Lalai 25:1-22
David nɔ.
א [Alef]
25 Ao Yehowa, bo mitsɔɔ mihiɛ mihãa.*
ב [Bet]
2 Mi-Nyɔŋmɔ, bo onɔ mikɛ mihiɛ efɔ̃;+Kaahã mihiɛ shwie shi.+
Kaahã mihenyɛlɔi lɛ ŋmɔ mi.+
ג [Gimel]
3 Lɛɛlɛŋ, ohãaa mɛi ni hiɛ kã onɔ lɛ ateŋ mɔ ko mɔ ko hiɛ ashwie shi,+Shi hiɛshishwiemɔ kã shi hã mɛi ni feɔ efɔŋ yakatswaa lɛ.+
ד [Dalet]
4 Ao Yehowa, hã male ogbɛi lɛ;+Tsɔɔmɔ mi ogbɛi lɛ.+
ה [He]
5 Hã manyiɛ onɔkwale lɛ mli, ni otsɔɔ mi nii,+Ejaakɛ bo ji miyiwalaheremɔ Nyɔŋmɔ.
ו [Waw]
Bo onɔ mihiɛ kã gbi muu fɛɛ.
ז [Zayin]
6 Ao Yehowa, kaimɔ omɔbɔnalɛ lɛ kɛ osuɔmɔ ni tsakeee+Ni ojieɔ lɛ kpo daa lɛ.*+
ח [Het]
7 Kaakai eshai ni mifee yɛ miblahiiaŋ lɛ kɛ mitɔmɔi lɛ.
Ao Yehowa, kaimɔ mi yɛ osuɔmɔ ni tsakeee lɛ hewɔ,+Kɛ ekpakpa ni ofeɔ lɛ hewɔ.+
ט [Tet]
8 Yehowa hi, ni eja.+
No hewɔ ni etsɔɔ eshafeelɔi gbɛ ni esa akɛ amɛnyiɛ nɔ lɛ.+
י [Yod]
9 Ebaahã mɛi ni he jɔ* lɛ ale nɔ ni ja,*+Ni ebaatsɔɔ mɛi ni he jɔ* lɛ egbɛ lɛ.+
כ [Kaf]
10 Suɔmɔ ni tsakeee kɛ anɔkwayeli yɛ Yehowa gbɛi lɛ fɛɛ anɔKɛhã mɛi ni yeɔ ekpaŋmɔ+ lɛ kɛ ekaimɔi+ lɛ anɔ lɛ.
ל [Lamed]
11 Ao Yehowa, ogbɛ́i lɛ hewɔ lɛ,+Okɛ mitɔmɔ lɛ ake mi, eyɛ mli akɛ eda moŋ.
מ [Mem]
12 Namɔ sheɔ Yehowa gbeyei? +
Ebaatsɔɔ lɛ gbɛ ni ekɔ.+
נ [Nun]
13 Ebaahi ahã lɛ,*+Ni shikpɔŋ lɛ baatsɔ eseshibii* anɔ.+
ס [Samek]
14 Yehowa lɛ, mɛi ni sheɔ lɛ gbeyei lɛ ekɛbɔɔ naanyo kpaakpa,+Ni ehãa amɛleɔ ekpaŋmɔ lɛ.+
ע [Ayin]
15 Mihiŋmɛii jwere Yehowa nɔ be fɛɛ be,+Ejaakɛ lɛ ebaajie minaji kɛje yaa lɛ mli.+
פ [Pe]
16 Tsɔ ohiɛ ohã mi ni ona mi mɔbɔ,Ejaakɛ eshwɛ mikome ni mibɛ yelikɛbualɔ ko.
צ [Tsade]
17 Mitsui mli haomɔi lɛ efa;+Jiemɔ mi kɛje mihaomɔ lɛ mli.
ר [Resh]
18 Kwɛmɔ mimanehulu lɛ kɛ minaagba lɛ,+Ni okɛ mihe eshai lɛ fɛɛ ake mi.+
19 Kwɛmɔ bɔ ni mihenyɛlɔi lɛ ayi efaKɛ bɔ ni amɛnyɛɔ mi waa ni amɛmiitao amɛye mi awui lɛ.
ש [Shin]
20 Buu miwala* he ni ohere mi.+
Kaahã mihiɛ shwie shi, ejaakɛ bo abo mibaa.
ת [Taw]
21 Hã anɔkwayeli kɛ jalɛ abu mihe,+Ejaakɛ bo onɔ mihiɛ kã.+
22 Ao Nyɔŋmɔ, jiemɔ* Israel kɛje ehaomɔi lɛ fɛɛ amli.
Shishigbɛ Niŋmaa
^ Loo “bo miwóɔ misusuma nɔ mihãa.”
^ Loo “Ni ojieɔ lɛ kpo kɛjɛ blema tɔ̃ɔ lɛ.”
^ Loo “heshibalɔi.”
^ Hebri sht. ŋm., “anyiɛ yɛ kojomɔ mli.”
^ Loo “heshibalɔi.”
^ Loo “esusuma.”
^ Hebri sht. ŋm., “edumɔwu.”
^ Loo “misusuma.”
^ Hebri sht. ŋm., “kpɔ̃.”
