Solomon Lala 3:1-11
3 “Be ni mikã misaa nɔ nyɔɔŋ lɛ,Mihiɛ tse misuɔlɔ* lɛ.+
Mitao lɛ, shi minaaa lɛ.+
2 Hã mate shi ni mayakpa maŋ lɛ mli;Yɛ gbɛjegbɛi lɛ anɔ kɛ henaabuamɔhei lɛ.Hã matao misuɔlɔ* lɛ.
Mitao lɛ, shi minaaa lɛ.
3 Be ni bulɔi lɛ kpaa maŋ lɛ mli lɛ, amɛna mi.+
Mibi amɛ akɛ, ‘Ani nyɛna misuɔlɔ* lɛ?’
4 Be ni miho amɛhe nɔŋŋ lɛ,Mina misuɔlɔ* lɛ.
Mimɔ emli, ni miŋmɛɛɛ eheKɛyashi mikɛ lɛ ba mimami shĩa lɛ,+Mɔ ni ŋɔ mi hɔ lɛ sɛɛtsu lɛ mli.
5 Yerusalem biyei ee, nyɛkãa mi kitã,Nyɛkɛ ŋa nɔ adowai lɛ kɛ baayelɔyei lɛ akãa mi kitã akɛ:
Nyɛteŋ misuɔmɔ lɛ shi, ni nyɛtsiɛŋ ehiɛ hu kɛyashi be ni lɛ diɛŋtsɛ esumɔɔ.”+
6 “Mɛni baa yɛ ŋa lɛ nɔ tamɔ lasu kpɔŋŋ ni miite shi nɛɛ,Ni awo lɛ mire kɛ frankinsɛnsi,Jarayelɔi apaada srɔtoi fɛɛ ni jeɔ ŋma nɛɛ?”+
7 “Naa! Solomon akpakãi lɛ ni.
Hii kãkãlɔi 60 ebɔle he,Amɛjɛ Israel hii kãkãlɔi lɛ ateŋ,+
8 Amɛteŋ mɔ fɛɛ mɔ hiɛ klante,Atsɔse amɛ fɛɛ kɛhã ta,Mɔ fɛɛ mɔ klante ŋmɔ ehɛKoni amɛkɛbu yɛ sane fɔŋ ni baa nyɔɔŋ lɛ hewɔ.”
9 “Maŋtsɛ Solomon maŋtsɛ akpakãi ni aha heNi ehã akɛ Lebanon tsei fee ahã lɛ lɛ ni.+
10 Ehe akulashiŋi lɛ, jwiɛtɛi ekɛfee,Ni nɔ ni ekpasaa lɛ, shika tsuru ekɛfee.
Emli sɛi lɛ hu lɛ, kooloo hetsɔi ni hiɛ pɛpol kɔla ekɛfee;Ni mɛi ni kɛ suɔmɔ saa mli jiYerusalem biyei lɛ.”
11 “Zion biyei ee, nyɛjea kpo,Nyɛbakwɛa Maŋtsɛ Solomon,Ebu yookpeemɔ akekere ni emami+ fee ehã lɛYɛ gbi ni ebote gbalashihilɛ mli lɛ nɔ,Yɛ gbi ni etsui nya lɛ nɔ lɛ.”
Shishigbɛ Niŋmaa
^ Loo “mɔ ni misusuma sumɔɔ.”
^ Loo “matao mɔ ni misusuma sumɔɔ.”
^ Loo “nyɛna mɔ ni misusuma sumɔɔ.”
^ Loo “Mina mɔ ni misusuma sumɔɔ.”
