Yesaia 26:1-21
26 Nakai gbi lɛ nɔ lɛ, lala ni abaalá+ yɛ Yuda shikpɔŋ+ lɛ nɔ lɛ nɛ:
“Wɔyɛ maŋ ni he wa.+
Ekɛ yiwalaheremɔ feɔ ehe gbogboi kɛ egbogboi lɛ asɛɛ kpokui.+
2 Nyɛgbelea agbói+ lɛ koni jeŋmaŋ ni ja lɛ abote mli,Jeŋmaŋ ni yeɔ anɔkwa lɛ.
3 Obaakwɛ mɛi ni kɛ amɛhe fɔ̃ɔ onɔ kwraa lɛ anɔ;*Obaahã amɛná toiŋjɔlɛ daa,+Ejaakɛ bo onɔ amɛkɛ amɛhiɛ efɔ̃.+
4 Nyɛkɛ nyɛhiɛ afɔ̃a Yehowa nɔ be fɛɛ be,+Ejaakɛ naanɔ Tɛsaa+ ji Yah* Yehowa.
5 Ejaakɛ eba mɛi ni yɔɔ ŋwɛi shɔŋŋ lɛ, maŋ ni nɔ kwɔ lɛ shi.
Ebaa lɛ shi,Ebaa lɛ shi kɛbaa shikpɔŋ;Eshɛɔ lɛ efɔ̃ɔ mulu mli.
6 Akɛ nane baanaanaa enɔ,Mɛi ni naa nɔ lɛ anaji, mɛi ni bɛ yelikɛbualɔ lɛ anajifaamɔi.”
7 Jalɔ gbɛ* lɛ ja.*
Akɛni oja hewɔ lɛ,Obaahã gbɛ ni jalɔ nyiɛ nɔ lɛ nɔ aja.
8 Ao Yehowa, be ni wɔnyiɛ okojomɔi lɛ agbɛ lɛ nɔ lɛ,Bo onɔ wɔhiɛ kã.
Wɔtsui* shweɔ ogbɛ́i lɛ kɛ okaimɔ lɛ.*
9 Migbɔmɔtso muu fɛɛ* shweɔ bo jenamɔ muu fɛɛ,Anɔkwa, mimumɔ yaa nɔ etaoɔ bo;+Ejaakɛ kɛ́ okojo shikpɔŋ lɛ,Mɛi ni yɔɔ shikpɔŋ lɛ nɔ lɛ kaseɔ jalɛ nifeemɔ.+
10 Kɛ́ ana mɔ fɔŋ mɔbɔ po lɛ,Ekaseee jalɛ nifeemɔ.+
Ebaafee efɔŋ yɛ shikpɔŋ ni afeɔ jalɛ nii yɛ nɔ lɛ po nɔ,+Ni enaŋ Yehowa agbojee lɛ.+
11 Ao Yehowa, owó onine nɔ, shi amɛnaaa.+
Amɛbaana bɔ ni osumɔɔ omaŋ lɛ waa ohãa, ni amɛhiɛ baagboi.
Anɔkwa, ola lɛ baashã ohenyɛlɔi lɛ.
12 Ao Yehowa, obaahã wɔ toiŋjɔlɛ,+Ejaakɛ nɔ fɛɛ nɔ ni wɔfee lɛBo ohã wɔnyɛ wɔfee.
13 Ao Yehowa, wɔ-Nyɔŋmɔ, yɛ osɛɛ lɛ, nuŋtsɔmɛi krokomɛi eye wɔnɔ,+Shi bo pɛ ogbɛ́i wɔtsɛɔ.+
14 Amɛgboi; amɛhiŋ shi.
Amɛgboi ni amɛbɛ hewalɛ dɔŋŋ, ni amɛteŋ shi.+
Ejaakɛ ogbala ojwɛŋmɔ kɛtee amɛnɔKoni okpãtã amɛhiɛ, ni ogbe amɛgbɛ́i kwraa.
15 Ao Yehowa, ohã jeŋmaŋ lɛ eda,Ohã jeŋmaŋ lɛ eda;Owo ohiɛ nyam.+
Ogbele shikpɔŋ lɛ husui lɛ fɛɛ amli waa.+
16 Ao Yehowa, kɛ́ amɛyaje haomɔ mli lɛ, amɛbaa oŋɔɔ;Kɛ́ otsɔse amɛ lɛ, amɛfɔseɔ amɛtsuiŋ amɛshwieɔ ohiɛ dioo yɛ sɔlemɔ mli.+
17 Ao Yehowa, bɔ ni yoo ni hiɛ musu ni eshwɛ fioo ebaafɔKɔ̃mɔɔ ni ebolɔɔ yɛ ekɔ̃ɔmɔ lɛ mli lɛ,Nakai wɔ hu wɔfee yɛ ohewɔ.
18 Wɔná musu, ni wɔkɔ̃mɔ,Shi etamɔ nɔ ni wɔfɔ kɔɔyɔɔ.
Wɔkɛ yiwalaheremɔ bako shikpɔŋ lɛ nɔ,Ni afɔɔɔ mɔ ko koni ehi shikpɔŋ lɛ nɔ.
19 “Omɛi ni egboi lɛ baaba wala mli.
Migbohii* lɛ baate shi.+
Nyɛ mɛi ni nyɛyɔɔ mulu mli,+Nyɛhiɛ atsɛ̃a ni nyɛláa nyamɔ lala!
Ejaakɛ obɔ́ lɛ, leebi bɔ́* ni,Ni shikpɔŋ lɛ baahã mɛi ni egboi ni bɛ hewalɛ dɔŋŋ lɛ aba wala mli.*
20 Mimaŋ, nyɛyaa, nyɛyabotea nyɛsɛɛtsui lɛ amli,Ni nyɛŋamɔa nyɛshinai lɛ nyɛwoa nyɛyi.+
Nyɛtea nyɛhe be fioo koKɛyashi mlifu* lɛ baaho aya.+
21 Ejaakɛ naa! Yehowa jɛ eshihilɛhe lɛ kɛmiibaKoni ekɛ mɛi ni yɔɔ shikpɔŋ lɛ nɔ lɛ ababu amɛtɔmɔ lɛ he akɔntaa,Ni shikpɔŋ lɛ baahã ana lashishwiemɔ ni yɔɔ enɔ lɛNi ehaŋ mɛi ni agbe yɛ enɔ lɛ anɔ dɔŋŋ.”
Shishigbɛ Niŋmaa
^ Shishitsɔɔmɔi komɛi kɛɔ akɛ, “Obaakwɛ mɛi ni jwɛŋmɔ ma shi shiŋŋ lɛ anɔ.”
^ “Yah” ji gbɛ́i Yehowa lɛ ní afo lɛ kuku.
^ Loo “nanegbɛ.”
^ Loo “nɔ bɛ dokoidokoi.”
^ Loo “Wɔsusuma.”
^ Ni tsɔɔ akɛ, amɛmiishwe koni akai Nyɔŋmɔ kɛ egbɛ́i lɛ, ni ahã mɛi ale.
^ Loo “Misusuma.”
^ Hebri sht. ŋm., “Migbonyo.”
^ Shishitsɔɔmɔi komɛi kɛɔ akɛ, “baa nɔ bɔ́.”
^ Loo “shikpɔŋ lɛ baafɔ mɛi ni egboi ni bɛ hewalɛ dɔŋŋ lɛ.”
^ Loo “toigbalamɔ.”
