Yoshua 13:1-33
13 Agbɛnɛ, Yoshua egbɔ ni eye afii pii.+ No hewɔ lɛ, Yehowa kɛɛ lɛ akɛ: “Ogbɔ ni oye afii pii; shi shikpɔŋ ni eshwɛ ni sa akɛ aŋɔ* lɛ fa lolo.
2 Shikpɔŋ ni eshwɛ lɛ nɛ:+ Filistibii lɛ akpokpai lɛ fɛɛ kɛ Geshurbii+ lɛ anɔ lɛ fɛɛ,
3 (kɛjɛ Nilo* lɛ nine ni yɔɔ Ejipt bokãgbɛ* lɛ kɛyashi Ekron husu lɛ naa yɛ kooyigbɛ, he ni tsutsu lɛ abuɔ lɛ akɛ Kanaanbii lɛ akpokpaa lɛ)+ kɛ Filistibii lɛ anɔyelɔi enumɔ+ lɛ akpokpaa lɛ—ni ji Gazabii lɛ kɛ Ashdodbii+ lɛ kɛ Ashkelonbii+ lɛ kɛ Gatbii+ lɛ kɛ Ekronbii+ lɛ; kɛ Avibii+ lɛ akpokpaa lɛ
4 kɛtee wuoyigbɛ; Kanaanbii lɛ ashikpɔŋ lɛ fɛɛ; Meara, ni ji Sidonbii+ lɛ ashikpɔŋ lɛ, aahu kɛyashi Afek, kɛtee Amorbii lɛ ahusu lɛ naa;
5 Gebalbii+ lɛ ashikpɔŋ lɛ kɛ Lebanon fɛɛ kɛtee bokãgbɛ, kɛjɛ Baal-gad ni yɔɔ Hermon Gɔŋ lɛ shishi lɛ kɛyashi Lebo-hamat;*+
6 mɛi fɛɛ ni yɔɔ gɔji lɛ anɔ kɛjɛ Lebanon+ kɛyashi Misrefot-maim;+ kɛ Sidonbii+ lɛ fɛɛ. Mashwie amɛ* yɛ Israelbii lɛ ahiɛ.+ Bo lɛ, nɔ ni esa akɛ ofee kɛkɛ ji, ní oja shikpɔŋ lɛ ohã Israel akɛ amɛgboshinii, tamɔ bɔ ni mifã bo lɛ.+
7 Agbɛnɛ, jaa shikpɔŋ nɛɛ ohã wekui nɛɛhu lɛ kɛ Manase weku lɛ fã lɛ akɛ amɛgboshinii.”+
8 Manase weku lɛ fã kroko lɛ kɛ Rubenbii lɛ kɛ Gadbii lɛ ŋɔ amɛgboshinii ni Mose kɛhã amɛ yɛ Yordan lɛ bokãgbɛ lɛ, tamɔ bɔ ni Yehowa tsulɔ Mose kɛhã amɛ momo lɛ:+
9 kɛjɛ Aroer,+ ni kã Arnon Jɔɔ*+ lɛ naa lɛ, kɛ maŋ ni yɔɔ jɔɔ lɛ teŋ lɛ, kɛ Medeba gɔŋ kɛ eyiteŋ tɛtrɛɛ lɛ fɛɛ kɛyashi Dibon tɔ̃ɔ;
10 kɛ Amorbii lɛ amaŋtsɛ Sihon ni ye nɔ yɛ Heshbon lɛ maji lɛ fɛɛ, kɛyashi Amonbii lɛ ahusu lɛ naa;+
11 kɛ Gilead hu, kɛ Geshurbii kɛ Maakatbii+ lɛ akpokpaa lɛ kɛ Hermon Gɔŋ lɛ fɛɛ kɛ Bashan+ fɛɛ kɛyashi Saleka tɔ̃ɔ;+
12 Og, mɔ ni ye nɔ yɛ Ashtarot kɛ Edrei lɛ maŋtsɛyeli shikpɔŋ lɛ fɛɛ ni yɔɔ Bashan lɛ. (Og ji Refabii lɛ ateŋ naagbee bii lɛ ateŋ mɔ kome.)+ Mose ye amɛnɔ kunim ni eshwie amɛ.*+
13 Shi Geshurbii kɛ Maakatbii lɛ, Israelbii lɛ eshwieee amɛ,*+ ejaakɛ Geshurbii kɛ Maakatbii lɛ hi Israelbii lɛ ateŋ kɛbashi ŋmɛnɛ.
