Solomon Lala 6:1-13
6 “Nɛgbɛ osuɔlɔ lɛ etee,Bo mɔ ni ohe yɔɔ fɛo yɛ yei ateŋ?
Nɛgbɛ osuɔlɔ lɛ etsɔ?
Hã wɔkɛ bo ayatao lɛ.”
2 “Misuɔlɔ lɛ ekpeleke shi kɛtee abɔɔ ni efee lɛ mli,Etee tsofa-kɛ-ŋma ŋmɔ lɛ mli,*Koni eyakwɛ etoi lɛ yɛ abɔi lɛ amliNi etse lili fɔfɔii.+
3 Misuɔlɔ lɛ nɔ ji mi,Ni mi hu minɔ ji lɛ.+
Eekwɛ etoi lɛ yɛ lili fɔfɔii lɛ ateŋ.”+
4 “Misuɔlɔ,+ ohe yɛ fɛo tamɔ Tirza,*+Ohe yɛ akɔnɔ tamɔ Yerusalem,+Ohãa mɔ he jɔ̃ɔ ehe tamɔ asraafoi akui ni ebua amɛhe naa yɛ amɛflaŋai ahe.+
5 Jiemɔ ohiŋmɛii+ yɛ minɔ,Ejaakɛ ehãa nɔ ko feɔ mi.
Oyitsɔi tamɔ too abotiai akuuNi miikpeleke shi yɛ Gilead gɔji lɛ ahe.+
6 Onyanyɔji tamɔ gwantɛŋi akuuNi ayaju amɛhe ni amɛkwɔ kɛba,Amɛ fɛɛ amɛhiɛ bii enyɔnyɔɔnyɔ,Ni amɛteŋ eko eko bi gboko.
7 Bɔ ni pomegranet aduawa ni agba mli enyɔ yɔɔ lɛ,Nakai okpaii* ji yɛ ohiɛhaanɔ lɛ mli.
8 Maŋnyɛmɛi 60Kɛ hemɛi* 80Kɛ oblayei ni aleee amɛyibɔ yɛ moŋ,+
9 Shi mɔ kome pɛ ji miloofɔlɔ okpo,+ miyoo ni kpa ko bɛ ehe.
Emami biyoo koome.
Yoo ni mɔ ni fɔ lɛ lɛ shwɛɛɛ ehe kwraa.*
Oblayei lɛ naa lɛ, ni amɛwieɔ ehe ekpakpa;Maŋnyɛmɛi kɛ hemɛi* naa lɛ, ni amɛjieɔ eyi.
10 ‘Mɛɛ yoo kpɛɔ* tamɔ jetsɛremɔ nɛɛ,Ni he yɔɔ fɛo tamɔ nyɔɔŋtsere ni eye emuu,Ni yɔɔ krɔŋŋ tamɔ hulu la,Ni hãa mɔ he jɔ̃ɔ ehe tamɔ asraafoi akui ni ebua amɛhe naa yɛ amɛflaŋai ahe nɛɛ?’”+
11 “Mikpeleke shi kɛtee atĩa tsei* abɔɔ lɛ mli+Koni miyakwɛ nibii hei ni ekwɛ̃kwɛ̃ɛ yɛ jɔɔ* lɛ mli,Ni makwɛ akɛ wain tsei lɛ etsɛ̃* lo,Ni pomegranet tsei lɛ egba fɔfɔii lo.
12 Be ni mihɛleɔ shi lɛ,Mikɔnɔ* egbala miKɛtee mimaŋ abladei* lɛ ashwiilii lɛ ahe.”
13 “Ao Shulam yoo,* kuu osɛɛ, kuu osɛɛ oba!
Kuu osɛɛ, kuu osɛɛ,Koni wɔkwɛ bo!”
“Mɛni hewɔ nyɛtaoɔ ni nyɛkwɛ Shulam yoo* lɛ?”+
“Etamɔ kui enyɔ ajoo!”*
Shishigbɛ Niŋmaa
^ Loo “akofii lɛ ateŋ.”
^ Loo “Maŋ Fɛfɛo lɛ.”
^ Loo “oyitso he.”
^ Kwɛmɔ Wiemɔi Titrii Amligbalamɔ lɛ.
^ Kwɛmɔ Wiemɔi Titrii Amligbalamɔ lɛ.
^ Hebri sht. ŋm., “Mɔ ni fɔ lɛ lɛ bi ni yɔɔ krɔŋŋ.”
^ Hebri sht. ŋm., “kwɛɔ shikpɔŋ.”
^ Hebri wiemɔ ni atsɔɔ shishi akɛ atĩa tso lɛ ji tso ko ni tamɔ atĩa tso ni kwɛ̃ɔ yɛ Israel.
^ Loo “nujɔɔ.”
^ Loo “egba afofro.”
^ Loo “Misusuma.”
^ Loo “mimaŋbii ni kɛ amɛhe ehã.”
^ Loo “Shulamait.” Jeee oblayoo lɛ gbɛ́i ni.
^ Loo “Shulamait.” Jeee oblayoo lɛ gbɛ́i ni.
^ Loo “Etamɔ Mahanaim joo.”
