Yesaia 61:1-11
61 Nuŋtsɔ Ofe Yehowa mumɔ lɛ yɛ minɔ,+Ejaakɛ Yehowa efɔ mi mu koni mijaje sane kpakpa mihã mɛi ni he jɔ* lɛ.+
Etsu mi koni mifimɔ mɛi ni tsui ekumɔ lɛ atsui,Koni mishiɛ heyeli mihã mɛi ni aŋɔ amɛ nom lɛKɛ hiŋmɛigbelemɔ hu mihã mɛi ni awo amɛ tsuŋ lɛ,+
2 Koni mishiɛ Yehowa mlihilɛ* afi lɛKɛ wɔ-Nyɔŋmɔ lɛ oweletɔɔ gbi lɛ,+Koni mishɛje mɛi fɛɛ ni yeɔ awerɛho lɛ amii,+
3 Koni mihã mɛi ni yeɔ awerɛho yɛ Zion hewɔ lɛ nɔ ko,Koni mihã amɛ yitsofiinɔ yɛ lamulu najiaŋ,Nyamɔ mu yɛ awerɛho najiaŋ,Yijiemɔ atade yɛ mumɔ ni ehao najiaŋ.
Ni abaatsɛ amɛ akɛ jalɛ nifeemɔ tsei wuji,Yehowa dumɔnii, koni akɛwo ehiɛ nyam.*+
4 Amɛbaatswa blema tsukoi lɛ ekoŋŋ;Amɛbaahole blema hei ni etsɔmɔ amaŋfɔi lɛ anɔ amɛmamɔ shi,+Amɛbaasaa maji ni ekumɔ lɛ,+Hei ni kamɔ shi amaŋfɔ kɛjɛ yinɔ kome nɔ kɛtee yinɔ kroko nɔ lɛ.+
5 “Mɛikpɔji baate shi ni amɛbaakwɛ otooku lɛ akɛ tookwɛlɔi,Ni gbɔi+ baatsɔmɔ okwaafoi kɛ waintromsaalɔi amɛhã bo.+
6 Shi nyɛ lɛ, abaatsɛ nyɛ Yehowa osɔfoi;+Amɛbaatsɛ nyɛ wɔ-Nyɔŋmɔ lɛ sɔɔlɔi.
Nyɛbaaye jeŋmaji lɛ anii,+Ni nyɛbaashwã yɛ amɛnunyam* lɛ hewɔ.
7 Abaaku abɔ he toi enyɔ ahã nyɛ yɛ hiɛgbele najiaŋ,Ni amɛbaalá nyamɔ lala yɛ hiɛshishwiemɔ najiaŋ yɛ amɛgbɛfaŋnɔ lɛ hewɔ.
Lɛɛlɛŋ, abaaku abɔ he toi enyɔ ahã amɛ yɛ amɛshikpɔŋ lɛ nɔ.+
Naanɔ miishɛɛ baafee amɛnɔ.+
8 Ejaakɛ mi, Yehowa, misumɔɔ jalɛsaneyeli;+Minyɛɔ ojotswaa kɛ nii ni ejaaa.+
Mawo amɛ nyɔmɔ pɛpɛɛpɛ,Ni mikɛ amɛ baakpaŋ naanɔ kpaŋmɔ.+
9 Abaale amɛseshi* lɛ yɛ jeŋmaji lɛ ateŋ+Kɛ amɛshwiei lɛ hu yɛ majimaji lɛ ateŋ.
Mɛi fɛɛ ni naa amɛ lɛ, baayoo amɛ,Akɛ amɛji seshi* ni Yehowa ejɔɔ lɛ.”+
10 Mimli baafili mi waa yɛ Yehowa hewɔ.
Migbɔmɔtso muu lɛ fɛɛ* baanya yɛ mi-Nyɔŋmɔ lɛ hewɔ.+
Ejaakɛ ekɛ yiwalaheremɔ atadei ewo mi;+Ekɛ jalɛ nifeemɔ atade kakadaŋŋ* ewo mi,Tamɔ bɔ ni ayemforo wu kɛ yitsofiinɔ fiɔ eyitso tamɔ osɔfo nɔ lɛ,+Kɛ bɔ ni ayemforo kɛ hewulamɔnii wulaa ehe lɛ.
11 Ejaakɛ bɔ ni shikpɔŋ lɛ baa enii ni kwɛ̃ɔKɛ bɔ ni abɔɔ hãa nii ni adu yɛ emli lɛ kwɛ̃ɔ lɛ,Nakai Nuŋtsɔ Ofe YehowaBaahã jalɛ nifeemɔ+ kɛ yijiemɔ akwɛ̃+ yɛ jeŋmaji lɛ fɛɛ ahiɛ.
Shishigbɛ Niŋmaa
^ Loo “heshibalɔi.”
^ Loo “dromɔ.”
^ Loo “akɛwula lɛ.”
^ Loo “amɛninamɔ.”
^ Hebri sht. ŋm., “amɛdumɔwu.”
^ Hebri sht. ŋm., “dumɔwu.”
^ Loo “Misusuma.”
^ Loo “atade ni nine bɛ he.”