14 Levibii lɛ aweku lɛ pɛ ehãaa amɛ gboshinii ko.+ Afɔlei ni akɛ la shãa ahãa Yehowa, Israel Nyɔŋmɔ lɛ, ji amɛgboshinii,+ tamɔ bɔ ni ewo amɛ shi lɛ pɛpɛɛpɛ.+
15 Ni Mose hã Rubenbii lɛ aweku lɛ gboshinii yɛ amɛtsɛmɛi ashĩai lɛ anaa,
16 ni amɛshikpɔŋ lɛ ji kɛjɛ Aroer ní kã Arnon Jɔɔ* lɛ naa lɛ, kɛ maŋ ni yɔɔ jɔɔ lɛ teŋ lɛ, kɛ gɔŋ kɛ eyiteŋ tɛtrɛɛ lɛ fɛɛ ni yɔɔ Medeba lɛ;
17 Heshbon kɛ emaji fɛɛ+ ni yɔɔ gɔŋ kɛ eyiteŋ tɛtrɛɛ lɛ nɔ lɛ, Dibon kɛ Bamot-baal kɛ Bet-baal-meon+
18 kɛ Yahaz+ kɛ Kedemot+ kɛ Mefaat+
19 kɛ Kiriataim kɛ Sibma+ kɛ Zeret-shahar ni yɔɔ jɔɔ lɛ mli gɔŋ lɛ nɔ lɛ,
20 Bet-peor kɛ Pisga gɔŋ+ lɛ kɛ Bet-yeshimot+
21 kɛ maji fɛɛ ni yɔɔ gɔŋ kɛ eyiteŋ tɛtrɛɛ lɛ nɔ lɛ, kɛ Amorbii lɛ amaŋtsɛ Sihon ní ye nɔ yɛ Heshbon lɛ maŋtsɛyeli shikpɔŋ lɛ fɛɛ.+ Mose ye enɔ kunim,+ lɛ kɛ Midian lumɛi Evi kɛ Rekem kɛ Zur kɛ Hur kɛ Reba,+ ni ji maŋtsɛmɛi ni yɔɔ Sihon shishi ni hi shikpɔŋ lɛ nɔ lɛ.
22 Israelbii lɛ kɛ klante gbe Bileam,+ Beor binuu klamɔfonyo+ lɛ hu amɛfata mɛi ni agbe lɛ ahe.
23 Rubenbii lɛ ahusu ji Yordan lɛ; ni shikpɔŋ nɛɛ kɛ maji lɛ kɛ amɛshihilɛhei lɛ ji Rubenbii lɛ agboshinii yɛ amɛtsɛmɛi ashĩai lɛ anaa.
24 Agbɛnɛ hu, Mose hã Gad weku lɛ, ni ji Gadbii lɛ gboshinii, yɛ amɛtsɛmɛi ashĩai lɛ anaa,
25 ni amɛshikpɔŋ lɛ ji Yazer+ kɛ Gilead maji lɛ fɛɛ kɛ Amonbii+ lɛ ashikpɔŋ lɛ fã, aahu kɛyashi Aroer ní kã Raba+ hiɛ lɛ;
26 kɛ agbɛnɛ hu, kɛjɛ Heshbon+ kɛtee Ramat-mizpe kɛ Betonim, kɛjɛ Mahanaim+ kɛtee Debir husu lɛ naa;
27 ni jɔɔ lɛ mli hu lɛ, Bet-haram kɛ Bet-nimra+ kɛ Sukot+ kɛ Zafon, Maŋtsɛ Sihon ni hi Heshbon+ lɛ maŋtsɛyeli shikpɔŋ ni shwɛ lɛ, ni Yordan lɛ ji amɛhusu kɛjɛ Kineret Ŋshɔ*+ lɛ shishigbɛ naagbeehe lɛ, yɛ Yordan lɛ bokãgbɛ lɛ.
28 Shikpɔŋ nɛɛ kɛ maji lɛ kɛ amɛshihilɛhei lɛ ji Gadbii lɛ agboshinii yɛ amɛtsɛmɛi ashĩai lɛ anaa.
29 Agbɛnɛ hu, Mose hã Manase weku lɛ fã lɛ gboshinii, ehã Manase weku lɛ fã lɛ gboshinii yɛ amɛtsɛmɛi ashĩai lɛ anaa.+
30 Ni amɛshikpɔŋ lɛ ji kɛjɛ Mahanaim+ kɛmɔ Bashan fɛɛ, ni ji Bashan maŋtsɛ Og maŋtsɛyeli shikpɔŋ lɛ fɛɛ, kɛ Yair+ mama tsũ akrowai lɛ fɛɛ ni yɔɔ Bashan lɛ, maji 60.
31 Ni akɛ Gilead fã, kɛ Ashtarot kɛ Edrei,+ ni ji Og maŋtsɛyelihe lɛ mli maji ni yɔɔ Bashan lɛ hã Manase binuu Makir bihii+ lɛ, akɛhã Makir bihii lɛ fã yɛ amɛwekui lɛ anaa.
32 Enɛɛmɛi ji gboshinii ni Mose kɛhã amɛ yɛ Moab ŋa kpataa lɛ nɔ, yɛ Yordan lɛ sɛɛ, yɛ Yeriko bokãgbɛ.+
33 Shi Levibii lɛ aweku lɛ, Mose hãaa amɛ gboshinii ko.+ Yehowa, Israel Nyɔŋmɔ lɛ, ji amɛgboshinii, tamɔ bɔ ni ewo amɛ shi lɛ pɛpɛɛpɛ.+
Shishigbɛ Niŋmaa
^ Loo “aye nɔ.”
^ Hebri sht. ŋm., “Ejipt hiɛ.”
^ Loo “Shihor.”
^ Loo “he ni atsɔɔ kɛboteɔ Hamat lɛ.”
^ Loo “Mashɔ̃ amɛshikpɔŋ lɛ yɛ amɛdɛŋ.”
^ Loo “Arnon Nujɔɔ.”
^ Loo “ni eshɔ̃ amɛshikpɔŋ lɛ yɛ amɛdɛŋ.”
^ Loo “shɔ̃ɔɔ amɛshikpɔŋ lɛ yɛ amɛdɛŋ.”
^ Loo “Arnon Nujɔɔ.”
^ Ni ji, Genesaret kpaakpo lɛ, loo Galilea Ŋshɔ lɛ.
