Lalai 24:1-10
-
Anunyam Maŋtsɛ lɛ bote agbói lɛ amli
-
‘Shikpɔŋ lɛ, Yehowa nɔ ni’ (1)
-
Lala ni afo. David nɔ.
24 Shikpɔŋ lɛ kɛ nɔ fɛɛ nɔ ni yɔɔ nɔ lɛ, Yehowa nɔ ni,+Shikpɔŋ lɛ kɛ mɛi ni yɔɔ nɔ lɛ fɛɛ.
2 Ejaakɛ eto shikpɔŋ lɛ shishi ema ŋshɔi lɛ anɔ,+Ni ekɛma shi shiŋŋ yɛ fai lɛ anɔ.
3 Namɔ baanyɛ akwɔ kɛya Yehowa gɔŋ lɛ nɔ,+Ni namɔ baanyɛ ayadamɔ ehe krɔŋkrɔŋ lɛ?
4 Mɔ fɛɛ mɔ ni niji ahe tse ni etsui hu mli tse,+Mɔ ni kɛ Miwala* kãko amale kitã,Ni ekãko lakamɔ kitã.+
5 Ebaaná Yehowa dɛŋ jɔɔmɔi+Kɛ jalɛ* hu kɛjɛ eyiwalaheremɔ Nyɔŋmɔ lɛ ŋɔɔ.+
6 Mɛnɛɛmɛi ji yinɔ ni taoɔ lɛ lɛ,Mɛi ni taoɔ ohiɛ dromɔ lɛ, Ao Yakob Nyɔŋmɔ. (Sela)
7 Nyɛ agbói,+ nyɛholea nyɛyitsei anɔ;Nyɛ blema shinai, nyɛgbelea,*Koni anunyam Maŋtsɛ lɛ abote mli!+
8 Namɔ ji anunyam Maŋtsɛ nɛɛ?
Lɛ ji Yehowa, hewalɔ kɛ kãkãlɔ lɛ,+Lɛ ji Yehowa, ta mli kãkãlɔ lɛ.+
9 Nyɛ agbói,+ nyɛholea nyɛyitsei anɔ;Nyɛ blema shinai, nyɛgbelea,Koni anunyam Maŋtsɛ lɛ abote mli!
10 Namɔ ji nɛkɛ anunyam Maŋtsɛ nɛɛ?
Yehowa, taiatsɛ lɛ—lɛ ji anunyam Maŋtsɛ lɛ.+ (Sela)
Shishigbɛ Niŋmaa
^ Loo “Misusuma,” ekɔɔ Yehowa wala ni mɔ ko kɛkãa kitã he.
^ Loo “jalɛ sane.”
^ Loo “nyɛtea shi.”
