Solomon Lala 2:1-17
2 “Mitamɔ ŋa nɔ* safron fɔfɔi kɛkɛ,Lili fɔfɔi yɛ jɔi amli.”+
2 “Bɔ ni lili fɔfɔi yɔɔ yɛ ŋmei tsei ateŋ lɛNakai misuɔlɔ lɛ yɔɔ yɛ oblayei* lɛ ateŋ.”
3 “Bɔ ni apol tso yɔɔ yɛ koo mli tsei ateŋ lɛ,Nakai misuɔlɔ lɛ yɔɔ yɛ oblahii* lɛ ateŋ.
Miishwe waa ni mata ehɔɔŋ lɛ shishi,Ni eyibii lɛ ŋɔɔ minaa.
4 Ekɛ mi ba shĩa ni aŋmɛɔ okpɔlɔ yɛ mli lɛ* mli,Ni eflaŋaa ni ma minɔ ji esuɔmɔ lɛ.
5 Okɛ wain yibii keekii*+ ajɔɔ mitsui he;Okɛ apol awaje mi,Ejaakɛ suɔmɔ ewo mi hela.
6 Enine abɛku yɛ miyitso shishi,Ni ekɛ eninejurɔ efua mi.+
7 Yerusalem biyei ee, nyɛkãa mi kitãNyɛkɛ ŋa nɔ adowai+ lɛ kɛ baayelɔyei lɛ akãa mi kitã akɛ:
Nyɛteŋ misuɔmɔ lɛ shi, ni nyɛtsiɛŋ ehiɛ hu kɛyashi be ni lɛ diɛŋtsɛ esumɔɔ.+
8 Miinu misuɔlɔ lɛ he!*
Naa! Eeba,Eekwɔ gɔji lɛ, eetumɔ yɛ gɔŋkpɔi lɛ anɔ.
9 Misuɔlɔ lɛ tamɔ adowa, etamɔ baayelɔ.*+
Naa lɛ, edamɔ wɔgbogbo lɛ sɛɛ,Eekwɛ samfɛji lɛ amli,Eefili kɛmiitsɔ samfɛji lɛ fɔji lɛ amli.
10 Misuɔlɔ lɛ miiwie, eekɛɛ mi akɛ:
‘Misuɔlɔ tee shi,Miyoo ni he yɔɔ fɛo, ba ni wɔtee.
11 Naa! Fɛ̃i be* lɛ eho.
Nugbɔnɛmɔ lɛ ekpa, ni esɛɛ efo.
12 Fɔfɔii lɛ miijie amɛhiɛ kpo yɛ shikpɔŋ lɛ nɔ,+Be ni akɛsaa tsei ahe lɛ eshɛ,+Ni aanu ŋa mli okpo gbee yɛ wɔshikpɔŋ lɛ nɔ.+
13 Agbami tso lɛ klɛŋklɛŋ yibii lɛ ebɔi tsuu;+Wain tsei lɛ egba fɔfɔi ni amɛmiifã ŋma.
Misuɔlɔ, tee shi ni oba.
Miyoo ni he yɔɔ fɛo, ba ni wɔtee.
14 Ao miloofɔlɔ okpo, bo mɔ ni ohiɔ tɛsaa fɔji amli,+Ni ohiɔ fɔji ni yɔɔ gɔŋkpɔi amli,Hã mana bo, ni manu ogbee,+Ejaakɛ ogbee ŋɔɔ ni ohe hu yɛ fɛo.’”+
15 “Nyɛmɔmɔa osɔi lɛ nyɛhãa wɔ,Osɔi bibii ni fiteɔ wain tsei lɛ,Ejaakɛ wɔwain tsei lɛ egba fɔfɔi.”
16 “Misuɔlɔ lɛ nɔ ji mi, ni mi hu minɔ ji lɛ.+
Eekwɛ etoi+ lɛ yɛ lili fɔfɔii lɛ ateŋ.+
17 Misuɔlɔ, kuu osɛɛ kɛba oya,Tamɔ adowa+ loo baayelɔ*+ yɛ gɔji ni kã wɔteŋ lɛ anɔ,*Dani kɔɔyɔɔ atswa blɛoo yɛ gbi lɛ mli,* dani hɔɔŋ alaaje.
Shishigbɛ Niŋmaa
^ Loo “ŋshɔnaa ŋa nɔ.”
^ Loo “biyei.”
^ Loo “bihii.”
^ Hebri sht. ŋm., “ba wain shĩa lɛ.”
^ Keeki nɛɛ ji wain yibii ni egbi ni anyɛmɔ nɔ afee lɛ ekome tamɔ pan keeki.
^ Loo “gbee.”
^ Loo “baayelɔ oblanyo.”
^ Loo “Nugbɔnɛmɔ be.”
^ Loo “baayelɔ oblanyo.”
^ Shishitsɔɔmɔi komɛi kɛɔ akɛ, “yɛ gɔji ni egbalagbalai lɛ anɔ.” Loo “yɛ Beter gɔji lɛ anɔ.”
^ Hebri sht. ŋm., “Dani gbi lɛ amu.”
