Solomon Lala 5:1-16
5 “Minyɛmi yoo, miyemforo,Mibote abɔɔ ni mifee lɛ mli.+
Mitse mimire kɛ mitsofa-kɛ-ŋma lɛ eko.+
Miye wo ni miitsere kɛmiijɛ wobii atsũ lɛ mli lɛ eko;*Minu miwain kɛ mimliki lɛ hu.”+
“Nanemɛi ni misumɔɔ, nyɛyea nii!
Nyɛnua nii ni nyɛtɔrɔa kɛ suɔmɔ nifeemɔi!”+
2 “Miwɔ, shi mitsui wɔko.+
Miinu misuɔlɔ lɛ he ni eeshi shinaa lɛ!
Eekɛɛ akɛ: ‘Minyɛmi yoo, misuɔlɔ, gbelemɔ mi,Miloofɔlɔ okpo, miyoo ni kpa ko kwraa bɛ ehe!
Gbelemɔ mi ejaakɛ bɔ́ efɔ miyitso,Nyɔɔŋ bɔ́ lɛ efɔ miyitsɔi ni edɔrɔdɔrɔi lɛ.’+
3 Ni mikɛɛ akɛ, ‘Mijie mitade kakadaŋŋ lɛ momo.
Te aaafee tɛŋŋ makɔ mawo ekoŋŋ lɛ?
Mifɔ minaji ahe momo.
Te aaafee tɛŋŋ mawo he muji ekoŋŋ lɛ?’
4 Misuɔlɔ lɛ jie enine yɛ shinaa fɔlɔ lɛ mli,Kɛkɛ ni mimusuŋ shã mi.
5 Kɛkɛ ni mite shi koni magbele misuɔlɔ lɛ;Mire miitsere yɛ miniji ahe,Mire tseretsere miitsere yɛ miwaobii aheKɛmiishwie shinaa lɛ klɔklɔ lɛ nɔ.
6 Migbele misuɔlɔ lɛ,Shi misuɔlɔ lɛ etsɔ ehe etee momo.
Be ni etee lɛ, mihao.*
Mitao lɛ, shi minaaa lɛ.+
Mitsɛ lɛ, shi ehereee mi nɔ hu.
7 Be ni bulɔi lɛ kpaa maŋ lɛ mli lɛ, amɛna mi.
Amɛtswia mi nii, ni amɛpila mi.
Bulɔi ni buɔ yɛ gbogboi lɛ anɔ lɛ jie minɔhaanɔ* lɛ yɛ mihe.
8 Nyɛ Yerusalem biyei ee, nyɛkãa mi kitã akɛ:
Kɛ́ nyɛna misuɔlɔ lɛ,Nyɛbaakɛɛ lɛ akɛ suɔmɔ ewo mi hela.”
9 “Bo mɔ ni ohe yɔɔ fɛo yɛ yei ateŋ,Mɛni osuɔlɔ lɛ kɛfe suɔlɔi krokomɛi?
Mɛni osuɔlɔ lɛ kɛfe suɔlɔi krokomɛiHewɔ ni okɛɔ wɔ ni wɔkã bo kitã lɛ?”
10 “Misuɔlɔ lɛ he yɛ fɛo ni etsuɔ;Esoro lɛ kwraa yɛ mɛi akpei nyɔŋma he.
11 Eyitso yɛ fɛo tamɔ shika tsuru, shika tsuru ni atsuu he jogbaŋŋ.
Eyitsɔi ni edɔrɔdɔrɔi lɛ tamɔ tɛŋ bɛlɛoi ni miihoso,*Ni eyitsɔi diɔ tamɔ kwaakwaalabite.
12 Ehiŋmɛii tamɔ okpoi yɛ fai ahe,Ni miiju amɛhe yɛ mliki mli,Ni damɔ kpaakpo ni eyi he.*
13 Ekpaii tamɔ tsofa-kɛ-ŋma ŋmɔ,*+Tamɔ gɔŋkpɔi ni bai ni jeɔ ŋma eyi nɔ.
Enaabu tamɔ lili fɔfɔii ni miitsere kɛ mire tseretsere.+
14 Eniji tamɔ shika tsuru ni akɛ krisolito tɛi etara mli.
Emusu tamɔ shwuɔ wu* ni asha he hiahia ni akɛ safiro tɛi eha he.
15 Enaji tamɔ marmara tɛ* akulashiŋi ni mamɔ nɔdaamɔnii ni akɛ shika tsuru ni atsuu he jogbaŋŋ fee lɛ anɔ.
Ehe yɛ fɛo tamɔ Lebanon, eyɛ srɔto tamɔ bɔ ni tseneduru tsei yɔɔ srɔto lɛ.+
16 Enaa ŋɔɔ diɛŋtsɛ,Ni ehe nɔ fɛɛ nɔ yɛ akɔnɔ.+
Yerusalem biyei ee, nɛkɛ misuɔlɔ lɛ yɔɔ, mɔ ni misumɔɔ lɛ lɛ nɛ.”
Shishigbɛ Niŋmaa
^ Loo “Miye miwo agbaku kɛ miwo lɛ eko.”
^ Loo “misusuma je mimli.” Shishitsɔɔmɔi komɛi kɛɔ akɛ, “Be ni ewie lɛ, misusuma je mimli.”
^ Loo “mihiɛhaanɔ.”
^ Shishitsɔɔmɔi komɛi kɛɔ akɛ, “tamɔ deeti aduawa kushai.”
^ Shishitsɔɔmɔi komɛi kɛɔ akɛ, “Ni ebɔle nuhiŋmɛi he.”
^ Loo “akofii.”
^ Loo “aivori.” Kwɛmɔ Wiemɔi Titrii Amligbalamɔ lɛ.
^ Atsɛɔ lɛ marble yɛ Blɔfo mli.
