Solomon Lala 8:1-14
-
Oblayoo lɛ (1-4)
-
“Miná ni kulɛ minyɛmi nuu ji bo” (1)
-
-
Oblayoo lɛ nyɛmimɛi hii lɛ (5a)
-
‘Namɔ ela esuɔlɔ kɛbaa nɛɛ?’
-
-
Oblayoo lɛ (5b-7)
-
“Suɔmɔ he wa tamɔ gbele” (6)
-
-
Oblayoo lɛ nyɛmimɛi hii lɛ (8, 9)
-
“Kɛ́ etamɔ gbogbo lɛ, . . . shi kɛ́ etamɔ shinaa lɛ, . . .” (9)
-
-
Oblayoo lɛ (10-12)
-
“Mi lɛ, mitamɔ gbogbo” (10)
-
-
Tookwɛlɔ lɛ (13)
-
“Hã manu ogbee”
-
-
Oblayoo lɛ (14)
-
“Ohe afee oya tamɔ adowa”
-
8 “Miná ni kulɛ minyɛmi nuu ji bo,Mɔ ko ni ye mimami fufɔ!
Kulɛ kɛ́ mikɛ bo kpe yɛ agbonaa lɛ, mashɔ onaa,+Ni mɔ ko mɔ ko ewieŋ eshiŋ mi.
2 Kulɛ manyiɛ ohiɛ;Manyiɛ ohiɛ kɛba mimami shĩa lɛ mli,+Mɔ ni tsɔɔ mi nii lɛ shĩa lɛ.
Mahã bo wain ni akɛ tsofa-kɛ-ŋma ewo mli koni onu,Pomegranet aduawa mli nu ni aŋa.
3 Ekɛ enine abɛku baawo miyitso shishi,Ni ekɛ eninejurɔ baafua mi.+
4 Yerusalem biyei ee, nyɛkãa mi kitã akɛ:
Nyɛteŋ misuɔmɔ lɛ shi, ni nyɛtsiɛŋ ehiɛ hu kɛyashi be ni lɛ diɛŋtsɛ esumɔɔ.”+
5 “Mɛɛ yoo jɛ ŋa lɛ nɔ ni ekwɔɔ kɛbaa nɛɛ,Ni ela esuɔlɔ kɛbaa nɛɛ?”
“Apol tso lɛ shishi mitsiɛ ohiɛ yɛ.
Jɛmɛ omami kɔmɔ ni efɔ bo yɛ.
Jɛmɛ mɔ ni fɔ bo lɛ kɔmɔ yɛ.
6 Okɛ mi akpɛtɛ otsui nɔ tamɔ niianaasɔomɔnɔ,Tamɔ niianaasɔomɔnɔ yɛ onine he,Ejaakɛ suɔmɔ he wa tamɔ gbele,+Ni tsui ni akɛhãa mɔ kwraa lɛ hu sane wa tamɔ Gbonyobu.*
Elalilɛi lɛ tsoɔ grigri tamɔ Yah* lalilɛi.+
7 Nui ni efee hamahama po nyɛɛɛ agbe suɔmɔ la lɛ,+Ni fai hu nyɛɛɛ afɔ suɔmɔ kɛya.+
Kɛ́ nuu kɛ eshĩa mli jwetrii fɛɛ hã koni ekɛhe suɔmɔ po lɛ,Abaakpoo.”*
8 “Wɔyɛ nyɛmi yoo fioo ko+Ni ejeko fufɔ.
Mɛni wɔbaafee wɔhã wɔnyɛmi yoo lɛYɛ gbi ni abaababi eshi lɛ nɔ?”
9 “Kɛ́ etamɔ gbogbo lɛ,Wɔbaatswa jwiɛtɛi afabaŋ wɔma nɔ,Shi kɛ́ etamɔ shinaa lɛ,Wɔkɛ tseneduru mplaŋ baala sɛɛ.”
10 “Mi lɛ, mitamɔ gbogbo,Ni mifufɔi hu tamɔ mɔji.
No hewɔ lɛ, yɛ misuɔlɔ lɛ hiɛ lɛMitoiŋ ejɔ mi.
11 Solomon yɛ wain ŋmɔ+ ko yɛ Baal-hamon.
Ekɛ wain ŋmɔ lɛ ewo mɛi komɛi adɛŋ ni amɛkwɛ nɔ amɛhã lɛ.
Kɛ́ amɛteŋ mɔ fɛɛ mɔ kpa emli yibii lɛ, ekɛ jwiɛtɛi kapɛji akpe bahãa lɛ.
12 Miyɛ mi diɛŋtsɛ miwain ŋmɔ ni mikɛfeɔ nɔ ni misumɔɔ.
Solomon ee, onɔ ji jwiɛtɛi kapɛji akpe lɛ,*Ni mɛi ni kwɛɔ wain yibii lɛ anɔ lɛ hu anɔ ji kapɛji ohai enyɔ lɛ.”
13 “Bo, mɔ ni ohiɔ abɔi amli,+Nanemɛi lɛ miibo ogbee toi.
Hã manu ogbee.”+
14 “Misuɔlɔ, sha ohe,Ni ohe afee oya tamɔ adowa+Aloo tamɔ baayelɔ*Yɛ tsofa-kɛ-ŋma gɔji lɛ anɔ.”
Shishigbɛ Niŋmaa
^ Hebri mli lɛ, “Sheol,” ni ji, mfonirifeemɔŋ gbonyobu kome kɛhã adesai. Kwɛmɔ Wiemɔi Titrii Amligbalamɔ lɛ.
^ “Yah” ji gbɛ́i Yehowa lɛ ní afo lɛ kuku.
^ Shishitsɔɔmɔi komɛi kɛɔ akɛ, “Abaaŋmɔ lɛ.”
^ Hebri sht. ŋm., “onɔ ji akpe lɛ.”
^ Loo “baayelɔ oblanyo.”
