Obaanyɛ Ohã Nibii Ahi Ahã Bo Wɔsɛɛ
Aaafee afii 3,500 ni eho nɛ lɛ, Yehowa Nyɔŋmɔ tsɔɔ mɛi ni jáa lɛ lɛ nɔ ni esa akɛ amɛfee koni nibii ahi ahã amɛ wɔsɛɛ. Ekɛɛ amɛ akɛ: “Mikɛ wala kɛ gbele, jɔɔmɔ kɛ loomɔ, eshwie ohiɛ; no hewɔ lɛ, kɔ wala koni ohi wala mli, bo kɛ oseshibii.”—5 Mose 30:19.
Ehe bahia ni Nyɔŋmɔ webii lɛ akpɛ yiŋ kpakpa bɔ ni afee ni nibii ahi ahã amɛ wɔsɛɛ. Ŋmɛnɛ lɛ, wɔ hu esa akɛ wɔfee nakai nɔŋŋ. Biblia lɛ etsɔɔ wɔ nɔ ni esa akɛ wɔfee koni nibii ahi ahã wɔ wɔsɛɛ, ni no ji: ‘Ní wɔsumɔ Yehowa, wɔ-Nyɔŋmɔ lɛ, ní wɔbo egbee toi.’—5 Mose 30:20.
TE WƆƆFEE TƐŊŊ WƆSUMƆ YEHOWA NI WƆBO EGBEE TOI LƐ?
ESA AKƐ WƆKASE BIBLIA LƐ: Ja okase Yehowa he nii yɛ Biblia lɛ mli dani obaanyɛ osumɔ lɛ. Be ni ofeɔ nakai lɛ, obaana akɛ eji Nyɔŋmɔ ni yɔɔ suɔmɔ, ni eesumɔ ni ahi ahã bo. Ekɛɛ osɔle ohã lɛ, ejaakɛ ‘ejwɛŋɔ ohe.’ (1 Petro 5:7) Biblia lɛ ewo shi akɛ, kɛ́ obɔ mɔdɛŋ akɛ obaatsi obɛŋkɛ lɛ lɛ, lɛ hu ‘ebaatsi ebɛŋkɛ bo.’—Yakobo 4:8.
OKƐ NƆ NI OKASEƆ LƐ ATSU NII: Kɛ́ okɛ ŋaawoi ni nilee yɔɔ mli ni yɔɔ Biblia lɛ mli lɛ tsu nii lɛ, belɛ, oobo Nyɔŋmɔ toi ji no. Ni “no baahã oye omanye yɛ ogbɛ nɔ, ni obaafee onii yɛ hiɛshikamɔ mli.”—Yoshua 1:8.
Ekolɛ Obaasumɔ Enɛ Hu
BUU-MƆƆ
Kɛ́ Obaaná Naanɔ Wala Wɔsɛɛ Lɛ, Edamɔ Onɔ!
Mɛi komɛi heɔ amɛyeɔ akɛ, atsɔ hiɛ ato nɔ ni baaba amɛnɔ momo. Shi ani eji anɔkwale?
