Solomon Lala 7:1-13
7 “Kwɛ bɔ ni onaji yɔɔ fɛo yɛ otokotai lɛ amli,Bo oblayoo kpakpa!
Oshuɔ yɛ kokloo tamɔ hewulamɔniiNi ŋaalɔ kɛ eniji fee.
2 Olaŋmɔ tamɔ tsene kokloo.
Wain ni afutu akatã yɛ mli kɔkɔɔkɔ.
Omusu tamɔ wiiti ni abua naa,Ni akɛ lili fɔfɔii ebɔle he.
3 Ofufɔi enyɔ lɛ tamɔ adowa bii enyɔ,Adowa bii haaji.+
4 Okuɛ+ tamɔ shwuɔ wu* mɔɔ.+
Ohiŋmɛii+ tamɔ kpaakpoi ni yɔɔ Heshbon+Ni yɔɔ Bat-rabim agbó lɛ masɛi lɛ.
Ogugɔ tamɔ Lebanon mɔɔNi hiɛ kwɛɔ Damasko lɛ.
5 Oyitso ma onɔ tamɔ Karmel,+Ni oyitsɔi edɔrɔdɔrɔi+ tamɔ kooloo hetsɔi ni hiɛ pɛpol kɔla.+
Bɔ ni ejwere osɛɛ lɛ emɔ maŋtsɛ lɛ tsui.*
6 Kwɛ bɔ ni ohe yɔɔ fɛo kɛ akɔnɔ,Bo yoo ni misumɔɔ, ota nibii ni yɔɔ fɛo fɛɛ anɔ!
7 Otamɔ tɛŋ tso,*Ni ofufɔi tamɔ deeti aduawa kushai.+
8 Mikɛɛ akɛ, ‘Makwɔ tɛŋ tso* lɛ,Koni mamɔ eduawai kushai lɛ amli.’
Ofufɔ afee tamɔ wain yibii kushai ahã mi,Ni mumɔ ni jɛɔ ogugɔŋ lɛ aje ŋma tamɔ apol ahã mi,
9 Ni onaabu hu afee tamɔ wain kpakpa ahã mi.”
“Ekpeleke shi yɔɔ yɛ misuɔlɔ lɛ sɛŋ,Etsere eshwie mɛi ni ewɔ lɛ anaa blɛoo.
10 Misuɔlɔ lɛ nɔ ji mi,+Ni miji mɔ ni eshweɔ.
11 Misuɔlɔ, ba,Hã wɔya ŋa lɛ nɔ;Hã wɔyahi kofer fɔfɔii lɛ ateŋ.+
12 Hã wɔte shi mra ni wɔya wain ŋmɔji lɛ amliNi wɔyakwɛ kɛji wain tsei lɛ etsɛ̃* lo,Kɛji wain tsei lɛ egba fɔfɔii lo,+Kɛji pomegranet tsei lɛ egba fɔfɔii lo.+
Jɛmɛ majie misuɔmɔ lɛ kpo matsɔɔ bo yɛ.+
13 Mandrek* yibii+ lɛ miifã ŋma;Aduawai srɔtoi fɛɛ ni hi fe fɛɛ lɛ yɛ wɔshinai lɛ anaa.+
Ehei kɛ ememeji,Misuɔlɔ, mikɛto mihã bo.
Shishigbɛ Niŋmaa
^ Loo “aivori.” Kwɛmɔ Wiemɔi Titrii Amligbalamɔ lɛ.
^ Loo “eŋɔ maŋtsɛ lɛ nom.”
^ Tɛŋ tso ni atsɔɔ yɛ biɛ lɛ ji nɔ ni kwɛ̃ɔ yɛ Palestina niiaŋ lɛ eko.
^ Tɛŋ tso ni atsɔɔ yɛ biɛ lɛ ji nɔ ni kwɛ̃ɔ yɛ Palestina niiaŋ lɛ eko.
^ Loo “egba afofro.”
^ Eji tso ko ni mɛi susu akɛ kɛ́ yei ye eyibii lɛ ebaahã amɛŋɔ hɔ.
