Yesaia 38:1-22
38 Nakai gbii lɛ amli lɛ, hela mɔ Hezekia waa ni eehe egbo.+ Gbalɔ Yesaia,+ Amoz binuu lɛ bakɛɛ lɛ akɛ, “Nɔ ni Yehowa kɛɛ nɛ: ‘Too oshĩabii lɛ ahe gbɛjianɔ,* ejaakɛ obaagbo; onáŋ hewalɛ.’”+
2 Kɛkɛ ni Hezekia tsɔ ehiɛ ehã gbogbo lɛ ni esɔle etsɛ Yehowa akɛ:
3 “Ao, Yehowa, miikpa bo fai, ofainɛ ni okai+ bɔ ni minyiɛ yɛ ohiɛ yɛ anɔkwayeli mli, kɛ bɔ ni mikɛ mitsui muu fɛɛ+ hã bo, ni mifee nɔ ni ja yɛ ohiɛ lɛ.” Ni Hezekia fó waa.
4 Kɛkɛ ni Yehowa kɛ Yesaia wie* akɛ:
5 “Kuu osɛɛ ni oyakɛɛ Hezekia akɛ,+ ‘Nɔ ni Yehowa, otsɛ* David Nyɔŋmɔ lɛ kɛɛ nɛ: “Minu osɔlemɔ lɛ.+ Ni mina oyaafonui lɛ hu.+ Naa, mikɛ afii 15 baagbe owala afii* lɛ ayi,+
6 ni majie bo kɛ maŋ nɛɛ kɛje Asiria maŋtsɛ lɛ dɛŋ, ni mafã maŋ nɛɛ he.+
7 Okadi ni jɛ Yehowa ŋɔɔ koni okɛna akɛ nɔ ni Yehowa ewie lɛ baaba mli lɛ nɛ:+
8 Naa, mahã hulu lɛ hɔɔŋ lɛ ni miikpeleke shi yɛ Ahaz atrakpoi* lɛ anɔ lɛ aya sɛɛ nanefaamɔi nyɔŋma.”’”+ No hewɔ lɛ, hulu lɛ tee sɛɛ nanefaamɔi nyɔŋma yɛ atrakpoi ni ekpeleke shi momo yɛ amɛnɔ lɛ anɔ.
9 Nɔ ni Yuda maŋtsɛ Hezekia ŋma be ni hela mɔ lɛ ni ená hewalɛ lɛ nɛ:
10 Mikɛɛ akɛ, “Miwala afii lɛ teŋ tuuntuMabote Gbonyobu* lɛ agbói lɛ amli.
Abaashɔ̃ miwala afii ni eshwɛ lɛ yɛ midɛŋ.”
11 Mikɛɛ akɛ: “Minaŋ Yah,* minaŋ Yah yɛ hiɛkãalɔi ashikpɔŋ lɛ nɔ.+
Kɛ́ miyafata mɛi ni yɔɔ he ni nɔ fɛɛ nɔ sɛɛ foɔ yɛ lɛ ahe lɛMinaŋ gbɔmɛi dɔŋŋ.
12 Ajie mimama tsũ lɛ, ni awó kɛje minɔ+Tamɔ tookwɛlɔ mama tsũ.
Mikota miwala tamɔ bɔ ni mamalolɔ kotaa mama lɛ;Efo mi eshɛ efɔ̃ tamɔ bɔ ni mamalolɔ foɔ mama nɔ yɛ mamaloo tsɔne he lɛ.
Be ni je tsɛreɔ ni je naa lɛ, okɛ mi miiba naagbee.+
13 Mihãa mihe tsui kɛyashiɔ je tsɛreɔ.
Ejwaraa miwui lɛ fɛɛ tamɔ jata jwaraa wui lɛ;Be ni je tsɛreɔ ni je naa lɛ, okɛ mi miiba naagbee.+
14 Miyaa nɔ mifóɔ tamɔ nyɔŋmɔbitɛte loo afilimata;*+Miyaa nɔ mifóɔ tamɔ okpo.+
Etɔ mihiŋmɛii kɛ ŋwɛi kwɛmɔ:+
‘Ao Yehowa, mihao waa;Ye obua mi!’*+
15 Mɛni makɛɛ?
Ekɛ mi ewie ni efee hu.
