Kɛ́ oofee aŋkro nikasemɔ lɛ, ani oosumɔ ni onu nibii ni okaseɔ lɛ ashishi jogbaŋŋ? Obaanyɛ oka ŋaawoi nɛɛ okwɛ akɛ ebaahã oná he ko ni sa kɛkase nii lo:

• Taomɔ he ko ni hi. Kɛ́ ebaahi lɛ, taomɔ he ko ni tse ni baanyɛ ahã ona nii jogbaŋŋ. Obaanyɛ ota okpɔlɔ ko sɛɛ yɛ tsũ mli loo otao he ko ni ohe baajɔ bo yɛ, yɛ agbo lɛ naa.

• Taomɔ he ko ni mɔ ko gbaŋ onaa. Yesu te shi “leebi maŋkpa” eyasɔle yɛ “he ko banee.” (Mar. 1:35) Kɛ́ onáaa he ko ni mɔ ko gbaŋ onaa lɛ, kɛɛmɔ oweku lɛ loo mɛi ni okɛyɔɔ shĩa lɛ be ni oto ni okɛkaseɔ nii, ni okpa amɛfai ni amɛkafee nibii ni baagbala ojwɛŋmɔ yɛ nakai be lɛ mli.

• Hã ojwɛŋmɔ ahi nikasemɔ lɛ nɔ. Kaahã nɔ ko gbala ojwɛŋmɔ. Kɛ́ okɛ ofoŋ loo tablɛti kaseɔ nii lɛ, okɛfɔ̃ silence loo airplane mode koni ekagbala ojwɛŋmɔ. Ni kɛ́ okai nɔ ko ni esa akɛ ofee, tamɔ shĩa nifeemɔ ko nɛkɛ lɛ, ŋmaa ofɔ shi koni kɛ́ okase nii lɛ otã lɛ, oyafee. Kɛ́ okase nii lɛ kɛshɛ he ko ni ona akɛ ojwɛŋmɔ nyɛɛɛ ahi nikasemɔ lɛ nɔ dɔŋŋ lɛ, obaanyɛ oyashara shi fioo loo okpã omli fioo.