Nyɔŋmɔ Jwɛŋɔ Ohe
WƆBAANÁ ŋaawoi ni fe fɛɛ yɛ Biblia lɛ mli, ejaakɛ ejɛ Nyɔŋmɔ ŋɔɔ. Ejeee wolo ni woɔ ŋaa yɛ helatsamɔ saji ahe moŋ, shi ebaanyɛ ewa wɔ ni wɔtsu naagbai ni suɔ mɔ tsui, susumɔi ni haoɔ mɔ, awerɛhoyeli kɛ dɔlɛ, gbɔmɔtsoŋ kɛ jwɛŋmɔŋ naagbai ni hãa mɔ feɔ basaa lɛ ahe nii jogbaŋŋ.
Nɔ ni fe fɛɛ lɛ, Biblia lɛ kɛɔ wɔ akɛ, Yehowa Nyɔŋmɔ, a wɔ-Bɔlɔ lɛ, nuɔ wɔsusumɔi kɛ wɔhenumɔi shishi kwraa fe mɔ fɛɛ mɔ. Efee klalo akɛ ebaawa wɔ kɛtsu naagba fɛɛ naagba ni wɔkɛbaakpe lɛ he nii. Naa Biblia lɛ mli ŋmalɛi enyɔ komɛi ni baanyɛ ashɛje omii:
“Yehowa yɛ mɛi ni tsui ekumɔ lɛ amasɛi; ehereɔ mɛi ni werɛ eho amɛhe lɛ.”—LALA 34:18.
“Mi, Yehowa, o-Nyɔŋmɔ lɛ, mihiɛ oninejurɔ mli, mi mɔ ni kɛɔ bo akɛ, ‘Kaashe gbeyei. Maye mabua bo’ lɛ.”—YESAIA 41:13.
Shi mɛɛ gbɛi anɔ Yehowa tsɔɔ ewaa wɔ koni wɔnyɛ wɔdamɔ jwɛŋmɔŋ naagbai anaa? Obaana yɛ saji ni nyiɛ sɛɛ lɛ amli akɛ, etsɔɔ gbɛi pii anɔ ehãa wɔnaa akɛ ejwɛŋɔ wɔhe lɛɛlɛŋ.
a Yehowa ji Nyɔŋmɔ gbɛ́i diɛŋtsɛ.—Lala 83:18.
