Kanemɔ Kojolɔi 11:​30-40 lɛ koni ona nɔ ni obaanyɛ okase kɛjɛ Yefta kɛ ebiyoo lɛ dɛŋ yɛ shiwoo ni ayeɔ nɔ lɛ he.

Kanemɔ saji ni tsɔ hiɛ lɛ kɛ nɔ ni nyiɛ sɛɛ lɛ fɛɛ jogbaŋŋ. Te blema Israelbii anɔkwafoi lɛ na shi ni awoɔ Yehowa lɛ amɛhã tɛŋŋ? (4 Mo. 30:2) Mɛni Yefta kɛ ebiyoo lɛ fee ni tsɔɔ akɛ amɛheɔ Yehowa nɔ amɛyeɔ?—Koj. 11:​9-11, 19-24, 36.

Taomɔ nii amli. Be ni Yefta wo shi akɛ mɔ fɛɛ mɔ ni baaje kpo kɛjɛ eshĩa lɛ shinaa lɛ mli ekɛ lɛ abakpe lɛ, ekɛ lɛ baahã akɛ shãa afɔle lɛ, no mli lɛ te etsɔɔ tɛŋŋ? (w16.04 5 kk. 12) Mɛni Yefta kɛ ebiyoo lɛ kɛshã afɔle koni Yefta anyɛ aye eshiwoo lɛ nɔ? (w16.04 6-7 kk. 14-16) Ŋmɛnɛ lɛ, mɛɛ shi srɔtoi Kristofonyo ko baanyɛ awo?—w17.04 5-8 kk. 10-19.

Jwɛŋmɔ nibii ni okase yɛ mli lɛ anɔ. Bi ohe akɛ:

• ‘Mɛni kɛ́ mifee lɛ, ebaaye ebua mi koni manyɛ mahi shi yɛ shi ni miwo Yehowa akɛ masɔmɔ lɛ miwala gbii fɛɛ lɛ naa?’ (w20.03 13 kk. 20)

• ‘Mɛɛ nibii manyɛ mikɛshã afɔle koni manyɛ matsu babaoo yɛ Yehowa sɔɔmɔ lɛ mli?’

• ‘Mɛni manyɛ mafee ni baaye abua mi ni mahi shi yɛ kitã ni mikã be ni miboteɔ gbalashihilɛ mli lɛ naa?’ (Mat. 19:​5, 6; Efe. 5:​28-33)