Lalai 26:1-12
David nɔ.
26 Ao Yehowa, kojomɔ mi, ejaakɛ minyiɛɔ yɛ minɔkwayeli lɛ mli;+Mikɛ mihiɛ efɔ̃ Yehowa nɔ, ni mididãŋ.+
2 Ao Yehowa, taomɔ mimli ni oka mi okwɛ;Hã mimligbɛ susumɔi* kɛ mitsui he atse.*+
3 Ejaakɛ osuɔmɔ ni tsakeee lɛ yɛ mihiɛ daa,Ni minyiɛɔ yɛ onɔkwale lɛ mli.+
4 Mikɛ mɛi ni lakaa mɛi ebɔɔɔ,*+Ni mitsiɔ mihe kɛjeɔ mɛi ni kɛ amɛsubaŋ teɔ lɛ ahe.*
5 Minyɛɔ efɔŋfeelɔi ahenaabuamɔ,+Ni mikɛ mɛi fɔji ebɔɔɔ.*+
6 Ao Yehowa, mafɔ miniji ahe akɛ mɔ ni sane ko bɛ ehe,Ni mabɔle ofɔleshaa latɛ lɛ,
7 Koni mahã anu mishidaa lɛ he+Ni majaje onaakpɛɛ nitsumɔi lɛ fɛɛ.
8 Yehowa, misumɔɔ shĩa ni oyɔɔ mli lɛ,+He ni onunyam lɛ yɔɔ lɛ.+
9 Kaabɛɛ mi* oshwie ofata eshafeelɔi ahe+Ni kaakpãtã miwala hiɛ oshi yiwalɔi* anɔ,
10 Mɛi ni kɛ amɛniji feɔ hiɛgbejianii,Ni nyɔɔŋnii eyi amɛninejurɔ obɔ lɛ.
11 Shi mi lɛ, manyiɛ yɛ minɔkwayeli lɛ mli.
Jiemɔ* mi, ni ona mi mɔbɔ.
12 Minane ma shikpɔŋ tɛtrɛɛ nɔ;+Majie Yehowa yi yɛ asafo babaoo* lɛ mli.+
Shishigbɛ Niŋmaa
^ Loo “mimligbɛ henumɔi.” Hebri sht. ŋm., “misabai.”
^ Loo “Tsuumɔ mimligbɛ susumɔi kɛ mitsui he.”
^ Hebri sht. ŋm., “taraaa shi.”
^ Loo “Mikɛ mihe futuuu osatofoi.”
^ Hebri sht. ŋm., “taraaa shi.”
^ Loo “misusuma.”
^ Loo “lashishwielɔi.”
^ Hebri sht. ŋm., “Kpɔ̃.”
^ Loo “yɛ gwabɔi.”
