Yesaia 48:1-22
48 Nyɛ Yakob shĩa, nyɛboa enɛ toi,Nyɛ mɛi ni nyɛkɛ Israel gbɛ́i lɛ tsɛɔ nyɛhe,+Ni nyɛjɛ Yuda nui lɛ amli kɛba,Nyɛ mɛi ni nyɛkɛ Yehowa gbɛ́i lɛ kãa kitã+Ni nyɛboɔ nyɛtsɛɔ Israel Nyɔŋmɔ lɛShi jeee yɛ anɔkwale kɛ jalɛ nifeemɔ mli lɛ.+
2 Ejaakɛ amɛkɛ maŋ krɔŋkrɔŋ lɛ gbɛ́i lɛ tsɛɔ amɛhe+Ni amɛtaoɔ Israel Nyɔŋmɔ lɛ dɛŋ yelikɛbuamɔ,+Mɔ ni gbɛ́i ji Yehowa, taiatsɛ lɛ.
3 “Kɛjɛ blema tɔ̃ɔ ni mikɛɛ nyɛ klɛŋklɛŋ nibii lɛ.
Amɛjɛ mi diɛŋtsɛ minaa,Ni mihã nyɛle.+
Mitsu he nii oya nɔŋŋ, ni amɛba mli.+
4 Ejaakɛ mile bɔ ni okuɛŋ ti hã—okuɛ he kpãi lɛ tamɔ dade, ni ohiɛnaa tamɔ akɔɔble+—
5 Mikɛɛ bo jeeŋmɔ momo.
Mihã onu he dani eba mli,Koni okakɛɛ akɛ, ‘Mimaga lɛ ni fee enɛ;Mimaga ni agbɔ* kɛ midade amaga lɛ ji nɔ ni kɛ famɔ nɛɛ hã.’
6 Nyɛnu ni nyɛna enɛɛmɛi fɛɛ.
Ani nyɛjajeŋ nyɛtsɔŋ?+
Kɛjɛ amrɔ nɛɛ kɛyaa lɛ, miikɛɛ nyɛ nibii hei,+Teemɔŋ saji ni akɛto jogbaŋŋ ni nyɛleee.
7 Kpaako abɔɔ amɛ, ni jeee blema,Nibii ni onuko dã ja ŋmɛnɛ,Koni okakɛɛ akɛ, ‘Naa! Mile amɛ momo.’
8 Dabi, onuko dã,+ ni oleee hu,Ni kɛjɛ blema fɛɛ lɛ, no mli lɛ, agbeleko otoi.
Ejaakɛ mile akɛ oyeee anɔkwa kwraa,+Ni atsɛ bo nɔtɔlɔ kɛjɛ ofɔmɔ mli tɔ̃ɔ.+
9 Shi migbɛ́i lɛ hewɔ lɛ, magbala mimlifu lɛ sɛɛ;+Maye mihe nɔ yɛ ogbɛfaŋ yɛ mi diɛŋtsɛ miyijiemɔ lɛ hewɔ,Ni mikpãtãŋ ohiɛ.+
10 Naa! mitsuu ohe, shi jeee tamɔ jwiɛtɛi.+
Mika bo mikwɛ* yɛ amanehulu dade seremɔ flɔnɔɔ lɛ mli.+
11 Mi diɛŋtsɛ mihewɔ, anɔkwa mi diɛŋtsɛ mihewɔ mafee,+Ejaakɛ te aaafee tɛŋŋ ni mahã abule migbɛ́i lɛ?+
Mikɛ minunyam lɛ hãaa mɔ ko mɔ ko.*
12 Bo Yakob, kɛ Israel, mɔ ni mihala, bo mi toi.
Mi nɔŋŋ ni.+ Miji klɛŋklɛŋ mɔ lɛ; mi nɔŋŋ ji naagbee mɔ lɛ.+
13 Mi diɛŋtsɛ minine to shikpɔŋ lɛ faneshi lɛ shishi,+Ni mininejurɔ lɛɛ ŋwɛii lɛ amli.+
Be ni mitsɛ amɛ lɛ, amɛ fɛɛ amɛte shi.
14 Nyɛ fɛɛ nyɛbuaa nyɛhe naa ni nyɛboa toi.
Amɛteŋ namɔ ejaje nibii nɛɛ etsɔɔ?
Yehowa sumɔɔ lɛ.+
Ebaatsu nɔ ni enáa he miishɛɛ lɛ eshi Babilon,+Ni ebaawó enine nɔ eshi Kaldeabii lɛ.+
15 Mi diɛŋtsɛ miwie, ni mitsɛ lɛ.+
Mikɛ lɛ eba, ni ebaaye omanye yɛ egbɛ lɛ nɔ.+
16 Nyɛtsia nyɛbɛŋkɛa mi, ni nyɛboa enɛ toi.
Kɛjɛ shishijee tɔ̃ɔ lɛ miwieee yɛ teemɔŋ.+
Be ni eba mli lɛ, no mli lɛ miyɛ jɛmɛ.”
Ni agbɛnɛ Nuŋtsɔ Ofe Yehowa etsu mi kɛ emumɔ lɛ.
17 Nɔ ni Yehowa, o-Kpɔ̃lɔ lɛ kɛ Israel Mɔ Krɔŋkrɔŋ lɛ kɛɛ nɛ:+
“Mi Yehowa, miji o-Nyɔŋmɔ lɛ,Mɔ ni tsɔɔ bo nii koni oná he sɛɛ lɛ,*+Mɔ ni tsɔɔ bo gbɛ yɛ gbɛ ni esa akɛ onyiɛ nɔ lɛ nɔ lɛ.+
18 Miná kulɛ oboɔ mikitãi lɛ toi jogbaŋŋ!+
Kulɛ otoiŋjɔlɛ lɛ baafee tamɔ faa+Ni ojalɛ nifeemɔ lɛ hu baafee tamɔ ŋshɔkei.+
19 Oseshi* lɛ baafa babaoo tamɔ shiaNi oshwiei lɛ hu baafa tamɔ shia kulibii.+
Afoŋ amɛgbɛ́i ashɛŋ afɔ̃ŋ ni atsumɔŋ amɛgbɛ́i hu kɔkɔɔkɔ yɛ mihiɛ.”
20 Nyɛjea Babilon!+
Nyɛjoa foi kɛjea Kaldeabii lɛ ateŋ!
Nyɛkɛ nyamɔ lala atswaa he adafi! Nyɛjajea nyɛtsɔa!+
Nyɛhãa alea kɛyashia shikpɔŋ lɛ naagbeehei lɛ.+
Nyɛkɛa akɛ: “Yehowa ekpɔ̃ etsulɔ Yakob.+
21 Be ni enyiɛ amɛhiɛ kɛyatsɔ shikpɔji kpatai anɔ lɛ, kumai yeee amɛ.+
Ehã nu ho kɛje tɛsaa mli ehã amɛ;Egba tɛsaa mli, ni nu tue kɛje kpo.”+
22 Yehowa kɛɛ, “Toiŋjɔlɛ ko bɛ kɛhã mɛi fɔji.”+
Shishigbɛ Niŋmaa
^ Loo “akpɛ́.”
^ Loo “Mitao omli mikwɛ.” Shishitsɔɔmɔi komɛi kɛɔ akɛ, “Mihala bo.”
^ Loo “Mikɛ mɔ ko mɔ ko ejaŋ minunyam lɛ.”
^ Loo “koni ehi ehã bo lɛ.”
^ Hebri sht. ŋm., “odumɔwu.”
