Niiamlitaomɔ Wolo Kɛhã Yehowa Odasefoi lɛ baanyɛ aye abua bo ni okase nibii srɔtoisrɔtoi babaoo.

Akrabatsa ni atswaa wiemɔi awoɔ mli kɛtaoɔ nii yɛ Buu-Mɔɔ INTANƐT NƆ WOJIATOOHE lɛ baanyɛ aye abua bo ni okɛ Niiamlitaomɔ Wolo lɛ atsu nii. Kɛ́ obɔi wiemɔ ko tswaa yɛ akrabatsa lɛ mli lɛ, wiemɔi srɔtoi ni kɛ lɛ yɔɔ tsakpãa lɛ baapue. Kɛ́ wiemɔi nɛɛ eko yɛ Niiamlitaomɔ Wolo lɛ mli lɛ, obaana ni aŋma wiemɔ ni ji, “Saneyitso” lɛ yɛ he.

Kaa okwɛ: Feemɔ tamɔ ootswa wiemɔ ni ji, “Yehowa” lɛ yɛ akrabatsa lɛ mli (A). Yɛ wiemɔi ni baapue lɛ amli lɛ, halamɔ wiemɔ ni ji, “Yehowa” ni aŋma “Saneyitso” yɛ he lɛ (B). Yɛ saji ni baaba lɛ amli lɛ, obaana Niiamlitaomɔ Wolo lɛ mli saneyitso ni baahã ole Yehowa he saji pii.