Lalai 72:1-20
Ekɔɔ Solomon he.
72 Ao Nyɔŋmɔ, okɛ oyiŋkpɛi* lɛ ahã maŋtsɛ lɛ,Ni okɛ ojalɛ lɛ ahã maŋtsɛ lɛ binuu lɛ.+
2 Ekɛ jalɛ atsu omaŋbii lɛ asaji ahe nii ahã amɛ,Ni eye jalɛ sane ehã omaŋbii ni bɛ yelikɛbualɔ lɛ.+
3 Toiŋjɔlɛ ajɛ gɔji lɛ anɔ aba omaŋbii lɛ anɔ,Ni jalɛ ajɛ gɔŋkpɔi lɛ anɔ aba amɛnɔ.
4 Efã* mɛi ni bɛ yelikɛbualɔ yɛ omaŋbii lɛ ateŋ lɛ ahe,Ni ehere ohiafoi lɛ abii* lɛ,Ni ejwara shishiulɔ lɛ.+
5 Amɛbaashe bo gbeyei gbii abɔ ni hulu yɔɔ nɛɛKɛ gbii abɔ ni nyɔɔŋtsere yɔɔ nɛɛ,Kɛjɛ yinɔ kome nɔ kɛmiiya yinɔ kroko nɔ.+
6 Ebaatsɔ tamɔ nugbɔ ni nɛɔ eshwieɔ jwɛi fɔ ni ahu nɔ lɛ nɔ,Tamɔ nugbɔ ni nɛɔ eshwieɔ shikpɔŋ lɛ nɔ lɛ.+
7 Jalɔi baafa* yɛ egbii lɛ amli,+Ni toiŋjɔlɛ baahi he fɛɛ he+ kɛyashi be ni nyɔɔŋtsere bɛ dɔŋŋ.
8 Ebaaye mɛi anɔ* kɛbaajɛ ŋshɔnaa kɛyagbee ŋshɔnaaKɛbaajɛ Faa* lɛ naa kɛyashi shikpɔŋ lɛ naagbeehei lɛ.+
9 Mɛi ni yɔɔ ŋa kpataa nɔ lɛ baakoto lɛ,Ni ehenyɛlɔi lɛ baalɛmɔ mulu.+
10 Tarshish kɛ ŋshɔkpɔi lɛ anɔ maŋtsɛmɛi lɛ kɛ nikeenii* baaba.+
Sheba kɛ Seba maŋtsɛmɛi lɛ baabake lɛ nii.+
11 Maŋtsɛmɛi lɛ fɛɛ baakoto lɛ,Ni jeŋmaji lɛ fɛɛ baasɔmɔ lɛ.
12 Ejaakɛ ebaajie ohiafo ni bolɔɔ kɛhã yelikɛbuamɔ lɛ,Kɛ mɔ ni nii yɔɔ mɔbɔ lɛ, kɛ mɔ fɛɛ mɔ ni bɛ yelikɛbualɔ lɛ.
13 Ebaana mɔ ni bɛ yelikɛbualɔ lɛ kɛ ohiafo lɛ mɔbɔ,Ebaahere ohiafoi lɛ ayiwala.*
14 Ebaajie amɛ* kɛje nɔnyɛɛ kɛ yiwalɛ mli,Ni amɛlá jara baawa yɛ ehiɛ.
15 Eyi aná wala, ni akɛ Sheba shika tsuru abahã lɛ.+
Asɔle ahã lɛ be fɛɛ be,Ni ajɔɔ lɛ gbi muu fɛɛ.
16 Shikpɔŋ lɛ nɔ baayi kɛ ŋmaa;*+Ebaafa babaoo kɛteke nɔ yɛ gɔji lɛ ayiteŋ.
Eŋmɔshi nii lɛ baafa tamɔ Lebanon tsei,+Ni maji lɛ amli bii lɛ baafa* tamɔ shikpɔŋ lɛ nɔ jwɛi.+
17 Egbɛ́i ahi shi kɛya naanɔ,+Ni eshwere gbii abɔ ni hulu yɔɔ nɛɛ.
Mɛi atsɔ enɔ aná jɔɔmɔ;+Jeŋmaji lɛ fɛɛ ajie eyi.
18 Ajie Yehowa Nyɔŋmɔ, Israel Nyɔŋmɔ lɛ yi,+Mɔ ni ekome too efeɔ naakpɛɛ nii lɛ.+
19 Ajie enunyam gbɛ́i lɛ yi kɛya naanɔ,+Ni enunyam lɛ ayi shikpɔŋ muu lɛ fɛɛ nɔ.+
Amen, Amen.
20 Yishai binuu David+ sɔlemɔi lɛ anaagbee nɛ.
Shishigbɛ Niŋmaa
^ Loo “okojomɔi.”
^ Hebri sht. ŋm., “Ekojo.”
^ Hebri sht. ŋm., “abihii.”
^ Hebri sht. ŋm., “baafrɔke.”
^ Loo “Ebaaná shishibii.”
^ Ni ji, Yufrate Faa lɛ.
^ Eeenyɛ efee akɛ, “nikeenii” nɛɛ ji maŋ too ko ni maŋtsɛmɛi lɛ baawo koni amɛná toiŋjɔlɛ ni abu amɛmaŋ lɛ he.
^ Loo “asusuma yiwala.”
^ Loo “Ebaakpɔ̃ amɛsusumai.”
^ Ŋmaa ní awieɔ he yɛ biɛ lɛ ji wiiti, abele, omɔ, kɛ amɛhenɔi lɛ eko.
^ Loo “baafrɔke.”