Manyiɛ mɔbɔmɔbɔ miwala afii lɛ fɛɛEjaakɛ mihao waa.*
16 ‘Ao Yehowa, nibii nɛɛ* anaa gbɔmɔ fɛɛ gbɔmɔ hiɔ shi yɛ,Ni nomɛi amli nɔŋŋ miwala mumɔ lɛ yɔɔ.
Obaahã maná hewalɛ ni obaabaa miyi.+
17 Naa! Haomɔ babaoo moŋ miná yɛ toiŋjɔlɛ najiaŋ;Shi suɔmɔ ni oyɔɔ kɛhã mi* lɛ hewɔ lɛ,Obaa miyi kɛje hiɛkpatamɔ bu lɛ mli.+
Oshɛrɛ mihe eshai lɛ fɛɛ oshwie osɛɛ.*+
18 Ejaakɛ Gbonyobu* lɛ nyɛŋ awo ohiɛ nyam,+Gbele nyɛŋ ajie oyi.+
Mɛi ni kpelekeɔ shi kɛyaa bu lɛ mli lɛ nyɛŋ amɛkɛ amɛhiɛ afɔ̃ onɔkwayeli lɛ nɔ.+
19 Hiɛkãalɔi, hiɛkãalɔi moŋ baanyɛ ajie oyi,Tamɔ bɔ ni manyɛ mafee ŋmɛnɛ gbi nɛɛ.
Tsɛ baanyɛ ahã ebii* ale onɔkwayeli lɛ he sane.+
20 Ao Yehowa, heremɔ mi,Ni wɔkɛ kpãa saŋkui baatswa milalai lɛ+Miwala gbii lɛ fɛɛ yɛ Yehowa shĩa lɛ.’”+
21 Kɛkɛ ni Yesaia kɛɛ akɛ: “Nyɛkɛ agbami keeki* abaa ni nyɛkɛbatoa asane lɛ nɔ koni Hezekia aná hewalɛ.”+
22 No mli lɛ, Hezekia ebi akɛ: “Mɛni ji okadi ni tsɔɔ akɛ makwɔ kɛya Yehowa shĩa lɛ?”+
Shishigbɛ Niŋmaa
^ Loo “Okɛ gbɛtsɔɔmɔi ahã oshĩabii lɛ.”
^ Loo “Yehowa wiemɔ lɛ ba Yesaia ŋɔɔ.”
^ Hebri sht. ŋm., “gbii.”
^ Loo “oblematsɛ.”
^ Eeenyɛ efee akɛ, akɛ atrakpoi nɛɛ buɔ be, tamɔ bɔ ni akɛ hulu hɔɔŋ buɔ be lɛ.
^ Hebri mli lɛ, “Sheol,” ni ji, mfonirifeemɔŋ gbonyobu kome kɛhã adesai. Kwɛmɔ Wiemɔi Titrii Amligbalamɔ lɛ.
^ “Yah” ji gbɛ́i Yehowa lɛ ní afo lɛ kuku.
^ Hebri sht. ŋm., “Daamɔ mli ohã mi.”
^ Shishitsɔɔmɔi komɛi kɛɔ akɛ, “gɔdɔ.”
^ Loo “misusuma miijoo.”
^ Ni ji, Nyɔŋmɔ wiemɔi lɛ kɛ enifeemɔi lɛ.
^ Loo “misusuma.”
^ Loo “Ojie mihe eshai lɛ fɛɛ kɛje ohiɛ.”
^ Hebri mli lɛ, “Sheol,” ni ji, mfonirifeemɔŋ gbonyobu kome kɛhã adesai. Kwɛmɔ Wiemɔi Titrii Amligbalamɔ lɛ.
^ Hebri sht. ŋm., “ebihii.”
^ Keeki nɛɛ ji agbamii ni egbi ni anyɛmɔ nɔ afee lɛ ekome tamɔ pan keeki.
