2 | “Ŋmalɛ Lɛ Mli Miishɛjemɔ”

TSWAA

BIBLIA LƐ KƐƐ: “Nibii fɛɛ ni aŋma ato momo lɛ, aŋma koni etsɔɔ wɔ nii, koni kɛtsɔ wɔshifimɔ kɛ agbɛnɛ hu, kɛtsɔ Ŋmalɛ lɛ mli miishɛjemɔ lɛ nɔ lɛ, wɔná hiɛnɔkamɔ.”—ROMABII 15:4.

Nɔ Ni Etsɔɔ

Miishɛjemɔ wiemɔi yɛ Biblia lɛ mli ni baanyɛ awa wɔ kɛkpee tsuiyeli, awerɛhoyeli, loo dɔlɛ naa. Biblia lɛ hãa wɔ hiɛnɔkamɔ hu akɛ, etsɛŋ, nibii nɛɛ fɛɛ sɛɛ baafo.

Bɔ Ni Obaanyɛ Oná He Sɛɛ

Wɔ fɛɛ wɔhaoɔ bei komɛi; shi yɛ mɛi ni jwɛŋmɔŋ naagba ehã amɛfee basaa loo amɛyeɔ amɛtsui fe nine lɛ agbɛfaŋ lɛ, be fɛɛ be nɛɛ amɛhao. Mɛɛ gbɛ nɔ Biblia lɛ baanyɛ awa amɛ?

Saji kpakpai pii yɛ Biblia lɛ mli ni wɔbaanyɛ wɔkɛye susumɔi ni hãa wɔhaoɔ lɛ najiaŋ. (Filipibii 4:8) Saji nɛɛ baanyɛ ashɛje wɔmii ni ehã wɔtsɛ wɔtsui wɔŋmɛ wɔmli koni wɔkahao loo wɔye awerɛho fe nine.—Lala 94:18, 19.
Kɛ́ wɔnuɔ he akɛ wɔhe bɛ sɛɛnamɔ lɛ, Biblia lɛ baanyɛ awa wɔ ni wɔjie nakai susumɔ lɛ kɛje wɔjwɛŋmɔŋ.—Luka 12:6, 7.
Ŋmalɛi pii yɛ Biblia lɛ mli ni hãa wɔheɔ wɔyeɔ waa akɛ Nyɔŋmɔ, wɔ-Bɔlɔ lɛ, shiko wɔ, ni akɛ enuɔ bɔ ni wɔnuɔ he wɔhãa lɛ shishi jogbaŋŋ.—Lala 34:18; 1 Yohane 3:19, 20.
Biblia lɛ ewo shi akɛ, Nyɔŋmɔ baajie nibii fɛɛ ni hãa wɔnuɔ dɔlɛ he loo wɔyeɔ awerɛho lɛ kɛya. (Yesaia 65:17; Kpojiemɔ 21:4) Kɛ́ wɔfee basaa loo susumɔi ni esaaa hã wɔhao lɛ, shiwoo nɛɛ baanyɛ ahã wɔná hewalɛ kɛfi shi.

Bɔ Ni Biblia Lɛ Waa Mɛi Jessica

Bɔ Ni Minuɔ He Mihãa Kɛ́ Mifee Basaa

“Be ni miye afii 25 lɛ, gbi ko lɛ mifee basaa waa, ni ana akɛ miná jwɛŋmɔŋ naagba ko, ni no hã eba lɛ nakai lɛ. Kɛ́ miyɛ nɔŋŋ lɛ, mikaiɔ saji fɔji komɛi ni etee nɔ yɛ mishihilɛ mli, ni no hãa miwerɛ hoɔ mihe waa. Dɔkitafoi lɛ hã mina akɛ, saji fɔji komɛi ni etee nɔ yɛ mishihilɛ mli lɛ ni hãa misusuɔ nii ahe yɛ gbɛ ni esaaa nɔ lɛ, ni no hãa mifeɔ basaa waa lɛ. Eyɛ mli akɛ ahã mi tsofai moŋ, shi ehe bahia ni mayana dɔkitafonyo ko ni le jwɛŋmɔŋ naagbai ahe nii jogbaŋŋ koni ewa mi ni mana nɔ ni hãa misusuɔ nii ahe yɛ gbɛ ni esaaa nɔ lɛ, ni matsu he nii.”

