Yesaia 9:1-21
9 Shi duŋ kpii lɛ efeŋ tamɔ be ni haomɔ ba shikpɔŋ lɛ nɔ lɛ, tamɔ bɔ ni be ko ni eho lɛ abuuu Zebulon shikpɔŋ lɛ kɛ Naftali shikpɔŋ lɛ ahãaa nɔ ko lɛ.+ Shi sɛɛ mli lɛ, ebaahã* nakai shikpɔŋ lɛ—gbɛ ni kã ŋshɔ lɛ he yɛ Yordan kpokpaa lɛ nɔ, ni ji jeŋmaji lɛ a-Galilea lɛ—hiɛ aba nyam.
2 Mɛi ni nyiɛ duŋ mli lɛ,Ena la kpele.
Mɛi ni yɔɔ shikpɔŋ ni nɔ ewo duŋ kpii nɔ lɛ,La ekpɛ yɛ amɛnɔ.+
3 Ohã mɛi ni yɔɔ jeŋmaŋ lɛ mli lɛ ayi efa;Ohã enyamɔ lɛ eda.
Amɛnyaa yɛ ohiɛTamɔ bɔ ni mɛi nyaa yɛ nikpamɔ be mli lɛ,Tamɔ bɔ ni mɛi nyaa be ni amɛmiija ta mli nii lɛ.
4 Ejaakɛ okumɔ amɛjatsuteremɔtso lɛ dukuduku,Amɛkɔɔŋtso lɛ, mɔ ni nyɛɔ amɛnɔ ni amɛtsu nii lɛ dɛhiɛmɔtso lɛ,Tamɔ eba lɛ yɛ Midian gbi lɛ nɔ lɛ.+
5 Shuu fɛɛ shuu ni asraafoi kɛshimɔɔ shi yɛ ta mli lɛKɛ atade fɛɛ atade ni efɔ kɛ lá lɛAbaashã yɛ la mli.
6 Ejaakɛ afɔ bi ahã wɔ,+Ahã wɔ binuu;Ni nɔyeli* baakã ekɔɔŋ nɔ.+
Abaatsɛ lɛ akɛ Ŋaawolɔ Ni Nɔ Bɛ,+ Nyɔŋmɔ Hewalɔ,+ Naanɔ Tsɛ, Toiŋjɔlɛ Lumɔ.
7 Enɔyeli* lɛ dalɛKɛ toiŋjɔlɛ lɛ baŋ naagbee,+Yɛ David maŋtsɛ sɛi+ lɛ kɛ emaŋtsɛyeli lɛ nɔ,Koni ekɛ jalɛsaneyeli+ kɛ jalɛ nifeemɔi+Ahã ema shi shiŋŋ,+ ni ehã ehi shi daa,Kɛjɛ bianɛ kɛmiiya naanɔ.
Yehowa, taiatsɛ lɛ, baafee enɛ yɛ ehiɛdɔɔ lɛ naa.
8 Yehowa kɛ wiemɔ tsu koni akɛyabɔ Yakob kɔkɔ,Ni eba Israel nɔ.+
9 Ni maŋbii lɛ fɛɛ baaná ale—Efraimbii lɛ kɛ mɛi ni yɔɔ Samaria lɛ—Mɛi ni kɛ henɔwomɔ kɛ tsuiŋwalɛ kɛɔ akɛ:
10 “Brikii* lɛ eshwie shi moŋ,Shi wɔkɛ tɛi ni ako baama.+
Afolɔ sikamore tsei lɛ ashwie shi moŋ,Shi wɔkɛ tseneduru tsei baaye najiaŋ” lɛ.
11 Yehowa baatee Rezin henyɛlɔi lɛ ashi awo lɛNi ebaahã ehenyɛlɔi lɛ ate shi,
12 Siria baajɛ bokã kɛba ni Filistibii lɛ baajɛ anai kɛba,*+Amɛbaagbɛ amɛdaaŋ hatoo ni amɛbaami Israel.+
Enɛ fɛɛ sɛɛ lɛ, egbalako emlifu lɛ sɛɛ,Shi ekpã enine mli lolo koni etswa amɛ nɔ.+
13 Ejaakɛ maŋbii lɛ ekuko amɛsɛɛ kɛyako mɔ ni tswa amɛ nɔ lɛ ŋɔɔ;Amɛtaoko Yehowa, taiatsɛ lɛ, sɛɛ gbɛ.+
14 Yehowa baafo yitso kɛ lei, nɔ ni ekwɛ̃ kɛ jwɛi kakadaŋŋ*Kɛje Israel yɛ gbi kome mli.+
15 Onukpa ni abuɔ lɛ waa lɛ ji yitso lɛ,Ni gbalɔ ni kɛ amale gbɛtsɔɔmɔ hãa lɛ ji lei lɛ.+
16 Mɛi ni nyiɛ maŋbii nɛɛ ahiɛ lɛ miihã amɛmiidu gbɛ,Ni mɛi ni anyiɛ amɛhiɛ lɛ ayiŋ efutu amɛ.
17 No hewɔ ni Yehowa náŋ amɛblahii lɛ ahe miishɛɛ lɛ,Ni enaŋ amɛbii ni bɛ tsɛmɛi* lɛ kɛ amɛyei okulafoi lɛ mɔbɔEjaakɛ amɛ fɛɛ amɛkwa ejamɔ lɛ, ni amɛji eshafeelɔi+Ni naabu fɛɛ naabu ewieee hiɛshikamɔ wiemɔi.
Enɛ fɛɛ sɛɛ lɛ, egbalako emlifu lɛ sɛɛ,Shi ekpã enine mli lolo koni etswa amɛ nɔ.+
18 Ejaakɛ efɔŋfeemɔ tsoɔ tamɔ la,Eshãa ŋmei tsei kɛ jwɛi.
Ebaawo koo ni ebu kusuu lɛ mli la,Ni amɛlasu kpɔŋŋ lɛ baate shi kɛya ŋwɛi.
19 Yehowa, taiatsɛ lɛ, mlila lɛEwo shikpɔŋ lɛ nɔ la,Ni maŋbii lɛ baatsɔmɔ tamɔ lai kɛhã la lɛ.
Mɔ ko mɔ ko yeŋ ebuaŋ enyɛmi.
20 Mɔ ko baafo niyenii efɔ̃ shi yɛ ninejurɔShi hɔmɔ baaye lɛ lolo;Ni mɔ ko baaye nii yɛ abɛkuShi etɔŋ.
Mɔ fɛɛ mɔ baaye lɛ diɛŋtsɛ enine he loo,
21 Manase baaye Efraim,Ni Efraim baaye Manase.
Amɛbaafee ekome amɛwo Yuda.+
Enɛ fɛɛ sɛɛ lɛ, egbalako emlifu lɛ sɛɛ,Shi ekpã enine mli lolo koni etswa amɛ nɔ.+
Shishigbɛ Niŋmaa
^ Ni ji, Nyɔŋmɔ.
^ Loo “maŋtsɛyeli; lumɔyeli.”
^ Loo “Emaŋtsɛyeli; Elumɔyeli.”
^ Loo “Ntayai.”
^ Hebri sht. ŋm., “baajɛ esɛɛ kɛba.”
^ Shishitsɔɔmɔi komɛi kɛɔ akɛ, “tɛŋ bɛlɛo kɛ gãlã.”
^ Loo “awusãi ni yɔɔ amɛteŋ.”
