1 | Sɔlemɔ—‘Nyɛshɛrɛa Nibii Ni Hãa Nyɛyeɔ Nyɛtsui Lɛ Fɛɛ Nyɛshwiea Enɔ’
BIBLIA LƐ KƐƐ: ‘Nyɛshɛrɛa nibii ni hãa nyɛyeɔ nyɛtsui lɛ fɛɛ nyɛshwiea [Nyɔŋmɔ nɔ], ejaakɛ ejwɛŋɔ nyɛhe.’—1 PETRO 5:7.
Nɔ Ni Etsɔɔ
Yehowa Nyɔŋmɔ ekɛɛ wɔ akɛ, wɔkɛɛ lɛ nɔ fɛɛ nɔ ni gbaa wɔnaa. (Lala 55:22) Wɔbaanyɛ wɔsɔle yɛ nɔ fɛɛ nɔ he—nɔ ko wulu jio, nɔ ko bibioo jio. Kɛ́ eji nɔ ko ni kã wɔtsui nɔ lɛ, belɛ, ekã Yehowa hu tsui nɔ, ejaakɛ ejwɛŋɔ wɔhe ni enuɔ he ehãa wɔ. Sɔlemɔ ji nɔ ko ni he hiaa waa ni baanyɛ ahã wɔhe ajɔ wɔ.—Filipibii 4:6, 7.
Bɔ Ni Obaanyɛ Oná He Sɛɛ
Kɛ́ wɔkɛ jwɛŋmɔŋ naagba ko miikpe lɛ, ekolɛ wɔbaanu he akɛ mɔ ko mɔ ko nuuu wɔ shishi. Jeee be fɛɛ be mɛi baanyɛ anu bɔ ni onuɔ he ohãa lɛ shishi jogbaŋŋ. (Abɛi 14:10) Kɛ́ wɔjɛ wɔtsuiŋ wɔkɛɛ Nyɔŋmɔ bɔ ni wɔnuɔ he wɔhãa lɛ, ebaabo wɔ toi jogbaŋŋ, ni ebaanu wɔ shishi hu. Yehowa naa wɔ, ele nɔ fɛɛ nɔ ni suɔ wɔtsui, ni eesumɔ ni wɔsɔle wɔkɛɛ lɛ nɔ fɛɛ nɔ ni gbaa wɔnaa.—2 Kronika 6:29, 30.
Kɛ́ wɔkɛ Yehowa gba sane yɛ sɔlemɔ mli lɛ, hemɔkɛyeli ni wɔyɔɔ akɛ ejwɛŋɔ wɔhe lɛ mli waa. Wɔbaanyɛ wɔnu he tamɔ lalatsɛ lɛ nu he lɛ nɔŋŋ, mɔ ni sɔle akɛ: “Ona mimanehulu lɛ; ole nɔ ni haoɔ mi waa lɛ.” (Lala 31:7) Kɛ́ wɔkɛ shihilɛi ni mli wawai miikpe lɛ, le ni wɔle akɛ Yehowa nuɔ bɔ ni wɔnuɔ he wɔhãa lɛ shishi lɛ pɛ po baanyɛ awa wɔ ni wɔkpee naa. Jeee na kɛkɛ enaa shihilɛ ni wɔtsɔɔ mli lɛ, enuɔ shishi hu. Anɔkwa, enuɔ shishi fe mɔ fɛɛ mɔ. Ele nɔ ni wɔtsɔɔ mli lɛ, ni etsɔɔ Biblia lɛ nɔ eshɛjeɔ wɔmii ni ewoɔ wɔ hewalɛ.
Ekolɛ Obaasumɔ Enɛ Hu
BUU-MƆƆ
Mɛɛ Gbɛ Nɔ Oootsɔ Osɔle Ni Nyɔŋmɔ Abo Bo Toi?
Obaanyɛ osɔle ohã Nyɔŋmɔ be fɛɛ be yɛ he fɛɛ he; obaanyɛ osɔle ni anu loo osɔle yɛ oyitsoŋ. Yesu tsɔɔ wɔ nɔ ni wɔbaanyɛ wɔkɛɛ po.
BIBLIA MLI ŊMALƐI NI AGBALA MLI
Yesaia 41:10 Ni Agbala Mli—“Kaashe Gbeyei, Shi Mi, Mikɛo Yɔɔ”
Yehowa wie sane kome too lɛ nɔŋŋ he yɛ gbɛi etɛ nɔ kɛma nɔ mi ehã mɛi ni jáa lɛ lɛ akɛ bɔ fɛɛ bɔ ni fee lɛ, ebaaye ebua amɛ.
ESSENTIAL BIBLE TEACHINGS
Ani Nyɔŋmɔ Boɔ Sɔlemɔi Fɛɛ Toi?
Kɛ́ mɔ ko sɔle koni ekɛfo lɛ pɛ enɔ mli hu? Kɛ́ nuu ko fee eŋa niseniianii, ni sɛɛ mli lɛ, esɔle ebi Nyɔŋmɔ dɛŋ jɔɔmɔ hu?
SAJI NI OBLAHII KƐ OBLAYEI BIƆ
Mɛni Hewɔ Esa Akɛ Masɔle?
Ani sɔlemɔ ji nɔ ko ni hãa mɔ he jɔɔ lɛ kɛkɛ loo efeɔ nɔ kroko hu ehãa mɔ?
BUU-MƆƆ
Ani Nyɔŋmɔ Boɔ Wɔsɔlemɔi Toi?
Biblia lɛ kɛɔ akɛ, kɛ́ wɔsɔle wɔhã Nyɔŋmɔ yɛ gbɛ kpakpa nɔ lɛ, ebaabo wɔ toi.