Bɔ Ni Biblia Lɛ Waa Mi

“Be fɛɛ be kɛ́ mifee basaa lɛ, mitsui fãa, miyeɔ mitsui waa, ni minyɛɛɛ mawɔ. Bei pii kɛ́ shɛ gbɛkɛ lɛ, susumɔi ni hãa mifeɔ basaa baa mijwɛŋmɔŋ ni minyɛɛɛ he nɔ ko mafee. Tamɔ bɔ ni Lala 94:19 lɛ tsɔɔ lɛ, kɛ́ eba lɛ nakai lɛ Nyɔŋmɔ baanyɛ eshɛje wɔmii ni ehã wɔmii ashɛ wɔhe. Enɛ hewɔ lɛ, mihãa mi-Biblia kɛ wolo ko ni miŋmala ŋmalɛi ni woɔ mɔ hewalɛ yɛ mli lɛ hiɔ misaatso lɛ masɛi. Kɛ́ minyɛɛɛ mawɔ lɛ, mikaneɔ ŋmalɛi komɛi, ni no hãa Nyɔŋmɔ susumɔi lɛ shɛjeɔ mimii.

“Biblia lɛ woɔ wɔ hewalɛ ni wɔfamɔ susumɔi ni kɛ nɔ ni wɔle yɛ Nyɔŋmɔ he lɛ kpãaa gbee lɛ wɔshwie. Be ko ni eho lɛ, minuɔ he akɛ mijeee mɔ ko, anyɛŋ asumɔ mi, ni mihe bɛ sɛɛnamɔ. Shi mibana akɛ, nakai susumɔi lɛ kɛ Biblia lɛ kpãaa gbee, ejaakɛ Biblia lɛ tsɔɔ akɛ Nyɔŋmɔ ji Tsɛ ni yɔɔ suɔmɔ, ni musuŋ tsɔɔ lɛ, ni jwɛŋɔ wɔteŋ mɔ fɛɛ mɔ he. Fiofio lɛ, minyɛ mikudɔ misusumɔi, moŋ fe ni mahã misusumɔi lɛ akudɔ mi. Amrɔ nɛɛ minaa mihe taakɛ Nyɔŋmɔ naa mi lɛ. Enɛ ji nɔ ko ni he hiaa waa ni wa mi ni minyɛ miye susumɔ ni esaaa ni mihiɛ yɛ mihe lɛ nɔ.

“Miikpa be ni susumɔi ni hãa mɔ nuɔ awerɛhoyeli kɛ dɔlɛ he kɛ susumɔi ni esaaa fɛɛ sɛɛ baafo lɛ gbɛ waa. Mile akɛ wɔsɛɛ lɛ, mɔ ko mɔ ko náŋ jwɛŋmɔŋ naagba. Enɛ yeɔ ebuaa mi ni mikpeɔ minaagba lɛ naa bianɛ, ni ehãa mikpaa be ni mɔ ko mɔ ko efeŋ basaa dɔŋŋ lɛ gbɛ waa.”

Ekolɛ Obaasumɔ Enɛ Hu

SANEBIMƆI NI BIBLIA LƐ EHÃ HETOO

Obaanyɛ Oná Saji Yɛ Biblia Lɛ Mli Ni Baashɛje Omii

Biblia mli ŋmalɛi eshɛje mɛi ni miitsɔ shihilɛi ni mli wawai amli lɛ ateŋ mɛi babaoo amii.

BUU-MƆƆ

“Ŋmalɛ Lɛ Mli Miishɛjemɔ”

https://cms-imgp.jw-cdn.org/img/p/2023006/univ/art/2023006_univ_sqr_xl.jpg

wp23 No. 1 bf. 8-9

Yehowa Odasefoi

2 | “Ŋmalɛ Lɛ Mli Miishɛjemɔ”

Nɔ Ni Etsɔɔ

Bɔ Ni Obaanyɛ Oná He Sɛɛ

Ekolɛ Obaasumɔ Enɛ Hu

Obaanyɛ Oná Saji Yɛ Biblia Lɛ Mli Ni Baashɛje Omii

“Ŋmalɛ Lɛ Mli Miishɛjemɔ”

DAUNLODIMƆ HENƆ NI OSUMƆƆ

Jwɛŋmɔŋ Naagbai—Biblia Lɛ Baanyɛ Awa Bo

Jwɛŋmɔŋ Naagbai—Biblia Lɛ Baanyɛ Awa Bo

Nɔ Ni Etsɔɔ

Bɔ Ni Obaanyɛ Oná He Sɛɛ

Ekolɛ Obaasumɔ Enɛ Hu

DAUNLODIMƆ HENƆ NI OSUMƆƆ

Halamɔ Owiemɔ

Kɛmaje Mɔ Ko