Ani bei komɛi lɛ, ewa kɛhã bo akɛ obaakai nɔ ni okase lɛ? Wɔteŋ mɛi pii yɛ ni ewa kɛhã wɔ. Shi ekolɛ oyɔse akɛ, ewaaa kɛhãaa bo akɛ obaakai nɔkwɛmɔnii ni Yesu kɛtsu nii lɛ. Onyɛɔ ofeɔ nɔkwɛmɔnii nɛɛ ahe mfoniri, ni no yeɔ ebuaa bo ni onyɛɔ okaiɔ. Nakai nɔŋŋ kɛ́ bo hu ofee nibii ni okaseɔ lɛ ahe mfoniri lɛ, no baaye abua bo ni okai. Mɛni ji nɔ kome ni baawa bo ni onyɛ ofee enɛ? No ji, ni obaatɛŋ nɔ ni okaseɔ lɛ he mfoniri.

Bei pii lɛ, mɛi ni tɛŋɔ nibii hei ni amɛmiikase lɛ ahe mfonirii lɛ nyɛɔ amɛkaiɔ nɔ ni amɛkase lɛ waa. Enɛ yeɔ ebuaa amɛ ni amɛnuɔ wiemɔi ni yɔɔ nɔ ni amɛkaneɔ lɛ mli lɛ ashishi jogbaŋŋ. Shi jeee no pɛ. Eyeɔ ebuaa amɛ ni amɛnuɔ otii ni yɔɔ mli lɛ hu ashishi jogbaŋŋ. Nibii ni amɛtɛŋɔ lɛ jeee mfonirii diɛŋtsɛ, shi amɛtamɔ kolikoi kɛkɛ. Ni ayɔse akɛ mɛi ni náa nibii ni atɛŋɔ be ni akaseɔ nii lɛ ahe sɛɛ titri ji, mɛi ni edara yɛ afii amli.

No hewɔ lɛ, be kroko kɛ́ ookase nii lɛ, bɔɔ mɔdɛŋ ni otɛŋ nibii ni okaseɔ lɛ ekomɛi ahe mfoniri, ni bɔ ni no baahã okai nibii ni okase lɛ baahã onaa akpɛ ohe waa!