Lalai 44:1-26
Kɛhã lalatsɔɔlɔ lɛ. Kora bihii lɛ anɔ.+ Maskil.*
44 Ao Nyɔŋmɔ, wɔkɛ wɔtoi enu,Wɔtsɛmɛi lɛ egba wɔ+Nibii ni otsu yɛ amɛgbii lɛ amli lɛ,Yɛ blema gbii lɛ amli tɔ̃ɔ lɛ.
2 Okɛ onine shwie jeŋmaji+Ni ohã wɔtsɛmɛi lɛ hi jɛmɛ.+
Okumɔ jeŋmaji lɛ ni oshwie amɛ kɛje nɔ.+
3 Jeee amɛ diɛŋtsɛ amɛklante amɛkɛŋɔ shikpɔŋ lɛ,+Ni jeee amɛ diɛŋtsɛ amɛnineshiwalɛ* amɛkɛye kunim lɛ.+
Shi moŋ, oninejurɔ kɛ onineshiwalɛ*+ kɛ ohiɛ la lɛ ji nɔ ni amɛkɛye kunim lɛ,Ejaakɛ oná amɛhe miishɛɛ.+
4 Ao Nyɔŋmɔ, bo ji mi-Maŋtsɛ;+Fã ni Yakob aye kunim kwraa.*
5 Wɔbaahã wɔhenyɛlɔi lɛ aku amɛsɛɛ kɛya yɛ ohewalɛ lɛ naa;+Wɔbaanaanaa mɛi ni teɔ shi amɛwoɔ wɔ lɛ anɔ yɛ ogbɛ́i lɛ mli.+
6 Ejaakɛ mikɛ mihiɛ efɔ̃ɔɔ migãi lɛ nɔ,Ni miklante lɛ hu nyɛŋ ahere mi.+
7 Bo ji mɔ ni here wɔ kɛje wɔhenyɛlɔi lɛ adɛŋ,+Bo mɔ ni ohã mɛi ni nyɛɔ wɔ lɛ ahiɛ shwie shi lɛ.
8 Wɔbaajie Nyɔŋmɔ yi gbi muu fɛɛ,Ni wɔkɛ shidaa baahã ogbɛ́i lɛ kɛya naanɔ. (Sela)
9 Shi amrɔ nɛɛ oshɛrɛ wɔ oshwie, ni oshwie wɔhiɛ shi,Ni ofataaa wɔsraafoi lɛ ahe kɛyaaa ta dɔŋŋ.
10 Ohãa wɔjoɔ foi yɛ wɔhenyɛlɔ lɛ hiɛ;+Mɛi ni nyɛɔ wɔ lɛ loɔ nɔ fɛɛ nɔ ni amɛsumɔɔ.
11 Okɛ wɔ hãa amɛ koni amɛye wɔ tamɔ ayeɔ gwantɛŋi lɛ;Ogbɛɔ wɔ oshwãa jeŋmaji lɛ ateŋ.+
12 Ohɔ̃ɔ omaŋ lɛ ofoo;+Onáaa bɔ ni ohɔ̃ɔ amɛ lɛ he sɛɛ.*
13 Ohã mɛi ni bɔle wɔ lɛ ebuuu wɔ amɛhãaa nɔ ko,Mɛi ni bɔle wɔ lɛ fɛɛ yeɔ wɔhe fɛo ni amɛŋmɔɔ wɔ.
14 Ohã wɔtsɔmɔ nyaŋemɔ nii* yɛ jeŋmaji lɛ ateŋ,+Nɔ ko ni jeŋmaji lɛ hosoɔ amɛyitso yɛ he.
15 Mihiɛ shwieɔ shi gbi muu fɛɛ,Ni mihiɛgbele lɛ tsii fe mi,
16 Yɛ wiemɔi ni amɛwieɔ amɛshiɔ mi kɛ jɛmɔ ni amɛjɛɔ mi lɛ hewɔ,Yɛ wɔhenyɛlɔ ni miitɔ owele yɛ wɔnɔ lɛ hewɔ.
17 Enɛɛmɛi fɛɛ eba wɔnɔ, shi wɔhiɛ kpako onɔ,Ni wɔkuko okpaŋmɔ lɛ mli.+
18 Wɔtsui gbako afã;Wɔnaji hu ejeko ogbɛ lɛ nɔ.
19 Shi okumɔ wɔ yɛ he ni ŋa mli gbei yɔɔ lɛ;Okɛ duŋ kpii eha wɔnɔ.
20 Kɛ́ wɔhiɛ ekpa wɔ-Nyɔŋmɔ lɛ gbɛ́i nɔLoo wɔgbɛ wɔnijiaŋ wɔsɔle wɔhã jeŋmaŋ kroko nyɔŋmɔ lɛ,
21 Ani Nyɔŋmɔ enaŋ enɛ?
Ejaakɛ ele tsuiiaŋ teemɔŋ nii fɛɛ.+
22 Agbeɔ wɔ gbi muu fɛɛ yɛ ohewɔ;Abuɔ wɔ tamɔ gwantɛŋi ni ayaagbe amɛ.+
23 Ao Yehowa, wó ohe nɔ. Mɛni hewɔ okã he owɔɔ lolo?+
Ohiɛ atsɛ̃! Kaashɛrɛ wɔ oshwie kɛtee naanɔ.+
24 Mɛni hewɔ okɛ ohiɛ teɔ?
Mɛni hewɔ ohiɛ kpaa wɔmanehulu kɛ yi ni awaa wɔ lɛ nɔ?
25 Ejaakɛ aba wɔ shi* kɛtee mulu mli;Anyɛ wɔgbɔmɔtsei anɔ kɛkpɛtɛ shikpɔŋ.+
26 Tee shi ni oye obua wɔ!+
Jiemɔ* wɔ yɛ osuɔmɔ ni tsakeee lɛ hewɔ.+
Shishigbɛ Niŋmaa
^ Kwɛmɔ Wiemɔi Titrii Amligbalamɔ lɛ.
^ Loo “amɛdɛ̃.”
^ Loo “odɛ̃.”
^ Loo “Hã Yakob aná yiwalaheremɔ kpele.”
^ Loo “Onáaa jara ni okɛhɔ̃ɔ amɛ lɛ he sɛɛ.”
^ Hebri sht. ŋm., “abɛbuu nɔ.”
^ Loo “wɔsusumai ashi.”
^ Hebri sht. ŋm., “Kpɔ̃.”
