Yeremia 12:1-17
12 Ao Yehowa, jalɔ ji bo,+ kɛ́ mikɛ misane fɔ̃ ohiɛ,Kɛ́ mikɛ bo wie saji ni kɔɔ jalɛsaneyeli he lɛ.
Shi mɛni hewɔ mɛi fɔji agbɛ jaa hãa amɛ?+Ni mɛni hewɔ mɛi ni yeee anɔkwa lɛ yeee ŋkɔmɔ lɛ?
2 Bo odu amɛ ni amɛshishifã emɔ shi.
Amɛdara ni amɛwo yibii.
Okã amɛnaabu nɔ daa, shi okɛ amɛmligbɛ susumɔi* lɛ ateŋ jekɛ.+
3 Shi bo Yehowa, ole mi jogbaŋŋ,+ onaa mi;Opɛi mitsui mli ni ona akɛ ekɛ bo efee ekome.+
Jiemɔ amɛ oto afã tamɔ gwantɛŋi ni ayaagbe amɛ,Ni okɛ amɛ ato afã ohã gbee gbi lɛ.
4 Mɛɛ be nɔŋŋ shikpɔŋ lɛ baagbi kɛyashiNi ŋa fɛɛ ŋa nɔ jwɛi baagbi kɛyashi?+
Mɛi ni yɔɔ mli lɛ anɔfɔŋfeemɔ lɛ hewɔ lɛ,Abɛɛ kooloi lɛ kɛ loofɔji lɛ ashwie.
Ejaakɛ amɛkɛɛ akɛ: “Enaaa nɔ ni baaba wɔnɔ lɛ.”
5 Kɛ́ okɛ gbɔmɛi ni nyiɛɔ amɛnane nɔ jo foi ni etɔɔ bo lɛ,Te obaafee tɛŋŋ okɛ okpɔŋɔi ada foi lɛ?+
Kɛ́ ohe ejɔ bo yɛ toiŋjɔlɛ shikpɔŋ nɔ lɛ,Te obaafee onii ohã tɛŋŋ yɛ koo hayii ni yɔɔ Yordan he lɛ amli lɛ?
6 Ejaakɛ bo diɛŋtsɛ onyɛmimɛi, bo diɛŋtsɛ otsɛ shĩabii lɛ,Kɛ bo eye yɛ gbɛ fɔŋ nɔ.+
Amɛwo amɛgbee nɔ amɛshi bo.
Kɛ́ amɛkɛ bo wie nibii kpakpai po lɛ,Kaahe amɛ oye.
7 “Mishi mishĩa lɛ;+ mishi migboshinii lɛ.+
Mikɛ mɔ ni misumɔɔ lɛ jogbaŋŋ lɛ* ewo ehenyɛlɔi lɛ adɛŋ.+
8 Migboshinii lɛ etsɔ tamɔ koo mli jata ehã mi.
Ehũu eshi mi.
No hewɔ lɛ, miinyɛ lɛ.
9 Migboshinii lɛ tamɔ loofɔlɔ kɛ ehe kɔlai srɔtoi* ni gbɔbiɔ;Loofɔji krokomɛi ni gbɔbiɔ ebɔle lɛ, ni amɛmiitutua lɛ.+
Nyɛ ŋa mli kooloi fɛɛ, nyɛbaa, nyɛbabuaa nyɛhe naa,Nyɛbayea nii.+
10 Tookwɛlɔi babaoo efite miwain ŋmɔ lɛ;+Amɛnaanaa mishikpɔŋ ni ji migbɛfaŋnɔ lɛ nɔ.+
Amɛhã mishikpɔŋ ni misumɔɔ lɛ etsɔ ŋa kpataa.
11 Etsɔ shikpɔŋ ni akɛfeee nɔ ko.
Egbi;*Etsɔ amaŋfɔ yɛ mihiɛ.+
Shikpɔŋ muu lɛ fɛɛ etsɔ amaŋfɔ,Shi mɔ ko mɔ ko kɛwooo etsui mli.+
12 Mɛi ni kpãtãa nii ahiɛ lɛ eba nanegbɛi fɛɛ ni nɔ eye ni yɔɔ ŋa lɛ nɔ lɛ anɔ,Ejaakɛ Yehowa klante lɛ miiye nii kɛmiijɛ shikpɔŋ lɛ naagbeehe kome kɛmiiya naagbeehe kroko.+
Mɔ ko mɔ ko* bɛ toiŋjɔlɛ.
13 Amɛdu wiiti, shi amɛkpa ŋmei.+
Amɛgbo deŋme, shi amɛnáaa he sɛɛ.
Amɛhiɛ baagboi yɛ amɛnibaa nii lɛ ahewɔYɛ Yehowa mlifu ni naa wa lɛ hewɔ.”
14 Nɔ ni Yehowa kɛɛ nɛ: “Mihe gbɔmɛi fɔji fɛɛ, mɛi ni taa migboshinii ni mikɛhã mimaŋ Israel lɛ he lɛ,+ naa, miifã amɛ kɛmiije amɛshikpɔŋ lɛ nɔ,+ ni mafã Yuda shĩa lɛ kɛje amɛteŋ.
15 Shi kɛ́ mifã amɛ sɛɛ lɛ, mana amɛ mɔbɔ ekoŋŋ ni mikɛ amɛteŋ mɔ fɛɛ mɔ baaku sɛɛ aba egboshinii kɛ eshikpɔŋ lɛ nɔ.”
16 “Ni kɛ́ amɛbɔ mɔdɛŋ amɛkase mimaŋ lɛ gbɛi lɛ ni amɛkɛ migbɛ́i kã kitã akɛ, ‘Gbii abɔ ni Yehowa hiɛ kã nɛɛ!’ bɔ ni amɛtsɔɔ mimaŋ lɛ koni amɛkɛ Baal akã kitã lɛ, amɛ hu abaatswa amɛ ama shi yɛ mimaŋbii lɛ ateŋ.
17 Shi kɛ́ amɛbooo toi lɛ, mi hu mafã nakai jeŋmaŋ lɛ, mafã lɛ ni makpãtã ehiɛ,” Yehowa kɛɛ.+
Shishigbɛ Niŋmaa
^ Loo “mligbɛ henumɔi.” Hebri sht. ŋm., “sabai.”
^ Loo “mɔ ni misusuma sumɔɔ lɛ lɛ.”
^ Loo “turuntarai.”
^ Shishitsɔɔmɔi komɛi kɛɔ akɛ, “Eeye awerɛho.”
^ Hebri sht. ŋm., “Heloo ko.”
