ni kɛ meelei fãa gbɛ kɛnyiɛɔ ŋshɔ hiɛ,Mɛi ni yeɔ jara yɛ nui babaoo lɛ ahiɛ lɛ,+
24 Amɛna Yehowa nitsumɔi lɛKɛ enaakpɛɛ nitsumɔi lɛ yɛ ŋshɔ lɛ mli;+
25 Bɔ ni yɛ ewiemɔ naa lɛ, kɔɔyɔɔ ni naa wa tswaa,+Ni eholeɔ ŋshɔkei lɛ anɔ lɛ.
26 Amɛholeɔ amɛhe nɔ kɛyaa ŋwɛi;Amɛkpelekeɔ shi kɛboteɔ ŋshɔ lɛ mli.
Amɛtsui fãa* yɛ amanehulu ni baa lɛ hewɔ.
27 Amɛkpaa ni amɛdidãa tamɔ dãatɔlɔ,Ni ŋaa fɛɛ ni amɛle lɛ feɔ efolo.+
28 Amɛboɔ amɛtsɛɔ Yehowa yɛ amɛhaomɔ lɛ mli;+Ni ejieɔ amɛ kɛjeɔ amɛpiŋmɔ lɛ mli.
29 Ejɔɔ kɔɔyɔɔ ni tswaa lɛ he;Ŋshɔkei lɛ ŋmɛɔ dɛmm.+
30 Amɛnyaa kɛ́ amɛŋmɛ dɛmmNi enyiɛ amɛhiɛ kɛtee lɛjiadaamɔhe ni amɛtaoɔ amɛyakpeleke yɛ lɛ.
31 Ada Yehowa shi yɛ esuɔmɔ ni tsakeee lɛ hewɔKɛ naakpɛɛ nitsumɔi ni etsuɔ ehãa gbɔmɛi abii lɛ hewɔ.+
32 Amɛwó enɔ gojoo yɛ maŋ lɛ asafo lɛ mli,+Ni amɛjie eyi yɛ onukpai akpee* lɛ mli.
33 Ehãa fai tsɔɔ ŋa kpataa,Ni ehãa hei ni nuhiŋmɛii baa yɛ lɛ tsɔɔ shikpɔŋ gbiŋ,+
34 Ehãa shikpɔŋ ni baa nii pii lɛ tsɔɔ ŋoo shikpɔŋ ni akɛfeee nɔ ko,+Yɛ mɛi ni yɔɔ nɔ lɛ anɔfɔŋfeemɔ lɛ hewɔ.
35 Ehãa ŋa kpataa tsɔɔ kpaakpo,Ni ehãa nuhiŋmɛii tueɔ yɛ shikpɔŋ gbiŋ nɔ.+
36 Ehãa mɛi ni hɔmɔ yeɔ amɛ lɛ hiɔ jɛmɛ,+Koni amɛto maŋ ni amɛbaanyɛ amɛhi mli.+
37 Amɛfeɔ ŋmɔji, ni amɛfeɔ wain ŋmɔji+Ni woɔ yibii babaoo.+
38 Ejɔɔ amɛ ni amɛyi faa babaoo;Ehãaa amɛtsinai lɛ anɔ agbɔ.+
39 Shi amɛnɔ gbɔɔ ekoŋŋ, ni abaa amɛ shiYɛ yiwaa, kɛ amanehulu, kɛ awerɛho hewɔ.
40 Efɔseɔ heguɔgbee eshwieɔ abladei anɔNi ehãa amɛtsomloɔ yɛ shikpɔji ni akɛfeee nɔ ko ni tsɔmɔhei bɛ nɔ lɛ anɔ.+
41 Shi ebuɔ ohiafoi ahe* kɛjeɔ yiwaa mli,+Ni ehãa amɛwekui faa tamɔ tooku.
42 Mɛi ni ja lɛ naa enɛ ni amɛnyaa;+Shi mɛi ni ejaaa lɛ fɛɛ buɔ amɛnaa.+
43 Mɔ fɛɛ mɔ ni hiɛ kã shi lɛ naa enɛɛmɛi+Ni ejwɛŋɔ nibii ni Yehowa efee kɛjie suɔmɔ ni tsakeee kpo lɛ anɔ jogbaŋŋ.+
Shishigbɛ Niŋmaa
^ Loo “ejaakɛ mɔ kpakpa ni.”
^ Loo “ehé amɛ ekoŋŋ.”
^ Loo “hewalɛ shishi.”
^ Loo “Kɛjɛ hulushiteehe kɛ hulushinyɔɔhe.”
^ Loo “amɛsusuma gbede.”
^ Loo “susuma ni egbi lɛ nu.”
^ Loo “susuma ni hɔmɔ yeɔ lɛ.”
^ Adabaŋ ji dade loo tso ni akɛbeleɔ shinaa loo agbó sɛɛ kɛlaa sɛɛ.
^ Loo “Amɛsusuma nyaŋe niyenii fɛɛ niyenii.”
^ Loo “Amɛsusuma sereɔ.”
^ Hebri sht. ŋm., “ashitaramɔ.”
^ Loo “ewóɔ ohiafoi anɔ,” ni tsɔɔ akɛ ehãaa nine ashɛ amɛnɔ.
