Lalai 149:1-9
149 Nyɛjiea Yah yi!*
Nyɛláa lala hee nyɛhãa Yehowa;+Nyɛjiea eyi yɛ anɔkwafoi lɛ asafo lɛ mli.+
2 Israel mii ashɛ ehe yɛ e-Feelɔ Kpele+ lɛ hewɔ;Zionbii lɛ anya yɛ amɛ-Maŋtsɛ lɛ hewɔ.
3 Amɛjie egbɛ́i lɛ yi kɛ joo,+Ni amɛlá kɛjie* eyi kɛ akashaa kɛ saŋku.+
4 Ejaakɛ Yehowa yɛ emaŋ lɛ he miishɛɛ.+
Ekɛ yiwalaheremɔ wulaa mɛi ni he jɔ* lɛ.+
5 Anɔkwafoi lɛ anya yɛ anunyam mli;Amɛlá nyamɔ lala yɛ amɛsai anɔ.+
6 Nyɔŋmɔ yijiemɔ lalai lɛ akã amɛnaa,Ni klante ni hiɛ kɛ sɛɛ fɛɛ naa ba ahi amɛdɛŋ,
7 Koni amɛtɔ jeŋmaji lɛ anɔ owele,Ni amɛgbala majimaji lɛ atoi,
8 Koni amɛwo amɛmaŋtsɛmɛi lɛ kɔsɔŋkɔsɔiKɛ amɛbladei lɛ hu dade gboklɛi,
9 Koni amɛkɛ toigbalamɔ* ni aŋma ashi amɛ lɛ aba amɛnɔ.+
Anunyam nɛɛ, enɔkwafoi lɛ fɛɛ anɔ ni.
Nyɛjiea Yah yi!*
Shishigbɛ Niŋmaa
^ Loo “Haleluya!” “Yah” ji gbɛ́i Yehowa lɛ ní afo lɛ kuku.
^ Loo “amɛtswa lala kɛjie.”
^ Loo “mɛi ni baa amɛhe shi.”
^ Loo “kojomɔ.”
^ Loo “Haleluya!” “Yah” ji gbɛ́i Yehowa lɛ ní afo lɛ kuku.
