Mɛɛ Hiɛnɔkamɔ Yɔɔ Kɛhã Mɛi Ni Egboi Lɛ?
Wɔ fɛɛ wɔbaagboi kɛ̃. Shi ani gbele ji wɔnaagbee? Ani hiɛ eje mɛi ni egboi lɛ anɔ kɛmiiya naanɔ? Ani hiɛnɔkamɔ ko yɛ kɛhã amɛ?
SUSUMƆ NƆ NI BIBLIA LƐ KƐƆ LƐ HE OKWƐ:
HIƐ EJEKO MƐI NI EGBOI LƐ ANƆ
‘Mɛi fɛɛ ni yɔɔ gbohii akaimɔ bui lɛ amli lɛ baaje kpo.’—Yohane 5:28, 29, shishigbɛ niŋmaa.
Nyɔŋmɔ kaiɔ mɛi ni egboi lɛ; mɛi ni yɔɔ ekaimɔ mli lɛ baaba wala mli ekoŋŋ.
ABAATEE GBOHII ASHI YƐ SHIKPƆŊ LƐ NƆ
“Abaatee jalɔi kɛ mɛi ni ejaaa fɛɛ shi.”—Bɔfoi 24:15.
Abaatee mɛi akpekpe toi akpei abɔ shi kɛba wala mli, ni amɛbaaná hiɛnɔkamɔ lɛ akɛ amɛbaahi shi kɛya naanɔ yɛ toiŋjɔlɛ babaoo mli.
GBOHIIASHITEE LƐ BAABA LƐƐLƐŊ
“[Nyɔŋmɔ kaneɔ] ŋulamii lɛ ayibɔ; ekɛ amɛteŋ eko fɛɛ eko gbɛ́i tsɛɔ lɛ.”—Lala 147:4.
Akɛni Nyɔŋmɔ nyɛɔ ekɛ ŋulamii lɛ ateŋ eko fɛɛ eko gbɛ́i tsɛɔ lɛ hewɔ lɛ, ebaanyɛ ekai mɛi ni ebaatee amɛ shi lɛ aahu.
Ekolɛ Obaasumɔ Enɛ Hu
SANEBIMƆI NI BIBLIA LƐ EHÃ HETOO
Mɛni Ji Gbohiiashitee Lɛ?
Onaa baakpɛ ohe yɛ mɛi ni abaatee amɛshi kɛba wala mli lɛ he.
